नेपाल तरुण दल केन्द्रिय कार्यालय

Nepali Congress

फागुन १९, २०८२

प्रेस विज्ञप्ति

लालीगुराँस मिडिया नेटवर्क नामक संस्थाले आफ्नो फेसवुक पेज मार्फत अन्यत्रको तस्वीरलाई इडिट गरी आदरणीय सभापतिज्यूको तस्वीर प्रयोग गरेर नेपाली कांग्रेसलाई बद्नाम गराउने कुत्सित मनसायका साथ भ्रामक र कपोलकल्पित सामाग्री प्रकाशन गरेको तर्फ नेपाली कांग्रेसको गम्भीर ध्यानाकृष्ट भएको छ ।

यस प्रकारका आधारहीन र भ्रम फैलाउने सामग्रीले आम नागरिकलाई दिग्भ्रमित पार्नुका साथै निर्वाचन सम्बन्धी आचारसंहिताको ठाडो उल्लङ्घन भएको छ । त्यसैले यो विषयमा आवश्यक छानबिन गरी प्रचलित कानून बमोजिम उक्त संस्थालाई हदैसम्मको कारवाही गर्न निर्वाचन आयोग र प्रेस काउन्सिल नेपाललाई आजै लिखित रुपमा जानकारी गराइएको छ । साथै, सत्य तथ्य र यथार्थ सूचनाको आधारमा मात्र समाचार सम्प्रेषण गर्न नेपाली कांग्रेस हार्दिक अनुरोध गर्दछ ।

कृष्णप्रसाद दुलाल
का.वा. मुख्य सचिव

फागुन १८, २०८२

प्रेस विज्ञप्ति

रामेछाप नगरपालिका –२ स्थित सिरुबारीमा मतदान सामग्री र कर्मचारी बोकेको गाडी दुर्घटना हुंदा दुई जना – प्रहरी सहायक निरिक्षक पर्शुराम यादवको घटनास्थलमै र मतदान अधिकृत डोरप्रसाद घिमिरेको उपचारका क्रममा निधन भएको र ७ जना घाइते भएको घटनाप्रति नेपाली कांग्रेस गहिरो दुःख व्यक्त गर्दछ ।

नेपाली कांग्रेसका सभापति गगनकुमार थापाले उक्त घटनाप्रति गहिरो दुख व्यक्त गर्दै भन्नु भएको छ– “फागुन २१ गते सम्पन्न हुन गैरहेको प्रतिनिधि सभा सदस्य निर्वाचनका क्रममा निर्वाचन सामाग्री लिई मतदान केन्द्र तर्फ जादै गरेको सवारी साधन दुर्घटना हुँदा मतदान अधिकृत डोरप्रसाद घिमिरेको उपचारका क्रममा र प्रहरी सहायक निरिक्षक पर्शुराम यादवको घटनास्थलमै मृत्यु भएको तथा ७ जना गम्भिर घाइते भएको घटनाले मलाई अत्यन्त दुःखित र स्तब्ध बनाएको छ । मृतकहरूप्रति भावपूर्ण श्रदान्जली अर्पण गर्दै आत्माको चिर शान्तिको कामना गर्दछु र शोक सन्तप्त परिवारजनप्रति गहिरो समवेदना प्रकट गर्दछु । घाइतेहरुको शीघ्र स्वास्थ्यलाभको कामना गर्दै मृतकका परिवारलाई राज्यका तर्फबाट उचित सम्मान गर्न र घाइतेहरूको उचित उपचारको प्रबन्ध गर्न सरकारसंग जोडदार माग गर्दछु ।”

कृष्णप्रसाद दुलाल
का.वा. मुख्य सचिव

Nepali Congress
Gagan Thapa

सिँचाइका लागि नेपाली कांग्रेसको प्रतिज्ञा !