14/10/2026
नागरिक सुनुवाइ कार्यक्रम सम्पन्न
***************************
आज मिति २०८३ असोज २८ गते इलाका प्रहरी कार्यालय दोभान, ताप्लेजुङको परिसरमा नागरिक सुनुवाइ कार्यक्रम सम्पन्न भएको छ । कार्यक्रममा कार्यालय प्रमुख प्रहरी निरीक्षक दिपक लिम्बु ज्यूले उपस्थित जनप्रतिनिधि,सरकारी कर्मचारी,व्यवसायी,स्थानीयवासी तथा अन्य सहभागीहरूलाई स्वागत गर्दै कार्यालयबाट हालसम्म सम्पादित कार्यहरूको प्रगति विवरण प्रस्तुत गर्नुभएको थियो ।
कार्यक्रमका क्रममा स्थानीयवासी तथा सहभागीहरूले राख्नुभएका गुनासा, सुझाव तथा जिज्ञासाहरूलाई ध्यानपूर्वक सुनी आवश्यक सम्बोधन गरिएको थियो । साथै, नागरिकका समस्या तथा अपेक्षाहरूलाई प्रभावकारी रूपमा समाधान गर्न उपयोगी सुझावहरू संकलन गरिएको थियो । नागरिकका गुनासा तथा सुझावलाई प्राथमिकताका साथ सम्बोधन गर्दै प्रहरी सेवालाई अझ प्रभावकारी, पारदर्शी र उत्तरदायी बनाउने प्रतिबद्धता व्यक्त गरिएको छ । नागरिक सुनुवाइ कार्यक्रमले प्रहरी र नागरिकबीचको सम्बन्ध थप सुदृढ बनाउँदै शान्ति–सुरक्षा कायम गर्न महत्वपूर्ण योगदान पुर्याउने विश्वास गरिएको छ ।