22/02/2024
दादुरा-रुबेला खोप अभियानः फाल्गुन १३ देखि चैत्र ७ गते सम्म!
🔷दादुरा, रुबेला अतिनै संक्रामक र प्राणघातक रोगहरू हुन् । यसबाट बालबालिकाको मृत्यु समेत हुन सक्छ। त्यसैले आफ्ना बालबालिकालाई दादुरा-रुबेला खोप लगाएर यी रोगहरू लाग्नबाट बचाऔँ।
🔷तराईका २१ र काठमाण्डौँ उपत्यकाका तीन जिल्ला गरि २४ जिल्लामा ९ महिना देखि १५ वर्ष मुनिका र बाँकी जिल्लामा ९ महिना देखि ५ वर्ष मुनिका सबै बालबालिकालाई दादुरा-रुबेला खोप दिइँदैछ।
🔷खोप अभियानमा दिइने दादुरा-रुबेला खोप थप मात्रा भएकोले पहिला जतिपटक लगाएको भए पनि यस अभियानमा अनिवार्य थप मात्रा दादुरा-रुबेला खोप लगाउनु पर्छ।
🔷यस अभियानमा ५ वर्ष मुनिका बालबालिकालाई छुट नियमित खोप पनि दिँईदैछ। त्यसैले नियमित खोप छुटेको भए खोप केन्द्रमा जाँदा नियमित खोप कार्ड पनि लिएर जानु होला!
🔷आफ्नो गाउँ-टोलमा सञ्चालन हुने खोप केन्द्रको नाम, सञ्चालन हुने मिति र उमेर समुहबारे थाहा पाउन महिला सामुदायिक स्वास्थ्य स्वयंसेविका वा नजिकैको स्वास्थ्य संस्था वा वडा कार्यालयमा सम्पर्क गर्नुहोस्। खोप अभियान सम्बन्धी थप जानकारीका लागि पैसा नलाग्ने नं १११५ मा सम्पर्क गर्नुहोला।
💉खोप निःशुल्क पाइन्छ । खोप सुरक्षित छ । खोपले जीवन रक्षा गर्छ ❤️
National Health Education Information and Communication Centre
22/02/2024
13/04/2023
06/10/2022
20/09/2022
12/08/2022