12/10/2026
For ein start på veka! Magnus Helgerud heldt føredraget «100 ting jeg tenker på når jeg tenker på Romerriket» for 9. klasse her på biblioteket. Med suveren formidlingsevne tok Magnus oss med tilbake til det elleville Romarriket. Vi fekk servert både festlege, fråstøytande og overraskande fakta om livet i antikken, mellom anna om øyrevoks som laut etast for å døyve insektstikk, klede som vart vaska i urin og leirepulver, og korleis handrørsler og kroppsspråk vart aktivt brukt i kommunikasjon. Gesten Magnus viser på bildet er altså ein heilt annan enn vi tolkar han som i dag.
Etter føredraget vart Helgerud overraska med ei heilt spesiell gåve då lærar Øyvind overrekte ei Arsenaltrøye signert av 9. klassingane!
«Rett på sak» er ein formidlingsturne i regi av Innlandet fylkesbibliotek, Norsk litteraturfestival og Den kulturelle skulesekken Innlandet, der sakprosabøker blir formidla til 9. klassingar i heile fylket. I fjor hadde vi besøk av Kristina Quintano med boka «Flukt; 11 ungdommers historier om reisen, frykten og håpet» på same turné. Vi er veldig takknemlege for å kunne gje elevane sakprosaformidling av så høg kvalitet.
