Mahadevsthan Matatirtha Drinking Water Project

08/09/2026

प्रधानमन्त्री दैवी प्रकोप उद्धार कोषमा महादेवस्थान-मातातिर्थ खानेपानी उपभोक्ता समितिको तर्फबाट १ लाख ५ हजार रुपैयाँ सहयोग, पीडित उपभोक्ता परिवारलाई २५ हजार रुपैयाँ सहयोग
-------------------------------------------------------------
यहि मिति २०८३ साल भदौ १० गते बुधबारका दिन बागमती प्रदेशका विभिन्न जिल्ला (रसुवा, नुवाकोट, धादिङ लगायत) स्थित भोटेकोशी, त्रिशूली नदीमा आएको अकल्पनीय बाढीमा परि दिवंगत हुनुभएका समस्त नागरिकहरुप्रति हार्दिक श्रद्धाञ्जली व्यक्त गर्दछौँ ।
सो विपद् मा परि सम्पर्कविहिन हुनुभएका नागरिकहरु यथासक्य सकुशल घर फर्कन सकुनहोस् र घाइते हुनुभएका नागरिकहरुको शीघ्र स्वास्थ्य लाभको कामना गर्दछौँ ।
यस संस्थाको निर्णय अनुसार संस्थाको सल्लाहकार परिषद्, मूल कार्यसमिति, वडा प्रतिनिधि, कार्यरत कर्मचारीहरु तथा समस्त उपभोक्ताहरुका तर्फबाट प्रधानमन्त्री दैवीप्रकोप उद्धार कोषमा रु.१,०५,००१|- (अक्षरेपी एक लाख पाँच हजार एक रुपैयाँ) बैंक दाखिला गरिएको जानकारीका लागि अनुरोध छ (सो को निस्सा यसै पोष्टमा संलग्न गरिएको छ)।
उक्त बाढी प्रभावित क्षेत्रबाट यस संस्थाका केही उपभोक्ताहरुका परिवारका सदस्यहरुसमेत सम्पर्कविहिन हुनुभएको विवरण सार्वजनिक भइरहेको हुँदा उहाँहरुको खोजी तथा उद्धार कार्यमा थोरे भएपनि राहत मिलोस भन्ने उद्देश्यले यस संस्थाबाट प्रतिव्यक्ति रु. २५०००|- (पच्चिस हजार रुपैयाँ) आर्थिक सहयोग उपलब्ध गराउने निर्णय भएको हुँदा चन्द्रागिरि नगरपालिका वडा नं. ५, ६ र ७ (साबिक थानकोट महादेवस्थान गाउँ विकास समिति) क्षेत्रभित्र बसोबास गर्दै आउनुभएका र यस संस्थाको सदस्य बनी खानेपानीको धारा जडान गर्नुभएका उपभोक्ताहरुले सम्बन्धित वडा कार्यालयमार्फत यस संस्थामा सम्पर्क राख्नुहुन यो सूचना जारी गरिएको छ ।
साथै, यस सूचना सम्बन्धित पक्षसम्म पुर्याई सहयोग गरिदिनुहुन समेत यस संस्था समस्त उपभोक्ताहरु समक्ष अनुरोध गर्दछ ।
अध्यक्ष
एल बहादुर महर्जन

[ यस संस्थाको सम्पर्क नं. 014314217 | 9851128810 ]

19/07/2026

सम्बन्धित उपभोक्ताहरूको जानकारीका लागि प्रेषित सन्देश

15/07/2026

चन्द्रागिरि नगरपालिका-०५ ज्वालादेवी मन्दिर वरपरका क्षेत्रमा खानेपानी सेवा प्रभावित भएको भन्ने गुनासो सम्बोधन गर्ने क्रममा सो क्षेत्रमा रहेको ९० एमएम मुख्य पाइपलाइनमा ढुङ्गा भेटिएको छ । हाल सो क्षेत्रमा खानेपानी सेवा सुचारु भएको छ ।
सडक विस्तार, ढल व्यवस्थापन, सडक किनारमा खम्बा गाड्ने लगायतका कार्य सुरु गर्नुअघि खानेपानी कार्यालयसँग समन्वय हुन सकेमा पाइपलाइनमा यस खालका समस्या कम मात्रामा निम्तन सक्दछ ।

12/07/2026

खानेपानी महशुल अनलाइन भुक्तानी सेवा अस्थायी रूपमा बन्द रहने बारेको जरुरी सूचना 👇

चालु आर्थिक वर्षको (२०८२/२०८३) अनलाइन महशुल भुक्तानी सेवाको हिसाब मिलानको लागि मिति २०८३ असार २९ गते बेलुका ५ बजेदेखि २०८३ साउन ०१ गते बिहान १० बजेसम्मका लागि महशुल अनलाइन भुक्तानी सुविधा सेवा बन्द रहने व्यहोरा सम्बन्धित सबैमा जानकारी गराइन्छ ।

यो अवधिको कार्यालय समयभित्र महशुल भाैतिक रुपमा भने भुक्तानी सेवा सुचारु रहनेछ ।
014314217

09/07/2026

यस संस्थाअन्तर्गत धारा जडान गर्नुभएका केही उपभोक्ताहरूको लामो समयदेखी खानेपानीको महशुल बक्याैता रहेकोमा सो भुक्तानीका लागि संस्थाबाट पटकपटक जानकारी गराउँदा समेत अटेर गर्दै आउनुभएकोले उहाँहरूले यस संस्थासँग धारा जडान गर्दाका बखत गर्नुभएको कबुलियतनामाको बुँदा नं. ६ बमोजीम धाराधनीहरूको नामावली (सूची) यस संस्थाको कार्यालयको सूचनापाटीमा टाँस गरिएको जानकारी गराइन्छ । साथै, यस संस्थाले महशुल बक्याैता रहेका ती धाराहरूको कनेक्शन साउन १ गतेदेखि जुनसुकै बखत बन्द गर्नसक्ने समेत सूचित गरिन्छ ।
014314217

06/07/2026

खानेपानी सेवा नियमित गर्न पाइपलाइन इन्टर कनेक्टिङको कार्यमा खटिएका प्राविधिकहरु ।

29/12/2025

सहभागिताका लागि सादर अनुरोध छ……

थानकोट । आउँदो शनिबार (पाैष १९) चन्द्रागिरि नगरपालिका-०५ थानकोट चेकपोष्टमा बृहत रक्तदान शिविर आयोजना हुने भएको छ ....

16/10/2024

सुन्धारास्थित ४०० घनमिटर पानीट्याँकी सफाइ भइरहेकोले आज केही क्षेत्रमा खानेपानी वितरण प्रभावित हुनेछ । 014314217

09/10/2024

बडा दशैंको हार्दिक मंगलमय शुभकामना ।
014314217

28/09/2024

लगातारको वर्षाका कारण यस कार्यालय अन्तर्गत विभिन्न क्षेत्रमा रहेका संरचनाहरू (पम्प हाउस, जेनेरेटर हाउस, विद्युत लाइन, ट्रान्सफर्मर) मा व्यापक क्षति पुगेको हुँदा २०८१ असोज १३ गते आइतबारका दिन महांकालस्थान पानी ट्याँकी, बनदेवी पानी ट्याँकी तथा घुमाउने पानी ट्याँकीबाट खानेपानी वितरण नहुने जानकारी गराउन चाहन्छाैं ।
साथै पानी शुद्धीकरण गरेर पिउनु हुन समेत अनुरोध छ ।
014314217