Gandaki Province Police Training Center, Pokhara

24/09/2026

नवनिर्मित स्वास्थ्य जाँच कक्ष उद्घाटन तथा सचेतनामूलक प्रशिक्षण कार्यक्रम सम्पन्न
*********************************************************************
मिति २०८३/०६/०७ गते गण्डकी प्रदेश प्रहरी तालिम केन्द्र पोखरामा कार्यरत प्रहरी कर्मचारी तथा प्रशिक्षार्थीहरूको स्वास्थ्य परीक्षण एवं सहज उपचारका लागि नवनिर्मित स्वास्थ्य जाँच कक्ष (MI Room )को गण्डकी प्रदेश प्रहरी प्रमुख प्रहरी नायव महानिरीक्षक दिपेन्द्र जि.सी. ज्यूबाट औपचारिक उद्घाटन गरिएको छ।
साथै नेपाल प्रहरी श्रीमती संघ, गण्डकी प्रदेश आयोजनामा तथा जोन्ता (ZONTA) क्लब अफ पोखराको सह–आयोजनामा महिला प्रहरी कर्मचारी तथा तालिमरत महिला प्रशिक्षार्थीहरूलाई लक्षित गरी “Menstrual Hygiene, Safety and Nutrition for Active Personnel” विषयक सचेतनामूलक प्रशिक्षण कार्यक्रम तथा महिला प्रहरी कर्मचारी तथा महिला प्रशिक्षार्थीहरूको सहजताका लागि सेनेटरी प्याड, भेन्डिङ मेसिन तथा डस्टबिन समेत हस्तान्तरण गरिएको थियो।

30/07/2026

मिति २०८३ साउन १४ गते प्रहरी जवान आधारभूत तालिम ०७-०७ औं समूहको समुद्‍घाटन कार्यक्रम सम्पन्न।
(प्रशिक्षार्थी संख्या: २१६)

16/07/2026

15/07/2026

प्रशिक्षण तथा बृहत् स्वास्थ्य शिविर सम्पन्न
*******************************
गण्डकी प्रदेश प्रहरी तालिम केन्द्र, पोखराको आयोजनामा, गण्डकी प्रदेश प्रहरी अस्पताल, पोखराको सह-आयोजनामा तथा गण्डकी मेडिकल कलेजको विशेष सहयोगमा मिति २०८३ असार ३१ गते प्रशिक्षण तथा बृहत् स्वास्थ्य शिविर सफलतापूर्वक सम्पन्न भएको छ।
गण्डकी मेडिकल कलेजका वरिष्ठ न्यूरो सर्जन प्रा. डा. यम बहादुर रोकाको प्रमुख आतिथ्यतामा सम्पन्न उक्त कार्यक्रममा गण्डकी प्रदेश प्रहरी तालिम केन्द्रमा कार्यरत प्रहरी कर्मचारी, राजमार्ग सुरक्षा तथा ट्राफिक व्यवस्थापन कार्यालयका ट्राफिक प्रहरी कर्मचारी तथा प्रहरी जवान आधारभूत तालिमका प्रशिक्षार्थीहरूको सहभागिता रहेको थियो।
कार्यक्रमअन्तर्गत सहभागीहरूलाई सामान्य स्वास्थ्य परीक्षण, दन्तरोग, आँखा रोग, नशा रोग, स्त्री रोग( गाइनोकोलोजी ) तथा मानसिक स्वास्थ्य सम्बन्धी विशेषज्ञ स्वास्थ्य सेवा एवं परामर्श निःशुल्क प्रदान गरिएको थियो।
यसै अवसरमा Pre-Hospital Management and Road Traffic Accident, डिजिटल उपकरणको अत्यधिक प्रयोगबाट हुने स्वास्थ्य समस्या, स्वस्थ जीवनशैली तथा सन्तुलित आहार, तनाव व्यवस्थापन तथा उत्प्रेरणा सम्बन्धी विषयमा प्रशिक्षण सञ्चालन गरिएको थियो।
प्रहरी कर्मचारीहरूको स्वास्थ्य सचेतना अभिवृद्धि, स्वस्थ जीवनशैलीको प्रवर्द्धन तथा कार्यसम्पादन क्षमतामा सकारात्मक योगदान पुर्‍याउने उद्देश्यले आयोजित उक्त कार्यक्रम सफलतापूर्वक सम्पन्न भएको छ।

01/07/2026

नेपाल प्रहरी प्रहरी जवान ( प्राविधिक) पदको गण्डकी प्रदेश प्रहरी तालिम केन्द्र,पोखरामा संचालन भएको विस्तृत स्वास्थ्य परीक्षणको नतिजा प्रकाशन सम्बन्धि सचुना ।( मिति २०८३/०३/१७)

12/06/2026

स्वागत, धन्यवाद तथा शुभकामना सहितको "फेरि भेटौँला" कार्यक्रम सम्पन्न
*******************************************************************
गण्डकी प्रदेश प्रहरी तालिम केन्द्र, पोखराको प्राङ्गणमा आज एक विशेष औपचारिक समारोहका बीच स्वागत, धन्यवाद तथा शुभकामना सहितको "फेरि भेटौँला" कार्यक्रम सम्पन्न भएको छ।
नेपाल सरकार गृह मन्त्रालयको मिति २०८३/०२/१८ गतेको निर्णयानुसार यस केन्द्रबाट तालुक प्रहरी प्रधान कार्यालय प्रशासन विभाग कल्याण महाशाखा, नक्साल, काठमाडौँ सरुवा हुनुभएका प्रहरी वरिष्ठ उपरीक्षक श्री जनार्दन जि.सी. ज्यूलाई उहाँको उत्कृष्ट कार्यकाल र योगदानको उच्च मूल्याङ्कन गर्दै धन्यवाद र आगामी व्यावसायिक सफलताको शुभकामना सहित भावपूर्ण बिदाइ गरियो।
सोही निर्णयानुसार कल्याण महाशाखा, नक्सालबाट यस केन्द्रमा सरुवा भई पाल्नुभएका प्रहरी वरिष्ठ उपरीक्षक श्री संजय सिंह थापा ज्यूलाई हार्दिक स्वागत गर्दै सफल कार्यकालको शुभकामना सहित यस केन्द्रको समादेशक (Commandant) को कार्यभार हस्तान्तरण गरिएको छ।

10/06/2026

गण्डकी प्रदेश प्रहरी तालिम केन्द्रको ८औँ वार्षिकोत्सव तथा ६औँ Commandant Cup सम्पन्न
*********************************************************

गण्डकी प्रदेश प्रहरी तालिम केन्द्र, पोखराको आठौँ वार्षिकोत्सव तथा छैठौँ Commandant Cup खेलकुद प्रतियोगिता आज एक विशेष समारोहका बीच सम्पन्न भएको छ।

केन्द्रका समादेशक प्रहरी वरिष्ठ उपरीक्षक जनार्दन जि.सी.ज्यू को प्रमुख आतिथ्यतामा सम्पन्न उक्त कार्यक्रममा साताव्यापी खेलकुद प्रतियोगिताका विजेता तथा उपविजेता खेलाडीहरूलाई मेडल र प्रमाणपत्र प्रदान गरी सम्मान गरिएको थियो।

Commandant Cup अन्तर्गत फुटबल, भलिबल, टेबलटेनिस, ब्याडमिन्टन, रस्साकस्सी तथा महिलातर्फ म्युजिकल चेयर प्रतियोगिताहरू सञ्चालन गरिएको थियो।समारोहमा प्रहरी कर्मचारीहरूले आकर्षक सांस्कृतिक प्रस्तुति समेत प्रदर्शन गरेका थिए। प्रमुख अतिथिले उपस्थित प्रहरी टोलीलाई व्यावसायिकता, अनुशासन तथा खेलकुद भावना कायम राख्न प्रेरणादायी निर्देशन दिनुभयो।

गत जेठ १५ गते उद्घाटन गरिएको वार्षिकोत्सव सप्ताह अन्तर्गत खेलकुदसँगै मानवीय सेवा भाव अभिवृद्धि गर्ने उद्देश्यले रक्तदान कार्यक्रम समेत सफलतापूर्वक सम्पन्न गरिएको थियो।

08/06/2026

https://youtu.be/VGBXh3gps54?si=s1onH4z6_vPQfS4w

यो गण्डकी प्रदेश प्रहरी कार्यालय पोखराको आधिकारिक YouTube Channel ह...

25/05/2026

सूचना ! सूचना !! सूचना !!!