01/10/2026
Tøyveskebiblioteket «Les med meg!» har komme til Haram 📚
Tøyveskebiblioteket «Les med meg!» er eit samarbeid mellom barnehage og bibliotek, og eit enkelt og effektivt tiltak som gjer bøker lett tilgjengelege for barnefamiliar i kvardagen. Målet er å stimulere til meir høgtlesing heime 💛📖.
Biblioteket pakkar tøyveskene med bøker klare til utlån, og barnehagane hentar dei på biblioteket 📚✨. Deretter formidlar barnehagen tilbodet til barn og føresette, og syter for at tøyveskene står synleg og lett tilgjengeleg. Då er det enkelt å ta med seg ei veske heim ved henting, og levere bøkene tilbake på same stad når ein er ferdig.
Ordninga gjer det lettare å få gode leseopplevingar inn i kvardagen, både for familiar som ikkje har så mange bøker heime, og for dei som ikkje alltid rekk innom biblioteket.
Prosjektet er støtta av Møre og Romsdal fylkeskommune 🙌.
Haramsbiblioteka starta opp med ordninga i fjor i samarbeid med Søvik barnehage, og vi er svært takknemlege for innsatsen og samarbeidet. No samarbeider vi med fire barnehagar, og etter vinteren skal vi utvide prosjektet slik at endå fleire barn og familiar får tilgang til gode bøker og gode leseopplevingar 📖💫.
