18/09/2026
राष्ट्रिय शिक्षा दिवस–२०८३ को अवसरमा वीरेन्द्रनगर नगरपालिकाअन्तर्गत संस्थागत विद्यालयतर्फ उत्कृष्ट शैक्षिक व्यवस्थापन, गुणस्तरीय शिक्षण सिकाइ तथा उत्कृष्ट शैक्षिक नतिजामार्फत नगरको शैक्षिक विकासमा महत्त्वपूर्ण योगदान पुर्याएवापत् यस विद्यालयलाई सम्मान पत्र प्रदान गर्नुभएकोमा विद्यालय परिवार अत्यन्त हर्षित तथा गौरवान्वित भएको छ । विद्यालयको शैक्षिक उन्नयन, शिक्षक–विद्यार्थीको निरन्तर प्रयास तथा विद्यालयले समुदायप्रति निर्वाह गर्दै आएको जिम्मेवारीलाई मूल्याङ्कन गरी प्रदान गरिएको यस सम्मानले विद्यालय परिवारलाई आगामी दिनमा अझ प्रभावकारी, गुणस्तरीय र उपलब्धिमूलक शैक्षिक कार्य गर्न थप प्रेरणा र उत्साह प्रदान गरेको छ । आगामी दिनमा पनि विद्यालय र नगरपालिकाबिचको सहकार्य, समन्वय र आपसी सद्भाव अझ सुदृढ हुँदै जाने विश्वास व्यक्त गर्दै नगरको शैक्षिक विकासका लागि विद्यालयबाट निरन्तर रचनात्मक सहयोग रहने प्रतिबद्धता व्यक्त गर्दछौँ ।
साथै यस महत्त्वपूर्ण अवसरमा वीरेन्द्रनगर नगरपालिका, नगर कार्यपालिकाको कार्यालय, नगर प्रमुखज्यू, अन्य पदाधिकारीज्यू लगायत सम्पूर्ण शुभेच्छुकप्रति नेपाल पुलिस स्कुल परिवार हार्दिक आभार तथा धन्यवाद व्यक्त गर्दछ ।
धन्यवाद !
