29/10/2026
IBSEN BLIR 200!🎉📖📚
I 2028 er det 200 år sidan Ibsen vart fødd. Det må markerast og derfor set regjeringa av 15 millionar kroner til formidling i folkebiblioteka.
– Det er viktig å ta vare på historia om Noregs viktigaste dramatikar. Vi ønskjer at nye generasjonar skal bli kjent med dramatikken og forfattarskapen hans. Biblioteka er blant våre viktigaste og mest inkluderande møteplassar, og eg gler meg til å sjå alle markeringane av Ibsen og vår kulturarv over heile landet i jubileumsåret 2028, seier kultur- og likestillingsminister Lubna Jaffery.
Nasjonalbiblioteket har ansvaret for å leie og koordinere Ibsen 200 nasjonalt og internasjonalt. Midlane til biblioteka skal byggje opp under gode samarbeidsprosjekt mellom folkebibliotek og andre lokale og regionale aktørar i Noreg. Brorparten av midlane vil lysast ut i 2027.
📸 1: Foto: Gustav Borgen - Nasjonalbiblioteket
📸 2: Foto Hulda Szacinski - Oslo Museum
📸 3: Foto Ukjent fotograf - Oslo Museum