PPSK Rhoi Andres

29/09/2026

Sa isinagawang sesyon ng SK Poblacion 1, napagtibay natin ang paglalabas ng mga Educational Cash Assistance.

Nakapag-purchase na rin tayo ng mga Office Supplies na magagamit ng ating tanggapan para sa pag-iimprinta ng mga dokumento, pag-aayos ng mga talaan ng Sangguniang Kabataan. Mas maayos na pag-iimbak ng mga papel na hindi maaaring itapon.

Gayundin, ang mga malalaking kagamitan na higit na ating kinakailangan—gaya ng Laptop, Projector, Bluetooth Speaker at SK Canopy ay matagumpay rin natin na nabili.

Nailabas na rin natin ang pondo para sa mga travel allowance ng Sangguniang Kabataan—ito ay pondo para sa mga pagbyahe ng isang SK Officials patungo sa Mainland (Atimonan Landbank, BIR Gumaca, Lucena Capitol) para sa mga transaksiyon na kinakailangan ng agarang aksyon.

Minabuti namin na ito ay ibalita kung saan nanggagaling at papaano namin ginagastos ang buwis ng taumbayan.

Patuloy naming isinusulong ang isang responsable at maaasahang pamahalaan ng Sangguniang Kabataan.

28/09/2026

Habang mainit ang isyu ng BSKE postponement, ang ating mga Sangguniang Kabataan Chairperson ay nagtungo ng maagap sa tanggapan ng BIR upang asikasuhin ang Certificate of Registration ng bawat SK Office.

Ang ilan naman sa mga SK Chairperson ay hindi nakapunta ngayong araw dahil sa mga may nauna silang gawain.

Anuman ang kahinatnan ng BSKE, tuloy man o hindi—malinaw ang ating mandato na kailangang tapusin ang lahat ng mga dokumento na kinakailangan para sa isang ganap at maaasahang Sangguniang Kabataan Officials.

24/09/2026

Little Youth Officials 2026

Binabati natin ang mga Kabataang ito sa kanilang matagumpay na pagtatrabaho sa ating Lokal na Pamahalaang Bayan.

Karanasan ang magtuturo at magpapaunawa sa kanila kung paano tumatakbo ang isang pamahalaan para tugunan ang pangangailangan ng bayan.

Muli silang babalik sa ating pamahalaan hindi para magtrabaho kun'di bilang gawaran at kilalanin ng ating mga kapwa lingkod-bayan.

Pasasalamat po sa ating iginagalang na Ina ng Bayan, Mayor Ays Avellano Canimo sa buong suporta sa ating mga Little Youth Officials. Maraming salamat rin po sa ating Vice Mayor Hilda Montañez Ursolino sa palagiang pangungumusta sa mga gawain ng mga batang ito at sa mga miyembro ng Sangguniang Bayan Ng Alabat. Lubos din po tayo na nagpapasalamat kay Ma'am Reby Ayangco (PSDS) sa pagpapahiram sa ating mga mag-aaral upang maranasan ang paglilingkod sa bayan. Sa ating mga punong-g**o, mga g**o, at sa ating Lydo Alabat sa pangunguna ni Ma'am Dela Cruz Carmi sa kanyang mga kasama ate Lotlot Atendido at ate Princes De Leon sa palaging nariyan para alalayan ang mga bata.

Sa hanay ng Sangguniang Kabataan Alabat Quezon sa paglalatag at pagsuporta sa ganitong gawain. Sa mga magulang ng mga batang ito, at higit sa lahat sa ating mga Little Youth Officials.

Hanggang sa mga susunod na pagpapalawig pa ng pamahalaang pinamumunuan ng kabataan,

Little Youth Officials 2026 are now signing off.

23/09/2026

Para sa mga mamamayan ng Alabat Island

ALABAT ISLAND DISTRICT HOSPITAL, ISINUSULONG NI CONG. ATORNI MIKE NA GAWING LEVEL III GENERAL HOSPITAL

Isinusulong ni Quezon 4th District Representative Atorni Mike Tan ang House Bill No. 6321, na naglalayong i-upgrade ang Alabat Island District Hospital mula Level I patungong Level III General Hospital, na tatawaging Alquerez General Hospital, at mapapasailalim sa direktang pangangasiwa ng Department of Health (DOH).

Sa kasalukuyan, may 25 k**a lamang na kapasidad ang ospital at limitado rin ang kagamitan nito para sa mas komplikadong mga karamdaman. Dahil dito, kinakailangan pang dalhin sa mainland ang ilang pasyenteng nangangailangan ng mas mataas na antas ng gamutan, isang hamon lalo na sa emergency cases dahil kailangang bumiyahe mula Alabat patungong mainland.

Sa ilalim ng HB 6321 ni Cong. Mike, palalawakin ang bed capacity, serbisyong medikal at mga pasilidad ng ospital, habang magdaragdag din ng kinakailangang health personnel. Layunin nitong mailapit sa mga residente ng Alabat Island at Alquerez Inter-Local Health Zone ang mas kumpleto at mas mataas na antas ng serbisyong pangkalusugan nang hindi na kinakailangang bumiyahe sa mainland para sa maraming uri ng gamutan.

22/09/2026

Tingnan: Nakapaghain na ng mga panukalang resolusyon ang ating mga Little Youth Officials sa kanilang isinagawang Sesyon kanina.

Sa pangunguna ng Little Vice Mayor, Kgg. Chino Oliveros pinagtibay ang mga panukalang resolusyon ng mga Little Councilors.

Inaasahan naman natin na ang lahat ng mga Resolusyong napagtibay ay maayos na titingnan at ipapatupad ng ating Little Mayor, Kgg. Santino Martinez Jr.

PS. Nasa mga larawan ang titulo ng kanilang mga resolusyong naipanukala.

22/09/2026

Maghapon pa rin tayong nasa loob lamang ng Sangguniang Bayan Session Hall upang isagawa ang tatlong gawain para sa araw na ito;

✅ Committee Hearing on Barangay Ordinance of Barangay Angeles and Barangay Villa Esperanza.

✅ Workshop and Consultation on the Resolution Enacted by the Sangguniang Bayan Little Youth Officials.

✅ Meeting of the Little Youth Officials for upcoming 2 days left activity at the Municipality of Alabat.

Patuloy nating hinahasa ang hanay ng Kabataan sa larangan ng pamumuno sa bayan at kapwa kabataan.

21/09/2026

Apat na mahahalagang gawain ang ating ginawa ngayong araw;

1. Pagdalo sa Pagtataas ng Watawat ng Pilipinas
2. Pagdalo ng Sesyon ng Sangguniang Bayan
3. Pagdalo ng Sesyon ng Sangguniang Barangay
4. Pagtuturo ng Parliamentary Procedures/Session sa ating mga Little Youth Officials.

Lahat ng ito ay bahagi ng ating tungkulin bilang Pangulo ng Sangguniang Kabataan, SK Chairperson ng Poblacion Uno, at Ex-Officio Member ng Sangguniang Bayan.

Nais natin na umuwi tayo ng tahanan na kahit pagod ay nagampanan natin ang tungkuling ipinagkakatiwala sa atin ng taumbayan lalo na sa hanay ng kabataan.

18/09/2026

Ang programang ito ay bunga ng pagsisikap at patuloy na panawagan ng ating Punong Bayan, Hon. Mayor Ays Avellano-Canimo, para sa karagdagang tulong sa ating bayan kaugnay ng Water Emergency Crisis ng Alabat.

At hindi pa dito nagtatapos ang ating paghahanap ng solusyon. 🙏

Inaasahan natin na sa loob ng taong ito, masusundan pa ito ng isang magandang balita—ang paglalaan ng pondo para sa Water Desalination Project mula sa PCSO.

Patuloy tayong kikilos, hahanap ng paraan at lalapit sa mga ahensiya at institusyong maaaring makatulong sa ating bayan.

Mas sisipagan pa. Bawal ang pahinga kapag ang bayan at mamamayan ang pinag-uusapan.

Para sa Alabat. Para sa bawat Alabatin.

18/09/2026