23/10/2026
BALAAN NGA MISA, GIPAHIGAYON SA BARANGAY DATAL ANGGAS
ALABEL, Sarangani Province - Gipahigayon ang Balaan nga Misa sa Covered Court sa Proper, Barangay Datal Anggas, Alabel, Sarangani Province, Biyernes sa hapon, Oktubre 23, 2026, isip pagpasalamat sa mga grasya ug panalangin nga nadawat ug pag-ampo alang sa padayon nga kalinaw, kahapsay ug kalambuan sa komunidad.
Gipangunahan ang misa ni Rev. Fr. Peter Pham Hoang Thai, CMF, sa Claretian Missionaries, uban ni Rev. Fr. Ronilo โNonoโ S. Huesca, Parish Administrator sa San Isidro Labrador Parish sa Alabel, Sarangani Province. Mitambong usab si Mayor Lilibeth โYbingโ J. Salarda, MPA, kauban nila Municipal Administrator Vic Paul โNonoyโ M. Salarda, MPA, ug Municipal Councilors Enriquito A. Daguplo, MAEd, Bonifacio M. Pacquiao, ug Ferdinand Rey Flores. Naa usab sa maong kalihokan ang mga miyembro sa nagkalain-laing ministriya sa simbahan sa Barangay Datal Anggas.
Ang Datal Anggas Mission mitungha isip konkretong pagpahayag sa pasalig sa Claretian Missionaries of the Philippines sa pagpalig-on sa ilang presensiya ug misyon sa mga komunidad nga ilang gialagaran, ilabi na sa mga lumad nga komunidad sa Sarangani Province. Kabahin kini sa ilang pag-alagad nga nagtumong sa pagdala sa Ebanghelyo ug pagbarog uban sa mga komunidad nga anaa sa unahan sa ilang misyon.
Ang maong Balaan nga Misa nahimong higayon sa pagpalig-on sa pagtuo ug panaghiusa, ingon man sa pagpasalamat sa mga panalangin nga nadawat sa komunidad.
Ugma, Oktubre 24, pagasaulogon ang Kapistahan ni San Antonio Marรญa Claret (St. Anthony Mary Claret), ang founder sa Claretian Missionaries, nga nagpahinungod sa ilang misyon sa pagwali sa Ebanghelyo ug pag-alagad sa katawhan. (ALABEL INFORMATION OFFICE)
(๐ท: CONTRIBUTED PHOTOS / QR Jumawan/ J Moires )
