14/09/2026
बाढीपीडित तथा विशेष संरक्षण आवश्यक भएका बालबालिकाको बालापन र भविष्य जोगाउन ‘स्याहार योजना’ कार्यान्वयनमा ल्याएका छौँ।
विपद्ले बालबालिकाबाट घर, परिवार वा अभिभावक खोस्न सक्छ, तर उनीहरूको बालापन र भविष्य खोसिन हामी दिने छैनौँ।
बाढीबाट प्रभावित, आमाबाबु गुमाएका, परिवारबाट अलग भएका तथा विशेष संरक्षण आवश्यक भएका बालबालिकाको संरक्षण, स्याहार, पुनर्स्थापना र पारिवारिक पुनर्मिलन सुनिश्चित गर्न ‘स्याहार योजना’ कार्यान्वयनमा ल्याएका छौँ।
यस योजनामार्फत बालबालिकालाई सुरक्षित आवास, खानपान, स्वास्थ्य उपचार, मनोसामाजिक सहयोग, परिवार खोजी तथा पारिवारिक पुनर्मिलनलगायतका आवश्यक सेवासँग जोडिनेछ। दीर्घकालीन संरक्षण आवश्यक पर्ने बालबालिकाको अवस्था र सर्वोत्तम हितका आधारमा उपयुक्त स्याहार तथा संरक्षणको व्यवस्था गरिनेछ।
ललितपुरको गोदावरी नगरपालिका–१२, ठेचोमा विशेष संरक्षण आवश्यक भएका उद्धार गरिएका बालबालिकाका लागि अस्थायी बाल संरक्षण सेवा केन्द्र सञ्चालनमा ल्याइसकेका छौँ। प्रभावित क्षेत्रमा बालबालिकाको अवस्था पहिचान, विस्तृत लेखाजोखा तथा आवश्यक संरक्षण सेवा सुनिश्चित गर्न आवश्यक संयन्त्रसमेत परिचालन गरेका छौँ।
हाम्रो प्रयास उद्धार र राहतमा मात्र सीमित रहने छैन। सुरक्षित बालापनदेखि शिक्षा, स्वास्थ्य, मनोसामाजिक सहयोग, पारिवारिक पुनर्मिलन, पुनर्स्थापना र सुरक्षित भविष्यसम्म राज्यको संरक्षण सुनिश्चित गर्ने दिशामा हामी अघि बढिरहेका छौँ।
कुनै पनि बालबालिका विपद्का कारण आफ्नो बालापन, सुरक्षा र भविष्यबाट वञ्चित हुनुपर्ने अवस्था आउन नदिन हामी प्रतिबद्ध छौँ।
बालापनको रक्षा : भविष्यको सुरक्षा।
बाढीपीडित तथा विशेष संरक्षण आवश्यक भएका बालबालिकाको बालापन र भविष्य जोगाउन ‘स्याहार योजना’ कार्यान्वयनमा ल्याएका छौँ।
विपद्ले बालबालिकाबाट घर, परिवार वा अभिभावक खोस्न सक्छ, तर उनीहरूको बालापन र भविष्य खोसिन हामी दिने छैनौँ।
बाढीबाट प्रभावित, आमाबाबु गुमाएका, परिवारबाट अलग भएका तथा विशेष संरक्षण आवश्यक भएका बालबालिकाको संरक्षण, स्याहार, पुनर्स्थापना र पारिवारिक पुनर्मिलन सुनिश्चित गर्न ‘स्याहार योजना’ कार्यान्वयनमा ल्याएका छौँ।
यस योजनामार्फत बालबालिकालाई सुरक्षित आवास, खानपान, स्वास्थ्य उपचार, मनोसामाजिक सहयोग, परिवार खोजी तथा पारिवारिक पुनर्मिलनलगायतका आवश्यक सेवासँग जोडिनेछ। दीर्घकालीन संरक्षण आवश्यक पर्ने बालबालिकाको अवस्था र सर्वोत्तम हितका आधारमा उपयुक्त स्याहार तथा संरक्षणको व्यवस्था गरिनेछ।
ललितपुरको गोदावरी नगरपालिका–१२, ठेचोमा विशेष संरक्षण आवश्यक भएका उद्धार गरिएका बालबालिकाका लागि अस्थायी बाल संरक्षण सेवा केन्द्र सञ्चालनमा ल्याइसकेका छौँ। प्रभावित क्षेत्रमा बालबालिकाको अवस्था पहिचान, विस्तृत लेखाजोखा तथा आवश्यक संरक्षण सेवा सुनिश्चित गर्न आवश्यक संयन्त्रसमेत परिचालन गरेका छौँ।
हाम्रो प्रयास उद्धार र राहतमा मात्र सीमित रहने छैन। सुरक्षित बालापनदेखि शिक्षा, स्वास्थ्य, मनोसामाजिक सहयोग, पारिवारिक पुनर्मिलन, पुनर्स्थापना र सुरक्षित भविष्यसम्म राज्यको संरक्षण सुनिश्चित गर्ने दिशामा हामी अघि बढिरहेका छौँ।
कुनै पनि बालबालिका विपद्का कारण आफ्नो बालापन, सुरक्षा र भविष्यबाट वञ्चित हुनुपर्ने अवस्था आउन नदिन हामी प्रतिबद्ध छौँ।
बालापनको रक्षा : भविष्यको सुरक्षा।
