01/06/2026
घरधुरि सर्बेक्षणबाट आएको तथ्याङ्क सरोकारवालाहरू संग प्रस्तुत, छलफल र सुझाव संकलन कार्यक्रम !
सामाजिक विकास कार्यालय, ललितपुरको आर्थिक सहयोगमा संस्थाद्वारा चन्द्रागिरि नगरपालिका वडा नं. १२, बलम्बु काठमाडौंमा संचालित "अपाङ्गता भएका ब्यक्तिहरूको प्रोफाईल विकास कार्यक्रम" अन्तरगत घरधुरि सर्बेक्षणबाट आएको तथ्याङ्क सरोकारवालाहरू संग प्रस्तुत, छलफल र सुझाव संकलन कार्यक्रम आज नगरपालिकाको सभाहलमा सम्पन्न भएको छ ।
वडा नं. १२, बल्बुका वडा अध्यक्ष न्हुच्छे बहादुर महर्जनको अध्यक्षतामा सुरू भएको कार्यक्रमको प्रमुख अतिथि नगर उप प्रमुख बसन्ती श्रेष्ठ रहनु भएको थियो । कर्यक्रममा १२ नं. वडा अन्तरगतका कार्यपालिका सदस्य, वडा सदस्यहरू, पालिकाका महिला बालबालिता तथा जेष्ठ नागरिक विकास शाखा, शिक्षा शाखा, स्वास्थ्य शाखाका प्रमुख तथा प्रतिनिधिहरू, १२ नं. वडाका वडा सचिव, बलम्बु स्वास्थ्य चौकि प्रमुख, वडा स्थित स्वास्थ्य विमा अभिकर्ता, अपाङ्गता समन्वय समितिका पदाधिकारी तथा सदस्यहरू, स्थानिय संघसंस्थाका प्रतिनिधिहरू, अपाङ्गता भएका ब्यक्ति तथा तिनका अभिभावकहरू र संस्थाका पदाधिकारीहरू गरि जम्मा ३८ जनाको उपस्थिति रहेको थियो । छलफल कार्यक्रममा प्रमुख अतिथि, अतिथिहरू र सहभागिहरूको महत्वपुर्ण सुझाव सहित सकृय सहभागिता रहेको थियो । कार्यक्रम संचालन तथा तथ्याङ्क प्रस्तुतीकरण संस्थाका अध्यक्ष टेक बहादुर बमले गर्नु भएको थियो ।
मिति : २०८३/०२/१८ गते, सोमवार
01/06/2026
30/05/2026
26/05/2026
25/05/2026
24/05/2026