29/05/2026
वि.सं. २०८३ जेठ १५
ने.सं. ११४६ अनालाथ्व त्रयाेदशी
गणतन्त्र दिवसको हार्दिक शुभकामना सन्देश
गणतन्त्र दिवस, नेपालीका लागि गौरव, संघर्ष र परिवर्तनको प्रतीकका रूपमा स्थापित छ। जनआन्दोलनहरूको बलिदान, जनताको अटल इच्छाशक्ति र परिवर्तनको आकांक्षाले निरंकुश शासन व्यवस्थालाई अन्त्य गर्दै मुलुकलाई संघीय लोकतान्त्रिक गणतन्त्रको यात्रामा अघि बढाएको यस दिनमा, हामी सम्पूर्ण सहिदहरूप्रति हार्दिक श्रद्धाञ्जली अर्पण गर्दछौं।
गणतन्त्र केवल शासन प्रणालीको परिवर्तन मात्र होइन, यो जनताको अधिकार, समानता, न्याय र समृद्धिको सुनिश्चिततासँग जोडिएको प्रतिबद्धता हो।
राष्ट्रिय स्वतन्त्र पार्टी (रास्वपा) यस दिनलाई केवल उत्सवका रूपमा होइन, आत्ममूल्यांकन र जिम्मेवारी बोध गर्ने अवसरका रूपमा लिन्छ। हामी विश्वास गर्छौं कि- जनताको विश्वासलाई केन्द्रमा राखेर, इमानदार नेतृत्व, सुशासन र नीतिगत सुधारमार्फत मात्रै गणतन्त्रको वास्तविक अर्थ स्थापित गर्न सकिन्छ।
हामी सबै मिलेर भ्रष्टाचारविहीन, न्यायपूर्ण र समृद्ध नेपाल निर्माण गर्ने अठोट गरौं। गणतन्त्रलाई जनताको दैनिक जीवनमा अनुभूत हुने व्यवस्थामा रूपान्तरण गर्नु आजको प्रमुख आवश्यकता हो।
यस ऐतिहासिक अवसरमा, स्वदेश तथा विदेशमा रहनुभएका सम्पूर्ण नेपालीहरूमा सुख, शान्ति, समृद्धि र निरन्तर प्रगतिका लागि हार्दिक शुभकामना व्यक्त गर्दछौं।
कविन्द्र बुर्लाकोटी
महामन्त्री
29/05/2026
28/05/2026