Viketunet i Jondal

31/08/2026

Styret i Viketunet Aktivitetslag har, i samråd med utstillarane, vedteke å la utstillinga om Hellebrotet stå ein sesong til.
Utstillinga med grytelappar og pyntehandkle vert teke ned denne veka.
Det vert difor ikkje fleire opningsdagar no i haust.
Stor takk til alle som har vore med og laga ein fin sesong 2026 - bidragsytarar, bakarar, vertar, andre dugnadsfolk og alle besøkjande! ❤️

03/08/2026

Opningssesongen i Viketunet er over for i år. 🌺

Torsdag 30.juli var det bakedag i Elduset der Grete, Marta, Aslaug, Laila og Anne Marie baka krotakaker og delte ut smaksprøver. På kjøkenet serverte Trude og Gudmund vafler og kaffi. Mange kom på besøk. 🌺

Det vart også ein kjekk dag laurdag 1.august: Rjomagraut og risgraut gjekk unna i det våte været. Stova var full av folk og prat. 🌺
På ettermiddagen hadde me forteljing om Hellebrotet og utstillinga i Vikeløa for tredje gong i sommar - kjekt at så mange var interessert tilstades! 🌺

Takk for alle gode tilbakemeldingar frå gjestane våre!🌺
Takk til dei som har bidrege til den fine utstillinga og til aktivitetane i sommar!🌺
Og takk for heilt avgjerande dugnad frå alle som stiller som vertar, baker kaker og legg til rette for at bygdetunet vårt vert brukt og teke vare på! 🌺
På laurdag var det Oddveig, Inger, Marta, Ola Kåre og Olaug som tok imot, og Magnar fortalde om Hellebrotet. 🌺

Utstillinga vert ståande ei stund framover. Me håper på ei «pop up»- opning om nokre veker. Det er framleis nokon som seier dei ikkje har fått besøkt utstillinga. 🌺

15/07/2026

Viketunet denne veka:

🌸Torsdag 23.juli kl. 13-17
Vertar: Haldis og Svein Johan

🌸Sundag 26.juli kl. 13-17
Vertar: Trude og Gudmund

Utstillinga med pyntehandkle /gryteklutar og ting/historie frå Hellebrotet er ope i Vikeløa.

Vertane tek imot deg med kaffi og kaffimat - og ein god prat.

No er det to veker att av faste opningsdagar denne sesongen.

Velkomen til deg! 🌸

12/07/2026

Må dela desse fine bileta som David Måkestad tok på aktivitetsdagen. Tusen takk, David! 🥰

Trykk på eit av bileta i mappa - då får du opp alle bileta.

11/07/2026

Aktivitetsdagen i Viketunet laurdag 11.juli vart ein spesiell og spennande dag:
Randi og Jostein separerte «ekte»mjølk rett frå kua til fløte og skumma mjølk. Etterpå var det kinning av smør i ei gammal kinne frå Viketunet og til sist utvanning av smøret.
Signe steikte mjølkekaker i fleire timar og mange fekk smaka på delikatessen - nokre fekk nykverna smør på.
Magnar klypte lappheller med hellesaks og slo til rasteheller med hamrar.
Arjen fortalde om husorgelet og restaurering av dette. Me fekk 35000kr av Sparebankstiftinga Hardanger til restaureringa, og etter 90 timars nitidig arbeid av Norges sin einaste orgelreparartør, er orgelet som nytt.
Magnar og Eilev fortalde historia til Hellebrotet og om arbeidet med steinen i ura, frå utvinning til utskiping med skuter. Ei rå og tøff historie som må leva vidare. Ei viktig kulturhistorisk soge!
Oddveig og Olaug fortalde om utstillinga i Vikeløa der pyntehandkle og gryteklutar pryder veggane og mange gjenstandar og historier om Helleura på Solesnes er fortald og illustrert.
TAKK til alle dykk som stilte opp med ulike aktivitetar!
Svært hyggeleg at Tunet var fylt med mykje interesserte folk heile dagen - takk til alle som kom!
Og takk til vertane Hilde, Ola Kåre og Olaug.

Sjå videoklipp i kommentarfeltet!

Me vil oppfordra alle jondølingar til å ta turen innom utstillinga i løpet av juli! Det er verdt turen!

30/06/2026

27/06/2026

Flott opning av utstillinga i Viketunet i dag!
Takk til alle som kom, til bakarar og vertar, til Magnar, Eilev, Torgunn og William og alle som har bidrege til utstillinga av pyntehandkle, gryteklutar og historia om Hellebrotet Støkkje på Solesnes!
Velkomen til Viketunet i løpet av sommaren!

23/06/2026

Jonsokbrudlaupet i Jondal/Viketunet vart ei stor oppleving! 150 ungdommar frå leiren til Natur og Ungdom var med i toget og dansen. Me klarte ikkje å traktere alle med kaker og kaffi, men me fylte opp festlokalet i Vikeløa med så mange me hadde plass til.
Brudeparet Leah og Vetle var flott brud og brudgom i dei nydelege bunadene! Og Hans Elias spelte brudeparet fint fram i toget og inn i Vikeløa.
Takk til alle som kom og gjorde feiringa fin! 🌺🌸🌺

02/06/2026

Gøy med dugnad!
Jostein har slipt/pussa og malt flaggstonga. Stoooor jobb! 🙏😘
I dag fekk stonga ny messingkule og snor (betalt av Ullensvang kommune 🙏😘) og vart sett på plass av effektive karar 🙏😘.
Og til slutt flaggheising med med ny vimpel gjeve av Hilde og Lars-Arne. 😘🙏
Sissel kom med eit brett Betulia 🙏😘
Og etter at bord og stolar var sett på plass i Løa, hadde me koseleg kaffistund med nybakte gulerotboller frå Randi 🙏😘.
TAKK for engasjementet for Viketunet!

19/05/2026

Me hadde ei særs kjekk dugnadsøkt i Viketunet i dag!
14 gode hjelparar vaska, kosta, støvsugde, slipte og måla slik at Viketunet er pynta og klar til sesongstart.
Og så avslutta me med lunsj og god prat i stova.
TUSEN TAKK alle saman!