Metropolitan Traffic Police Division

“सार्वजनिक सवारी साधनका चालक तथा सह-चालकहरुलाई लक्षित ट्राफिक सचेतना कार्यक्रम सम्पन्न ”
---------------------------------------------------------------------
आज मिति २०८३।०२।१७ गते, काठमाडौँ उपत्यकाका विभिन्न स्थानहरूमा ट्राफिक प्रहरीद्वारा सार्वजनिक सवारी साधनका चालक तथा सह-चालकहरु लक्षित ट्राफिक सचेतना कार्यक्रम सम्पन्न गरिएको छ ।

उक्त कार्यक्रममार्फत सार्वजनिक सवारी साधनमा आरक्षण सिटको अनिवार्य कार्यान्वयन सुनिश्चित गर्ने, भाडादर चेकजाँच ,भाडादर सूची स्पष्ट र देखिने स्थानमा टाँस्ने, सवारी साधनमा CCTV क्यामेरा तथा GPS प्रणाली जडान गरी सवारीको निगरानी, पारदर्शिता र यात्रु सुरक्षालाई थप सुदृढ बनाउने विषयमा विशेष जोड दिँदै सचेतना अभिवृद्धि गरिएको थियो ।

त्यसैगरी, सवारी साधन सुरक्षित तथा जिम्मेवार ढंगले सञ्चालन गर्ने, ट्राफिक नियमहरूको पूर्ण पालना गर्ने, क्षमता भन्दा बढी यात्रु नओसार्ने तथा यात्रुहरूसँग सभ्य, शिष्ट र मर्यादित व्यवहार गर्नुपर्ने विषयमा विस्तृत जानकारी तथा जनचेतना प्रदान गरिएको थियो ।
यस अभियानले सडक दुर्घटना न्यूनीकरण, ट्राफिक अनुशासन प्रवर्द्धन तथा यात्रुहरूको सुरक्षित, सहज र भरपर्दो यात्रा सुनिश्चित गर्ने उद्देश्य राखेको छ ।

🙏 सम्पूर्ण सवारी चालकहरुमा अनुरोध :
✔️ ट्राफिक नियमहरूको पूर्ण पालना गर्नुहोस् ।
✔️ ट्राफिक प्रहरीको निर्देशनको पालना गरी सहकार्य गरिदिनुहोस् ।
सुरक्षित यात्रा हाम्रो साझा जिम्मेवारी हो ।

काठमाण्डौ उपत्यकाको दैनिक ट्राफिक कारवाही विवरण ।
-----------------------------------------------------

मुख्य राजमार्ग अवरोध (मितिः २०८३।०२।१६ गते ११:०० बजे सम्म)

मिति २०८३।०२।१५ गते,ट्राफिक प्रहरीको अनुरोध ।
----------------------------------------------

अनलाईन ट्राफिक नियम उल्लङ्घन जरिवाना भुक्तानी प्रणाली सेवा अवरूद्ध हुने सम्बन्धी सूचना

#नेपालप्रहरी