Rise Up Foundation Nepal

Happy Nepali New Year 2083 !

🌸 किशोरी नेतृत्व विकासको अर्को महत्वपूर्ण उपलब्धि ! 🌸

हामी गर्वका साथ साझा गर्न चाहन्छौं कि १६ जना किशोरीहरू Global Girl Leadership Initiative (GGLI) को दोस्रो समूह बाट सफलतापूर्वक graduate भएका छन्। यो ११ वटा सत्रमा सञ्चालन गरिएको ४० घण्टाकाे नेतृत्व विकास कार्यक्रम हो। 🎓✨

यस यात्राको क्रममा किशोरीहरूले आत्मविश्वास, नेतृत्व, सञ्चार, समालोचनात्मक सोच र समुदायसँग जोडिने सीपहरू विकास गरेका छन्। उनीहरूले आफ्नो आवाजको शक्ति, आफ्ना अधिकारका लागि बोल्ने साहस, र आफ्नै समुदायमा परिवर्तन ल्याउने नेतृत्वबारे सिके।

यस समूहको एक अत्यन्त महत्वपूर्ण उपलब्धि भनेको १०औं सत्रमा किशोरीहरूले स्वयं आयोजना गरेको “छोरी शिक्षाको महत्व” विषयक समुदाय संवाद कार्यक्रम हो। उक्त कार्यक्रममा अभिभावक, विद्यालयका शिक्षक/शिक्षिका र अन्य साथीहरू सहभागी भए, जसले पुस्ता–पुस्ताबीच अर्थपूर्ण संवाद र सचेतना अभिवृद्धि गर्ने अवसर प्रदान गर्‍यो।

यो केवल तालिम मात्र थिएन- यो आत्मपहिचान, साहस, र सामूहिक परिवर्तनको यात्रा थियो। हामी यी किशोरी नेतृहरूप्रति अत्यन्त गर्व गर्छौं, जसले अब अझ बलियो आवाज, ठूलो सपना, र आफ्नो क्षमताप्रति गहिरो विश्वासका साथ अगाडि बढिरहेका छन्। 💜

किनकि जब किशोरीहरूलाई नेतृत्व गर्ने अवसर दिइन्छ, उनीहरूले केवल आफ्नो जीवन मात्र होइन- समुदायको भविष्य पनि परिवर्तन गर्न थाल्छन्। 🌍

#किशोरीनेतृत्व #छोरीशिक्षा

✨ छाउपडी विरुद्ध समुदायको आवाज अझ बलियो बन्दैछ! ✨

अछाम जिल्लाको बान्नीगढी जयगढ र रामारोशन गाउँपालिकामा छाउपडी विरुद्ध समुदाय संवादहरू निरन्तर सञ्चालन भइरहेका छन्, जसले समुदायमा सकारात्मक बहस र सोचको परिवर्तन ल्याइरहेको छ।

यस पटक, करिब ८० जना ग्रामीण महिलाहरू सक्रिय रूपमा सहभागी भई निम्न विषयहरूमा छलफल गरे:

हानिकारक लैङ्गिक मान्यता र प्रतिबन्धहरू,
महिनावारीसँग जोडिएका मिथक र विश्वासहरू,
महिलाको मर्यादा र अधिकार,
र छाउपडी जस्तो कुप्रथा अन्त्य गर्नुपर्ने आवश्यकता।

खुला संवाद, अनुभव आदानप्रदान र सामूहिक चिन्तनमार्फत महिलाहरूले आफ्नो आवाज मात्र उठाएका छैनन्,
बरु पुस्तौंदेखि महिलामाथि थोपरिएका हानिकारक अभ्यासहरूलाई चुनौती दिन थालेका छन्।

💬 यस्ता संवादहरूले देखाइरहेका छन् कि
जब महिलाहरू एकजुट हुन्छन्, समुदाय परिवर्तन हुन थाल्छ।

🌸 हरेक संवाद परिवर्तनको पाइला हो।
🌸 हरेक अनुभवले मौनता तोड्छ।
🌸 हरेक प्रतिबद्धताले हामीलाई छाउपडीमुक्त समाजतर्फ नजिक पुर्‍याउँछ।

📍 अछाम, नेपाल
🩸 Period-Friendly Village Initiative
🤝 AmplifyChange को सहयोगमा

आउनुहोस्, महिनावारीलाई अपमान होइन- मर्यादा र अधिकारको विषय बनाऔं।

🌸 नदी किनारमा बालुवा चाल्ने संघर्षबाट नेपालको मन्त्री बन्नेसम्म- यो आशा, संघर्ष र प्रतिनिधित्वको प्रेरणादायी कथा हो।

आज सीता बादी ले इतिहास रचेकी छिन्। नेपालको सबैभन्दा सीमान्तकृत समुदायमध्ये एकबाट आएकी एक युवती आज महिला, बालबालिका तथा ज्येष्ठ नागरिक मन्त्री बन्न सफल भएकी छिन्।

उनको यात्रा हामी सबैका लागि एउटा सशक्त सन्देश हो - बहिष्करणको अन्धकारबाट पनि सपना उज्यालो बन्न सक्छ।

यो केवल मन्त्री बन्ने कुरा होइन, यो हो-
✨ प्रतिनिधित्व
✨ संघर्षको सम्मान
✨ र प्रत्येक सीमान्तकृत छोरी र समुदायका लागि आशाको सन्देश

तपाईंको आवाज महत्त्वपूर्ण छ। तपाईं नेतृत्वका लागि योग्य हुनुहुन्छ।

माननीय सीता बादी लाई हार्दिक बधाई तथा सफल कार्यकालको शुभकामना। यहाँबाट अझ समावेशी, न्यायपूर्ण र समान नेपाल निर्माण होस्।

#प्रतिनिधित्व #महिलानेतृत्व #समावेशिता #सामाजिकन्याय #नेपाल #महिलासशक्तिकरण #आशारपरिवर्तन

✨ अछाममा छाउपडी विरुद्ध आवाज उठ्दै! ✨

Rise Up Foundation Nepal ले अछाम जिल्लाको रामारोशन गाउँपालिकामा छाउपडी विरुद्ध समुदायमा अ।धारित छलफल कार्यक्रमको सुरुवात गरेको छ।

यस संवादमा सहभागीहरूले निम्न विषयहरूमा गहिरो छलफल गरे:

-लैङ्गिकता (Gender) र जैविक लिङ्ग (S*x) बीचको भिन्नता
-समाजमा महिला र पुरुषको परम्परागत भूमिका
-महिनावारी एक प्राकृतिक जैविक प्रक्रिया हो भन्ने बुझाइ
-महिनावारीसँग जोडिएका मिथक र विश्वासहरू
-छाउपडी प्रथाको परिचय र यसको असर

समूह छलफल, अनुभव आदानप्रदान र मिथक नक्साङ्कन मार्फत महिलाहरूले महिनावारीका बेला भोग्नुपरेका प्रतिबन्धहरूबारे खुलेर छलफल गरे र सोचमा परिवर्तनको सुरुवात भयो।

💬 सबैभन्दा प्रेरणादायी कुरा के थियो?
👉 ३५ जना ग्रामीण महिलाहरूले छाउपडी जस्तो कुप्रथामा संलग्न नहुने प्रतिबद्धता व्यक्त गरिरहेका थिए।

उनीहरूले देउडा गीत र सामूहिक नृत्यमार्फत छाउपडी विरुद्ध आफ्नो आवाज बुलन्द बनाए।

💪 परिवर्तन यस्तैबाट सुरु हुन्छ—
सचेतनाबाट चिन्तन, र चिन्तनबाट सामूहिक कदमतर्फ।

📍 अछाम, नेपाल
🩸 Period-Friendly Village Initiative
🤝 AmplifyChange को सहयोगमा

आउनुहोस्, महिनावारीलाई अपमान होइन- मर्यादाको विषय बनाऔं।

⚫ न्यायको लागि एकताबद्ध आवाज

सुर्खेतकी दलित किशोरी इनीशा बिक माथि भएको जघन्य बलात्कार तथा हत्या घटनाले हामी सबैलाई गहिरो पीडा, आक्रोश र चिन्तामा डुबाएको छ। यस्तो अमानवीय र क्रूर अपराधले हाम्रो समाजमा अझै विद्यमान लैङ्गिक हिंसा, जातीय विभेद र दण्डहीनताको गम्भीर प्रश्न उठाएको छ।

राइज अप फाउन्डेसन नेपाल यस दुखद घटनाप्रति गहिरो दुःख व्यक्त गर्दै पीडित परिवारप्रति हार्दिक समवेदना प्रकट गर्दछ। साथै, हामी गैरसरकारी संस्था महासंघ नेपाल द्वारा जारी गरिएको विज्ञप्तिप्रति पूर्ण ऐक्यबद्धता जनाउँदै घटनाको स्वतन्त्र, निष्पक्ष र शीघ्र छानबिन गरी दोषीलाई कानुन अनुसार कडा कारबाही गर्न जोडदार माग गर्दछौँ।

हामी सरकार तथा सम्बन्धित निकायहरूलाई पीडित परिवारलाई सुरक्षा, न्याय र आवश्यक सहयोग सुनिश्चित गर्न आग्रह गर्दछौँ। साथै, यस्ता जघन्य अपराधहरू दोहोरिन नदिन राज्यका सबै निकायहरूले प्रभावकारी कदम चाल्नु अत्यन्त आवश्यक छ।

✊ न्याय, समानता र मानवअधिकारका लागि हाम्रो आवाज निरन्तर उठिरहनेछ।

🌱 वित्तीय साक्षरता र व्यवसाय योजना तालिम सफलतापूर्वक सम्पन्न

७/8 मार्च मा Rise Up Foundation Nepal को आयोजनामा १५ जना युवा महिलाहरू को सहभागितामा वित्तीय साक्षरता तथा व्यवसाय योजना सम्बन्धी दुइदिने एकीकृत अभिमुखीकरण तालिम सफलतापूर्वक सम्पन्न भयो।

महिलाहरूको वित्तीय व्यवस्थापन क्षमता सुदृढ गर्ने र उनीहरूले सुरु गर्न चाहेका उद्यमशील पहलहरूको दिगोपन सुनिश्चित गर्ने उद्देश्यले आयोजना गरिएको यस तालिममा नियमित बचतको महत्व, आधारभूत लेखा राख्ने तरिका, घर तथा व्यवसायको आर्थिक व्यवस्थापन, नाफा–नोक्सान बुझ्ने, सहकारी तथा सूक्ष्म वित्त संस्थासँग जोडिने तरिका जस्ता विषयहरूमा छलफल गरिएको थियो।

यसका साथै सहभागीहरूलाई सरल व्यवसाय योजना (Business Plan) तयार गर्ने तरिका तथा स्थानीय तहमा पेश गर्न सकिने आधारभूत प्रस्ताव तयार गर्ने प्रक्रिया (७ चरण योजना) बारे पनि जानकारी दिइएको थियो।

तालिमका क्रममा सहभागी महिलाहरूलाई आ–आफ्नो वडामा बचत तथा ऋण समूह गठन वा सुदृढ गर्न प्रेरित गरिएको छ, जसले सामूहिक आर्थिक सुरक्षा र आपसी सहयोगलाई बलियो बनाउने अपेक्षा गरिएको छ।

तालिमपछि पनि Rise Up Foundation Nepal ले अनुगमन भ्रमण, अनलाइन तथा टेलिफोनमार्फत मार्गदर्शन प्रदान गर्दै महिलाहरूलाई आफ्नो व्यवसाय सुरु गर्न र निरन्तरता दिन सहयोग गर्नेछ।

✨ जब महिलाहरू वित्तीय रूपमा सक्षम हुन्छन्, तब उनीहरूले आफ्नो परिवार, समुदाय र समाजमा सकारात्मक परिवर्तन ल्याउन सक्छन्।

#महिला_सशक्तीकरण #वित्तीयसाक्षरता #महिलाउद्यमशीलता

Celebration of Internatonal Womens Day in Syangja byCommunity Women of Riseup Foundation !

🌸 अन्तर्राष्ट्रिय महिला दिवस २०२६ |

आज हामी विश्वभरिका महिलाहरूको शक्ति, धैर्यता र नेतृत्वलाई सम्मानका साथ मनाउँदैछौँ। राइज अप फाउन्डेशन नेपाल को विश्वास छ कि जब महिलाहरूलाई ज्ञान, सीप र अवसर प्रदान गरिन्छ, उनीहरू परिवार र समुदायमा सकारात्मक परिवर्तन ल्याउने शक्तिशाली अगुवा बन्न सक्छन्।

यो तस्वीर हाम्रो युवा महिला आर्थिक सशक्तिकरण कार्यक्रम को एक महत्वपूर्ण क्षण हो, जहाँ युवतीहरूले वित्तीय साक्षरता, उद्यमशीलता र नेतृत्व सीपहरू सिक्दै आत्मनिर्भर र उज्ज्वल भविष्य निर्माणतर्फ अघि बढिरहेका छन्।

यस अन्तर्राष्ट्रिय महिला दिवसको अवसरमा, हामी लैङ्गिक समानता, महिला सशक्तिकरण र समावेशी विकास को लागि निरन्तर काम गर्ने प्रतिबद्धता व्यक्त गर्दछौँ।

✨ सशक्त महिला, सशक्त समुदाय र सशक्त राष्ट्रको आधार हुन्।

सबै प्रेरणादायी महिलाहरू र परिवर्तनका सहयात्रीहरूलाई अन्तर्राष्ट्रिय महिला दिवसको हार्दिक शुभकामना।
#महिलादिवस #महिलासशक्तिकरण

🎨✨ Happy Holi | फागु पूर्णिमाको शुभकामना ✨🎨

Holi - the festival of colors - reminds us that diversity makes our world beautiful. Each color represents joy, hope, love, resilience, and unity.

As we celebrate this vibrant festival, may we also renew our commitment to harmony, equality, and respect for all. Let the colors of Holi wash away discrimination, hatred, and injustice — and paint our communities with dignity, inclusion, and peace.

May this Holi bring happiness to every home and strength to every woman, girl, and marginalized community to rise with confidence and courage.

Wishing everyone a joyful, safe, and meaningful Holi! 🌸🌈

समावेशी लोकतन्त्रका लागि – हरेक मतदातासम्म पहुँच ।

Rise Up Foundation Nepal ले आगामी प्रतिनिधि सभा निर्वाचन २०८२ लाई लक्षित गर्दै चार वटा स्थानमा समुदायमा आधारित मतदाता शिक्षा कार्यक्रम सफलतापूर्वक सञ्चालन गरेको छ।

📍 बन्नीगढी जयगढ–३, अछाम
📍 बगनासकाली–८, पाल्पा
📍 वालिङ–८, स्याङ्जा
📍 काठमाडौं–१४, बल्खु (सुकुम्बासी बस्ती)

यी कार्यक्रममार्फत ३०० भन्दा बढी सहभागीहरू सम्म पहुँच गरिएको छ, जसमा:

-सीमान्तकृत महिलाहरू

-दलित समुदाय

-युवा तथा पहिलो पटक मतदान गर्ने मतदाता

-अपाङ्गता भएका व्यक्तिहरू

-शहरी गरिब तथा अन्य वञ्चित समुदाय

कार्यक्रमका मुख्य विषयहरू:
✔ मतदान प्रक्रिया सम्बन्धी जानकारी
✔ मतदाताको अधिकार र जिम्मेवारी
✔ पहुँचयुक्त तथा समावेशी मतदान सम्बन्धी सूचना
✔ आत्मविश्वास अभिवृद्धिका लागि अभ्यासात्मक (मक) मतदान

यस पहलले कोही पनि नछुटोस् भन्ने उद्देश्यसहित सबै नागरिकले मर्यादित, स्वतन्त्रता र आत्मविश्वासका साथ आफ्नो संवैधानिक अधिकार प्रयोग गर्न सकून् भन्ने लक्ष्य राखेको छ।

यस महत्वपूर्ण कार्यमा सहकार्यका लागि Forum for Women, Law and Development (FWLD) तथा आर्थिक सहयोगका लागि UN Women प्रति हार्दिक धन्यवाद।

समावेशी र सहभागितामूलक लोकतन्त्र निर्माणका लागि हामी सबैको साथ आवश्यक छ।

#मतदाता_शिक्षा #समावेशी_लोकतन्त्र #निर्वाचन२०८२