04/09/2026
अत्यन्त महत्त्वपूर्ण सूचना: अस्पतालमा उपचाररत बालिकाका अभिभावकको खोजी, आफन्तसम्म पुर्याउन सहयोग गरौँ
काठमाडौँ । रसुवा बाढीको विपद्पछि उद्धार गरिएकी एक सानी बालिका हाल अस्पतालमा उपचाररत रहेको र उनका अभिभावक तथा परिवारजनको खोजी भइरहेको छ।
प्राप्त विवरण अनुसार, अर्घाखाँचीको सन्धिखर्क घर भई हाल रसुवास्थित ग्लोबल आइएमई बैंकमा कार्यरत गीता उचामगरकी छोरी अस्पतालमा उपचाररत रहेको जानकारी प्राप्त भएको छ। बालिकाका अभिभावक वा परिवारका सदस्यहरूसँग हालसम्म प्रत्यक्ष सम्पर्क हुन नसकेकाले उहाँहरूको खोजीका लागि यो सार्वजनिक सूचना जारी गरिएको हो।
विवरण:
अभिभावकको नाम: गीता उचामगर
स्थायी ठेगाना: सन्धिखर्क, अर्घाखाँची
कार्यक्षेत्र: ग्लोबल आइएमई बैंक, रसुवा
अवस्था: उहाँकी सानी नानी हाल अस्पतालमा उपचाररत
यदि तपाईंहरू कसैले गीता उचामगर वा उहाँको परिवार/आफन्तलाई चिन्नुहुन्छ भने तुरुन्त सम्पर्कमा आउन वा यो खबर उहाँहरूसम्म पुर्याइदिनुहुन हार्दिक अनुरोध गर्दछौँ।
विपद्को यस संवेदनशील घडीमा एउटी सानी नानीलाई आफ्ना आमाबुवा तथा परिवारसँग छिटोभन्दा छिटो पुनर्मिलन गराउन यो सूचनालाई जतिसक्दो धेरै सेयर गरेर सहयोग गरिदिनुहोला। तपाईंको एक सेयरले बिछोडिएकी बालिकालाई आफ्ना परिवारको काखमा पुर्याउन ठूलो मद्दत गर्नेछ।
