श्री कालिका बाल विकास मा.वि., ऐसेलुखर्क-१, राखाबाङ्देल, खोटाङ

२०८३ साल बैशाख महिनाको लागि कार्यपात्रो

विद्यार्थी र अभिभावकज्यूहरूले यसै शैक्षिक पात्रोअनुसार आफ्नो योजना बनाउनका लागि पनि अनुरोध गरिन्छ ।

शैक्षिक सत्र २०८२ को वार्षिक परीक्षाको नतिजा

आधारभूत तह उत्तीर्ण परीक्षा (कक्षा ८) को नतिजा २०८२

विद्यार्थीहरूको फोटो खिच्ने रहर पूरा गर्दा ...

विद्यालयलाई सहयोग गर्नुभएकोमा हार्दिक धन्यवाद !

ऐसेलुखर्क १, राखाबाङ्देलको मोदी टोल निवासी कक्षा १० मा अध्ययनरत भूमिका जोगी र कक्षा ९ मा अध्ययनरत बन्दना जोगीको आमा मन कुमारी जोगीले उहाँको दिवङ्गत श्रीमान् कुमार जोगीको नाममा कक्षा १० को विद्यार्थीहरूलाई शुभकामना तथा फेरी भेटौँला कार्यक्रमको लागि आवश्यक खाजाको व्यवस्था गर्नुभएकोमा हार्दिक धन्यवाद व्यक्त गर्दछौँ । साथै उक्त अवसरमा विद्यालयलाई रू. १०,०००/- आर्थिक नगद सहयोग पनि गर्नुभएको छ । उक्त सहयोगको लागि उहाँलाई धेरै धेरै धन्यवाद व्यक्त गर्दछौँ ।

उक्त पैसा चाँहि हाम्रो एकदम कमजोर रहेको विद्यालयको कोषमा जम्मा गरी थप गर्ने नै छौँ भन्ने बाचा र प्रतिबद्धता जाहेर गर्दछौँ ।

हाम्रा प्यारा ३६ औं व्याच (SEE 2082) का विद्यार्थीहरू,

तिमीहरूलाई आज बिदाइ गर्नुपर्दा हामी भावुक बनेका छौँ । तर पनि आजको बिदाइ अन्त्य होइन, नयाँ यात्राको सुरुवात हो । हामीले हाम्रो तर्फबाट तिमीहरूलाई पाठ्यक्रमले तोकिएअनुसार औपचारिक शिक्षा प्रदान गरी कक्षा १० को परीक्षामा सामेल हुनका लागि योग्य बनाएका छौँ । अबका दिनहरूमा सिक्ने, बुझ्ने र जीवनका हरेक अनुभवबाट आफूलाई निखार्ने सबैभन्दा ठूलो जिम्मेवारी तिम्रै हुनेछ ।

तिमीहरूले विद्यालयमा बिताएका ती सुनौला दिनहरू—कक्षाको हाँसो, सिकाइका सङ्घर्ष, साथीहरूसँगको मित्रता र शिक्षकसँगको आत्मीय सम्बन्ध—यी सबै सम्झनाहरू जीवनभर तिम्रा साथ रहनेछन् । जीवन सधैं सजिलो हुँदैन, कहिलेकाहीँ कठिनाइहरू पनि आउनेछन्, तर त्यस्ता चुनौतीहरूलाई अवसरका रूपमा लिएर अघि बढ्न सक्ने साहस नै साँचो सफलताको आधार हो ।

तिमीले शिक्षकले भनेको मात्र मान्ने हो भने तिमीभित्र रहेका अनेक सम्भावनाहरू ओझेलमा पर्न सक्छन् । हरेक व्यक्तिमा अद्भुत प्रतिभा लुकेको हुन्छ, जसलाई चिन्ने र उजागर गर्ने सबैभन्दा ठूलो जिम्मा तिमी आफैंको हो । आफू को हौ, तिम्रो लक्ष्य के हो र तिमी के बन्न चाहन्छौ भन्ने कुरा स्पष्ट रूपमा बुझेर अघि बढ्न सके तिमी अवश्य सफल र प्रेरणादायी व्यक्ति बन्नेछौ भन्नेमा हामी पूर्ण विश्वास गर्दछौँ । तसर्थ, तिम्रो जीवनको motto : 'Be yourself' र 'Know Yourself' भन्ने हुनुपर्छ ।

तिमीहरू जहाँ पुगे पनि यस विद्यालयको नाम, शिक्षकहरूको माया र आशीर्वाद सधैं तिम्रो साथ रहनेछ । तिमीहरूको उज्ज्वल भविष्य, सुख, सफलता र समृद्धिको कामना गर्दै आगामी चैत्र १९ गतेदेखि सञ्चालन हुने SEE को लागि हार्दिक शुभकामना !

Some photographs captured on the occasion of the Farewell Program held on Chaitra 9, 2082 are included here.

बिदा सम्बन्धी सूचना

२०८२ फाल्गुन २१ गते हुन गइरहेको प्रतिनिधि सभा सदस्य निर्वाचनको सन्दर्भमा नेपाल सरकार, गृह मन्त्रालयद्वारा प्रकाशित सूचना अनुसार मिति २०८२ फाल्गुन १८ देखि २२ सम्म बिदा हुने र मिति २०८२ फाल्गुन २४ गते आइतबारका दिन नारी दिवसको बिदा हुने भएकोले मिति २०८२ साल फाल्गुन २५ गते सोमबारदेखि नियमित विद्यालय सुचारु हुने सम्पूर्ण विद्यार्थी तथा अभिभावकहरूलाई जानकारी गराईन्छ ।

शैक्षिक सत्र २०८२ को कक्षा ४ देखि ९ सम्मको वार्षिक परीक्षा तालिका
(ऐसेलुखर्क गाउँपालिकाद्वारा प्रकाशित गरेअनुसार)

त्रिभुवन मा.वि., ऐसेलुखर्कद्वारा ७६ औं वार्षिकोत्सवको उपलक्ष्यमा आयोजित मा.वि. (कक्षा ९-१०) स्तरीय हाजिरीजवाफ प्रतियोगितामा हाम्रो विद्यालयबाट सहभागी भएर द्वितीय स्थान हासिल गर्न सफल हाम्रा विद्यार्थीहरू: प्रिया राई, प्रेशिका राजभण्डारी र सरोज दाहाललाई हार्दिक बधाईका साथ उज्ज्वल भविष्यको शुभकामना व्यक्त गर्दछौं ।

कक्षा १२ को वार्षिक परीक्षा समय तालिका