Bhaktapur Municipality

07/10/2026

सामाजिक सुरक्षा भत्ता वितरण सम्बन्धी सूचना !!!

07/10/2026

भक्तपुर नगरपालिका क्षेत्रभित्र सामुदायिक कुकुर तथा बिरालोको वन्ध्याकरण तथा रेबिजविरुद्ध खोप कार्यक्रमअन्तर्गत आर्थिक वर्ष २०८३/८४ को पहिलो चरणको वन्ध्याकरण कार्यक्रममा मिति २०८३/६/२० देखि २३ गतेसम्म सञ्चालित कार्यक्रममा वडा नं. ८ र ९ का ६७ पोथी र ५२ भाले गरी जम्मा ११९ कुकुरको वन्ध्याकरण गरिएको छ।

07/10/2026

भक्तपुर नगरपालिका वडा नं. ९ स्थित ब्रह्मायणी द्यःछेँसँगैको पाटीमा छाना छाउने कार्यमा स्थानीयद्वारा श्रमदान गर्दै।
२०८३ असोज २१ गते

07/10/2026

बोलपत्र आह्वानको सूचना

07/10/2026

सूचना

05/10/2026

भक्तपुर नगरपालिका पसिखेल क्षेत्र तरकारी बजार तथा पार्किङका लागि व्यवस्थित गरिँदै

पसिखेल क्षेत्र तरकारी बजार तथा पार्किङका लागि व्यवस्थित गरिँदै ।भक...

05/10/2026

Talk Show Sunil Prajapati Mayor Bhaktapur Municipality
Palika Television

Enjoy the videos and music you love, upload original content, and share it all with friends, family, and the world on YouTube.

04/10/2026

बाल विकास इङ्ग्लिस सेकेन्डरी स्कुलको फुटसल मैदान उद्घाटन
भक्तपुर, भक्तपुर नगरपालिकाका प्रमुख सुनिल प्रजापतिले बाल विकास इङ्ग्लिस सेकेन्डरी स्कुलको नवनिर्मित फुटसल मैदानको उद्घाटन गर्नुभयो।
कार्यक्रममा नगर प्रमुख प्रजापतिले विद्यालयको निरन्तर प्रगतिको कामना गर्दै बाल विकास इङ्ग्लिस सेकेन्डरी स्कुलले हरेक वर्ष नयाँ–नयाँ कार्यलाई अगाडि बढाउँदै देशकै उदाहरणीय विद्यालयका रूपमा विकास हुँदै आएको बताउनुभयो। विद्यालय ज्ञान प्राप्त गर्ने थलो मात्र नभई विद्यार्थीको सर्वाङ्गीण विकास गर्ने महत्वपूर्ण स्थान भएको उल्लेख गर्दै उहाँले अध्ययनसँगै खेलकुदमा सहभागी हुन पाउँदा विद्यार्थीको व्यक्तित्व विकासमा महत्वपूर्ण योगदान पुग्ने बताउनुभयो।
विद्यालय तहदेखि नै विद्यार्थीले आफूमाझ रहेको क्षमता प्रदर्शन गर्दै उत्कृष्टता हासिल गर्नुपर्नेमा जोड दिँदै उहाँले भक्तपुरलाई शिक्षासँगै खेलकुदमा समेत उत्कृष्ट नगर बनाउने प्रयास भइरहेको बताउनुभयो। भक्तपुरका खेलमैदानहरू स्तरीकरण गर्ने कार्य जारी रहेको उल्लेख गर्दै उहाँले भक्तपुरबाट राम्रा खेलाडी उत्पादन भइरहेको बताउनुभयो। निजी तथा सामुदायिक दुवै विद्यालयको समान रूपमा विकास भइरहेको चर्चा गर्दै उहाँले आगामी कात्तिक महिनामा अन्तरविद्यालय खेलकुद प्रतियोगिता आयोजना हुन लागेको जानकारी दिनुभयो।
बाल विकास इङ्ग्लिस सेकेन्डरी स्कुलका प्रिन्सिपल सुरेन्द्रराज गोसाईंले फुटसल मैदान निर्माण विद्यार्थीको खेलकुद विकासका लागि सानो तर महत्वपूर्ण कदम भएको बताउनुभयो। अतिरिक्त क्रियाकलापअन्तर्गत विद्यार्थीलाई उज्ज्वल भविष्यका लागि आवश्यक अवसर प्रदान गर्ने उद्देश्यले विद्यालयले विभिन्न गतिविधि सञ्चालन गर्दै आएको उहाँले बताउनुभयो। फुटसल मैदान निर्माणले विद्यार्थीहरू खुसी भएको उल्लेख गर्दै उहाँले मैदान निर्माणमा भक्तपुर नगरपालिकाले पुर्‍याएको महत्वपूर्ण सहयोगप्रति आभार व्यक्त गर्नुभयो। साथै, खेलकुदको विकासका लागि नगरपालिकाले गर्दै आएका प्रयासहरूको चर्चा गर्दै विद्यालयले पनि खेलकुद गतिविधिलाई निरन्तर अगाडि बढाउने उहाँले बताउनुभयो।
कार्यक्रममा शिक्षक शंकर आचार्यले पनि बोल्नुभयो। कार्यक्रममा प्रमुख अतिथि तथा अतिथिहरूले नवनिर्मित फुटसल मैदानको अवलोकन गर्नुभएको थियो। सो अवसरमा विद्यार्थीहरूले मैत्रीपूर्ण फुटसल खेलसमेत खेलेका थिए।

04/10/2026

विजयादशमी तथा दीपावलीको अवसरमा शुभकामना आदानप्रदान तथा सांस्कृतिक कार्यक्रम
भक्तपुर । विजयादशमी तथा शुभ दीपावली २०८३ को अवसरमा भक्तपुर नगर क्षेत्रभित्रका विभिन्न वर्गका अपाङ्गता भएका व्यक्ति तथा उनीहरूका अभिभावकबीच शुभकामना आदानप्रदान तथा सांस्कृतिक कार्यक्रम सम्पन्न भएको छ।
भक्तपुर नगरपालिकाको आयोजनामा सम्पन्न कार्यक्रममा नगरपालिकाबाट परिचयपत्र प्राप्त रातो, नीलो, पहेँलो र सेतो वर्गका अपाङ्गता भएका व्यक्ति तथा उनीहरूका अभिभावकहरूको सहभागिता रहेको थियो। कार्यक्रममा भक्तपुर नगरपालिकाले सञ्चालन गरेको तीनमहिने सांकेतिक भाषा तालिमका सहभागीहरूलाई प्रमाणपत्रसमेत वितरण गरिएको थियो।
कार्यक्रमलाई सम्बोधन गर्दै भक्तपुर नगरपालिकाका प्रमुख सुनिल प्रजापतिले अपाङ्गता भएका व्यक्तिहरूका लागि सांकेतिक भाषा महत्वपूर्ण भएकाले यसको आवश्यकता महसुस गरी नगरपालिकाले तालिम सञ्चालन गरेको बताउनुभयो। उहाँले तालिमबाट प्राप्त ज्ञान र सीपको सदुपयोग गर्न आग्रह गर्नुभयो।
अपाङ्गता भएका व्यक्तिहरूमा पनि फरक–फरक क्षमता हुने भएकाले उनीहरूको क्षमता पहिचान गरी प्रोत्साहित गर्नुपर्नेमा नगर प्रमुख प्रजापतिले जोड दिनुभयो। अपाङ्गता विभिन्न स्वास्थ्य अवस्था, वंशानुगत कारण, जन्मजात अवस्था वा दुर्घटनाका कारण हुन सक्ने उल्लेख गर्दै उहाँले अपाङ्गता भएका व्यक्तिका परिवारले समेत विभिन्न कठिनाइ भोग्नुपर्ने बताउनुभयो।
उहाँले अपाङ्गता भएका व्यक्तिमाथि कुनै पनि प्रकारको भेदभाव गर्न नहुने बताउँदै अपाङ्गतामैत्री संरचना निर्माणमा नगरपालिकाले जोड दिँदै आएको उल्लेख गर्नुभयो। साथै, अपाङ्गता भएका व्यक्तिका लागि नगरपालिकाले घरदैलो नर्सिङ सेवा सञ्चालन गरिरहेको जानकारी दिनुभयो।
भक्तपुर नगरपालिकाकी उपप्रमुख तथा अपाङ्गता समिति संयोजक रजनी जोशीले चाडपर्वका समयमा अपाङ्गता भएका व्यक्तिहरूको विशेष ख्याल राख्दै सन्तुलित खाना खुवाउनुपर्ने बताउनुभयो। अपाङ्गता भएका व्यक्तिहरूको हक–अधिकार सुनिश्चित गर्ने उद्देश्यले नगरपालिकाले विभिन्न गतिविधि सञ्चालन गर्दै आएको उहाँले जानकारी दिनुभयो।
उहाँले अपाङ्गता भएका व्यक्तिहरूको स्वास्थ्यलाई ध्यानमा राखी स्वास्थ्य शिविर सञ्चालन गर्दै आएको, साथै उनीहरूलाई आवश्यक पर्ने सहायक सामग्री वितरण गर्दै आएको बताउनुभयो।
कार्यक्रममा भक्तपुर नगरपालिकाका प्रमुख प्रशासकीय अधिकृत जमुना मिश्रले धन्यवाद ज्ञापन गर्नुभएको थियो।
यसैगरी, अपाङ्गता समिति सदस्य तथा वडा नं. १ का वडाध्यक्ष श्यामकृष्ण खत्रीले सहभागीहरूलाई स्वागत गर्नुभएको थियो। उहाँका अनुसार भक्तपुर नगरपालिकाभित्र हाल ७२६ जना अपाङ्गता भएका व्यक्तिले परिचयपत्र प्राप्त गरेका छन्।
कार्यक्रममा कार्यपालिका सदस्य रोसनमैयाँ सुवाल, डा. रत्नसुन्दर लासिवा, अपाङ्गता परिचयपत्र वितरण समितिका सदस्य हिमालयश्वरलाल मूल तथा जिल्ला बाहिर संघका अध्यक्ष सूर्यबहादुर बुढाथोकी लगायतले मन्तव्य राख्नुभएको थियो।
कार्यक्रममा अपाङ्गता भएका व्यक्तिहरूले विभिन्न सांस्कृतिक प्रस्तुति प्रस्तुत गरेका थिए।

04/10/2026

महाकाली क्षेत्र संरक्षण समितिकाे साधारण सभा
२०८३ असोज १७
भक्तपुर नगरपालिकाका प्रमुख सुनिल प्रजापतिको प्रमुख आतिथ्यमा महाकाली क्षेत्र संरक्षण समितिको साधारणसभा सम्पन्न भयो ।
कार्यक्रममा नगर प्रमुख प्रजापतिले नगरपालिकाले गर्दै आएको विकास निर्माणको चर्चा गर्दै पछिल्लो समयमा ज्येष्ठ नागरिकहरुलाई राख्नको लागि आदर निकेतनको भवन निर्माण सम्पन्न गरी सञ्चालनमा आएको बताउनुभयो ।
हाल ३० जना ज्येष्ठ नागरिकहरुलाई राखेर सुरु भएको आदर निकेतनमा सातजना कर्मचारीहरु लगनशील भएर कार्य गरिरहेको उहाँले बताउनुभयो ।
भनपाले शिशुस्याहारदेखि विश्वविद्यालय सञ्चालन गर्ने तयारी गरिरहेको चर्चा गर्दै निम्न आय भएका जनताहरुको सेवा सुविधाको लागि कलेजहरु सञ्चालन भइरहेको बताउनुभयो । ख्वप अस्पतालको स्थापनाले धेरै जनताहरुको सेवा भइरहेको चर्चा गर्दै उहाँले आगामी दिनमा भक्तपुर नगरका जनताहरुको सेवामा जनप्रतिनिधिहरु तल्लिन रहेको बताउनुभयो ।
कार्यक्रमका सभापति भनपा वडा नं. ६ का वडाध्यक्ष हरिराम सुवालले आदर निकेतन राम्रोसँग सञ्चालन गर्न लागिरहेको र आगामी दिनमा अरु वडाहरुमा पनि आदर निकेतन सञ्चालन गर्न सकिने बताउनुभयो । महाकाली पीठमा रहेका सम्पदा संरक्षण र धार्मिकस्थललाई सम्बद्र्धन गर्न प्रतिबद्ध रहेको चर्चा गर्दै समिति सदस्यहरु महाकाली पीठको विकासको लागि प्रयत्नशील रहेको बताउनुभयो ।
समाजसेवी राजेन्द्रभक्त प्रधानांगले समाजसेवा गर्ने कार्य एक उदाहरणीय कार्य भएको चर्चा गर्दै नयाँ पुस्ता यस कार्यमा लाग्नुपर्ने बताउनुभयो ।
समितिका कोषाध्यक्ष न्हुछेरत्न खाइतुले समितिको आय व्यय प्रस्तुत गर्नुभएको थियो भने समितिका सल्लाहकार गणेशराम थुसाले महाकाली पीठको विकासको लागि थप कार्यहरु गर्नुपर्ने बताउनुभयो ।
यस साधारणसभाले हरिराम सुवालको अध्यक्षतामा १७ सदस्यीय नयाँ समिति निर्वाचित गरेको थियो । समिति सदस्य राजेश दिस्तीले उक्त कार्यक्रम सञ्चालन गर्नुभएको थियो ।