Vindafjord kommune

06/10/2026

Me er i gang med førebuingane til årets TV-aksjon i Vindafjord!

I år går pengane til Flyktninghjelpen. 🌷💙
Me håpar mange vil vere med som bøsseberarar – ein liten innsats kan bety mykje.

Meld deg på som bøsseberar på www.tvaksjonen.no

05/10/2026

Hausten er ein fin tid for ein ny start🍂

Vil du gjera ein forskjell for folk som bur i Vindafjord – og samstundes få ein spanande arbeidskvardag? No har me fleire ledige stillingar i kommunen, blant anna innan helse og tilrettelagde tenester.

🤝 Avlastar for ein gut på 11 år

🏢 Fagarbeidar kontor og administrasjon – Tilrettelagde tenester

💚 Helsefagarbeidar og sjukepleiar/vernepleiar – institusjonsdrift

👨‍👩‍👧 Helsefagarbeidar, barne- og ungdomsarbeidar eller student – Sandeid bufellesskap

📚 Ringevikarar – Ølen skule

Les meir og søk her: https://vindafjord.easycruit.com/

Tipse gjerne ein venn som bør få med seg desse moglegheitene!

02/10/2026

Tenkjer du at seniordag ikkje er for deg?

Seniordag er for deg som vil vera føre var og planleggja inn i framtida – ikkje berre for dei aller eldste.

På Sjøperlo, Ølen 13. oktober klokka 12–15 får du:
▪ føredrag frå mellom anna ergo- og fysioterapitenesta og tenestekontoret.
▪stand frå Frisk treningssenter, Gnisten, Eurosko og fleire
▪råd om korleis du kan ta vare på helse, føter, og kvardag framover

Tenkjer du at du er for ung? Då er dette dagen du bør komma.

Nysgjerrig på kva som finst av tilbod – no og seinare? Kom på seniordag!

29/09/2026

Haustferie i Vindafjord 🍂

Du treng ikkje reisa langt for å få store opplevingar – me har samla turar, aktivitetar og tips for heile familien på nett.

👉 Sjå alle ferietipsa våre: lenkje i kommentarfeltet

28/09/2026

Fram til 30. oktober kan du som er 62 år eller eldre søkja om pengar til å gjera eigen bustad meir aldersvennleg. Målet er at fleire skal kunna bu trygt heime lenger. Les meir om den statlege ordninga her:

Vil du gjera bustaden tryggare og enklare å bu i når du blir eldre? No kan du søkja om tilskot frå Husbanken gjennom ei ny ordning. Søknadsfristen er 30.oktober 2026.

23/09/2026

Vil du vere med å utvikla heimetenestene våre?

Vindafjord kommune søkjer einingsleiar for heimetenesta. Dette er ei sentral leiarrolle der du får:

▪heilskapleg ansvar for fag, personal og økonomi
▪vere tett på kvardagen til innbyggjarar, pårørande og medarbeidarar
▪samarbeide med tre avdelingsleiarar om å vidareutvikla tenestene
▪bidra til trygg, framtidsretta og samordna heimetenester i kommunen

Me ser etter deg som har relevant høgare utdanning, leiarerfaring og god forståing for helse- og omsorgstenester – og som ønskjer å ta eit tydeleg steg vidare som leiar.

Les meir og søk på stillinga her: https://www.finn.no/job/ad/476992723

Del gjerne vidare eller tips nokon du trur passar!

22/09/2026

I dag markerer me Verdsdagen for psykisk helse på Ølen kulturhus.💚

Temaet er Tillit er beredskap. Kvelden byr på føredrag med Henning Aarekol og sofasamtale med artist Paul Hansen, sokneprest Åse Selsvold og Henning Aarekol.

Arrangementet er gratis og ope for alle, kl. 18.00–20.00.

Påmelding via Medvind24.no - lenkje i kommentarfeltet.

Velkomen!

19/09/2026

No nærmar det seg årets vaksinering i Vindafjord. Smittevernlege Iris D. Klage-Håheim oppmodar innbyggjarane om å bestille time i Helseboka.
Vaksineringa blir gjennomført på Kulturhuset i Ølen over fem dagar i november:

• Måndag 16.11.2026
• Tysdag 17.11.2026
• Fredag 20.11.2026
• Tysdag 24.11.2026
• Torsdag 26.11.2026
Alle dagane er opne kl. 08.00–15.30.

Bestiller du no får du valt eit tidspunkt som passar, og me kan gjennomføre vaksineringa trygt og effektivt.

Leveransar av influensavaksinen er noko forseinka i år. Smittevernlege Iris D. Klage-Håheim understrekar at innbyggjarane ikkje treng å uroa seg:

– Det kan tvert imot vere ein fordel at vaksineringa skjer nærare influensasesongen. Influensavaksinen gir vanlegvis best vern dei første tre månadene, og influensaen sirkulerer oftast mest frå desember og utover.

Folkehelseinstituttet tilrår influensavaksine innan byrjinga av desember.

– Innbyggjarane har god tid til å bestille time og nytte kommunen sitt tilbod på Kulturhuset. Det er ikkje nødvendig å skunde seg til apoteket, der vaksinen kostar meir, seier smittevernlegen.

Vaksinasjonsprogrammet for vaksne omfattar årleg influensavaksine for personar som har fylt eller fyller 65 år i løpet av året, og yngre personar i risikogrupper. Aktuelle grupper kan også få koronavaksine og pneumokokkvaksine.

Influensavaksinen kostar 310 kroner.

Bestill time i Helseboka: https://app.helseboka.no/booking/staff/4543424/treatment

Treng du hjelp til bestilling? Kontakt vaksinekontoret på telefon 913 03 842
måndag til torsdag kl. 09.00–15.00, eller [email protected].

For meir informasjon sjå nettsida til kommunen (lenkje i kommentarfeltet).