Surnadal kommune

16/09/2026

🏥🔧 Likar du å forstå korleis helsebygg fungerer - og få alt til å spele på lag?

Vi søker byggdriftar i 100 % fast stilling til helsebygga i Surnadal kommune. Her får du ein variert teknisk kvardag med ansvar for drift og vedlikehald av bygg, tekniske installasjonar og uteområde – slik at bebuarar, brukarar og tilsette har trygge og funksjonelle rammer rundt seg.

🏗️ Samtidig skjer det noko stort: Surnadal Helsehus er under utvikling. Som byggdriftar får du vere med allereie i byggefasen, bidra med driftsperspektivet og delta i prøvedrift, overlevering og overgangen til ordinær drift. Du får også ei viktig rolle når nye tekniske anlegg og digitale styringssystem skal takast i bruk.

Dette kan vere jobben for deg som likar kombinasjonen av praktisk arbeid, moderne byggteknologi og problemløysing – og som vil vere med og utvikle god kommunal eigedomsdrift for framtida.

👉 Les meir om stillinga og søk innan 11. oktober.

Surnadal kommune Teknisk drift

15/09/2026

📍Måndagar kl. 15-18 er det ungdomsklubb i idrettshallen på Øye
📍Tysdagar kl. 15-19 er det ungdomsklubb i Kulturhuset
📍Ein onsdag i månaden er det ungdomsklubb på Nordmørefolkehøgskule
👻Surnadal Ungdomsklubb er på Snapchat. Ungdomsklubben er for deg på 8. trinn og oppover.

Velkommen 🙂

10/09/2026

💙 Ein kveld for kunnskap, sterke historier og gode møte

Måndag 21. september markerer vi Alzheimerdagen i Surnadal kulturhus.

Denne kvelden får du møte Øyvind Blindheim og sonen Syver frå Team Pølsa, høyre demenskoret Heimklang og bli betre kjent med forskinga på barnedemens gjennom hjerneforskar Magnar Bjørås frå NTNU. Det blir også ein nær sofaprat med Merete Haugen og Robert Nergård, foreldra til Mikkel.

📅 Måndag 21. september
🕕 Kl. 18.00
📍 Surnadal kulturhus
🎟️ Billett: 200 kroner

Det blir også sett opp gratis buss frå Kyrksæterøra via Valsøya og Liabø.

Velkommen til ei viktig markering med rom for både kunnskap, personlege erfaringar og fellesskap. 💙

👉 Les meir om program, billettar og gratis buss på heimesida vår: https://www.surnadal.kommune.no/aktuelt/alzheimerdagen-blir-markert-i-surnadal-kulturhus.18302.aspx

08/09/2026

Om du vil følgje TV-overføringa frå Kong Harald V si gravferd saman med andre, kan du gjere det på Frivilligsentralen frå kl. 12.00.

Tusen takk for din varme, raushet og kjærlighet!
La oss hedre ditt minne ved å se hverandre, akseptere hverandre og ta vare på hverandre ❤️

Om noen ønsker å se begravelsen til Kong Harald V sammen med andre, viser vi tv-sendingen på storskjerm hos oss
Onsdag 9. september fra kl. 12.00.

Velkommen.

08/09/2026

🤔 Kva skal eg bli – og kva finst av moglegheiter her på Indre Nordmøre?

I dag fekk rundt 200 tiandeklassingar frå Surnadal, Sunndal, Rindal og Heim sjå, spørje og prøve sjølve på Karrieredagen i Surnadal idrettshall. 🙌

Med 40 utstillarar på plass fekk ungdommane utforske ulike yrke og utdanningsvegar – og kanskje oppdage moglegheiter dei ikkje visste om frå før.

For snart skal dei ta eit viktig val om vegen vidare. Då er det godt å vite litt meir om kva som faktisk finst – også her på Indre Nordmøre. 🌱

👉 Sjå bilete og les meir frå Karrieredagen!

Kva skal eg velje etter ungdomsskulen – og kva slags moglegheiter finst eigentleg her på Indre Nordmøre? På Karrieredagen 8. september fekk 10.-klassingane bli betre kjent med utdanningar, yrke og arbeidsliv i sin eigen region.

07/09/2026

🇳🇴Ein høgtidsdag – og starten på eit nytt kapittel

Laurdag vart 95 nye norske statsborgarar feira under ein varm og høgtideleg seremoni i Kristiansund. Frå Surnadal kommune fekk Tatiana Melnikova norsk statsborgarskap.

Dagen handla om fellesskap, samkjensle og om å vere ein del av Noreg. Samtidig vart det sett av rom til å minnast Kong Harald med eitt minutts stille og «Kongesangen».

❤️ Vi gratulerer Tatiana og alle dei nye norske statsborgarane med statsborgarskapet – og ønskjer lukke til med det nye kapittelet!

👉 Les meir og sjå bilete frå den høgtidelege dagen.

95 nye norske statsborgarar var samla til statsborgarseremoni i Kristiansund 6. september. Dagen vart ei høgtideleg og varm markering av fellesskap, samkjensle og starten på eit nytt kapittel.

07/09/2026

🤽‍♂️Svømmehallen er open frå og med 1.oktober til og med 31. mars. Den er stengt i skulens haustferie, juleferie og påskeferie.

Svømmehallen ligg på skuleområdet ved Surnadal barne- og ungdomsskule.

01/09/2026

🎭 Noko nytt har vakse fram i foajeen på Surnadal kulturhus!

Torsdag 3. september kl. 18.00 opnar vi det nye amfiet og scena – og du er invitert! 🎉

Det blir gratis underhaldning med Karstein Mauset, Kulturskulen, Dansekompaniet og fleire, og ordførar Hugo Pedersen står for den offisielle opninga. Vi byr også på nokre korte glimt frå det som skjer i og rundt kulturhuset – og sjølvsagt kaffe og kake etterpå. ☕🍰

👉 Ta turen og bli med når vi tek den nye scena og møteplassen i bruk for første gong!

📅 Torsdag 3. september
⏰ Kl. 18.00
📍 Surnadal Kulturhus

01/09/2026

👵👴 Velkommen til markering av Eldredagen!

Surnadal Eldreråd og Pensjonistforbundet Surnadal inviterer til ei triveleg markering av FNs internasjonale eldredag fredag 2. oktober. 🌿

Det blir innlegg ved Paula Næss Skaar, leiar i Pensjonistforbundet Møre og Romsdal, musikk og song med trubadur Erik Hol – og sjølvsagt god tid til mat og sosialt samvær.

📅 Fredag 2. oktober kl. 14.00
📍 Frich’s Hotell Surnadal
⏰ Påmeldingsfrist: 21. september

👉 Les meir om program, påmelding og betaling på heimesida vår.

Surnadal Eldreråd og Pensjonistforbundet Surnadal inviterer til markering av FNs internasjonale eldredag på Frich’s Hotell Surnadal fredag 2.oktober kl.14.00

01/09/2026

🐇 Harepest påvist i Orkland – dette er råda

Det er påvist fleire tilfelle av harepest i Orkland. Harepest opptrer oftast på seinsommaren og hausten, og dei generelle råda kan vere nyttige også for oss som ferdast i skog og mark i Surnadal.

Smitte kan mellom anna skje gjennom forureina vatn, kontakt med sjuke eller døde dyr, støv frå smågnagarar og gjennom myggstikk eller flåttbit.

👉 Les råda i artikkelen under om korleis du kan redusere risikoen for smitte, og kva symptom du bør vere merksam på.

Det er påvist fleire tilfelle av harepest i Orkland dei siste vekene. Det er ikkje grunn til uro, men råda frå kommuneoverlegen i Orkland kan også vere nyttige for oss som ferdast i skog og mark i Surnadal kommune.