08/10/2026
⚖️ 𝑴𝒂𝒂𝒕𝒘𝒖𝒓𝒌 𝒇𝒐𝒂𝒓 𝒅𝒆 𝒎𝒊𝒏𝒔𝒌𝒆𝒏 𝒆𝒏 𝒅𝒆 𝒃𝒐𝒆𝒓𝒆𝒏 𝒚𝒏 𝑨𝒄𝒉𝒕𝒌𝒂𝒓𝒔𝒑𝒆𝒍𝒆𝒏.
Us amendemint oer it learlingeferfier is oannommen. Bern dy't nei it spesjaal basisûnderwiis of spesjaal ûnderwiis geane, hâlde rjocht op ferfier as se fjouwer kilometer of mear fan 'e skoalle ôf wenje. De gemeente woe dy grins nei seis kilometer bringe, mar seis is in maksimum út de wet en gjin ferplichting. Yntsjinne tegearre mei de CU hawwe wy dat weromdraaid. Basisûnderwiis bliuwt by seis kilometer.
Ek ús moasje oer maatwurk en perspektyf foar de Fryske lânbou is oannommen, yntsjinne tegearre mei it CDA en de CU. De ried freget it kolleezje om by it Ryk en de provinsje te pleitsjen foar in oanpak per gebiet fan it stikstofbelied. Algemiene maatregels reitsje krekt de grûnbûne, biologyske en ekstensive boeren ûnearlik, wylst dy al in soad dogge. Wy freegje ek om dúdlikheid foar PAS-melders, gjin ûnomkearbere besluten sûnder goed sosjaal-ekonomysk ûndersyk, en omtinken foar famyljebedriuwen, bedriuwsopfolging en de leefberens fan it plattelân.
