25/09/2026
थाहा छ
सबै थाहा छ
नजान्ने त कुरै छैन
यत्ति हो, तपाई के सोच्नुहुन्छ
म जान्दिन् , म के सोच्दै छु
मलाई थाहा छ ।
ब्यर्थै
चोक चौतारी कुरा किन काट्नुहुन्छ कामरेड
कहीँ च्यातिएकै छैन
त्यसै सिउनुपर्यो भन्दै नकराउनु न
च्यातिदा सिउनुपर्छ मलाई थाहा छ ।
ए ! कामरेड
तिन-चार चोटी चलाइसकेको छु
चलाउन जान्ने मै हुँ
गियर कहाँ झार्ने, ब्रेक कहाँ मार्ने बिर्सेकै छैन
यत्ति हो , गाडी अर्कैले लग्यो मलाई थाहा छ ।
त्यसैले
ढुक्क हुनु , भैइन्जेल म छु
परेको व्यहोर्छु , बँचेको सोहोर्छु
केही नभइन्जेल केही हुन्न
जोडघटाउ जानेकै छु, हिसाब मलाई थाहा छ ।
धन्यवाद dai Matrika Poudel
ढुक्क हुनु , भैइन्जेल म छु परेको व्यहोर्छु , बँचेको सोहोर्छु केही नभइन्जेल केही हुन्न जोडघटाउ जानेकै छु, हिसाब मला.....
