Vest-Telemark Museum

17/09/2026

Vil du bli vår nye avdelingsleiar for samlingsforvaltning? Meir informasjon om stillinga her: https://www.visittelemark.info/vest-telemark-museum/om-vtm/ledige-stillingar?purgepage=1

16/09/2026

15/09/2026

Spanande konsert i gruva på Åmdals Verk!

10/09/2026

Velkomen til Gongestoga på Dyrsku'n Arrangement AS 😊
Åse Marit Kleiv Dale er klar med ei historisk utstilling om reparasjon og redesign i regi av Vest-Telemark museum. Ved Gongestoga blir det óg mogleg å få informasjon om og praktisk demonstrasjon av handverksteknikkar ved Fortidsminneforeningas avdeling i Vest-Telemark, og det blir snikkarverkstad for born og restaurering av vindauge.
Kl. 14.30 kvar dag er det duka for folketonar og soger med duoen Knut Buen og Ragnar Haugstøl.

10/09/2026

Skal du på Dyrsku'n Arrangement AS i helga? Velkomen innom Hall B! Her kan du sjå innsendte arbeid til den nasjonale tevlinga i husflid, handverk og design. Husflidstevlinga omfattar i år 131 påmelde arbeid innan ulike kategoriar 🤩
I tillegg kan du oppleve handverkarar i aksjon, og særutstillinga «Frå tradisjon til moderne, grenselaus og berekraftig», melder prosjektleiar Anna Katharina Garmeister.
Stikkord er reparasjon, ombruk og redesign, noko som har vore viktig for tidlegare generasjonar, og fått ny aktualitet dei seinare åra. Martiens Bekker lagar kunst og smykker av gjenbruksmaterialar. Smykker kjem også ut av verkstaden til sylvsmedfiligransmeister Gry Grindbakken. Instrument laga av Ottar Kåsa er óg med i særutstillinga.
Skreddar Anders Storøygard vil syne reparasjonsarbeid i praksis, medan Ida Charlotte Børrestad Hodne har reparert kvardagslege gjenstandar, som lamper. I mellombygget som binder Hall A og B saman kan publikum mellom anna møte designar og skreddar Veronica Glitsch.
Norsk knivforening skal demonstrere knivmaking i Hall B, og lokale elevar syner knivar dei har laga i ei utstilling. Bokbindar Lisa Bøthun og lærling Siri Marie Fjell kjem og demonstrerar handhefting og forgylling, og studentar ved USN har laga utstilling med utvalde arbeid.
📌OBS! Hugs premie- og prisutdelinga til Husflidstevlinga sundag kl. 14.00 i arenaen Tettpå Stor.
📌Innleveringsfrist til neste tevling er 10. august 2027

09/09/2026

Torgrim Otterholt hadde i dag det ærefulle oppdraget med å ringe kyrkjeklokka i Eidsborg. Her er han i teneste i ettermiddag, etter gravferdsseremonien til kong Harald, då landets kyrkjeklokker skulle ringe samanhengande i ein time. Ein historisk dag, også i stavkyrkja frå 1100-talet.

08/09/2026

Det er god variasjon i arbeidsoppgåver på eit museum, og i går var det reiskapsboden Karen-bu, som er av nyare dato, som fekk ei betre plassering grunna planar for verkstadtomta i Eidsborg. Olav og Ivar på FDV-avdelinga sørgde for at flytteprosessen gjekk som smurt 😄

08/09/2026

Tysdag 15. september er siste ordinære opningsdag for museet i Eidsborg. Me har ope kl. 10-17 både kvardag og helg. Takk til alle som har besøkt oss denne sesongen!

04/09/2026