05/02/2026
MDRRMC ADVISORY NO. 003 – s. 2026
PRE-EMPTIVE EVACUATION TUNGOD SA BAGYONG “BASYANG”
04 February 2026
Tungod sa kasamtangang kahimtangan sa panahon nga gidala sa Tropical Depression “Basyang”, ug subay sa pinakabag-ong Weather Bulletin nga gi-isyu sa DOST–PAGASA, ang Municipal Disaster Risk Reduction and Management Council (MDRRMC) nagapahibalo sa pagpatuman sa pre-emptive evacuation sa mga lugar nga giila nga delikado ug dali maapektuhan sa kalamidad.
Ang pre-emptive evacuation girekomenda/gipatuman alang sa mga residente nga nagpuyo sa mosunod nga mga lugar:
• Mga lugar nga dali bahaan
• Mga lugar nga landslide-prone
• Mga ubos nga lugar
• Mga lugar duol sa suba, sapa, ug bakilid
Ang tanang Barangay Disaster Risk Reduction and Management Committees (BDRRMCs) gimandoan nga paandaron ang ilang tagsa-tagsa ka evacuation plans, siguruhon ang kahandam sa mga gi-ila nga evacuation centers, ug tabangan ang mga bulnerableng sektor sama sa mga kabataan, senior citizens, persons with disabilities (PWDs), mabdos nga kababayen-an, ug mga masakiton.
Gidasig ang tanang residente nga makiusa ug motuman sa mga pahibalo sa lokal nga pangagamhanan, magdala sa mga kinahanglanong butang sama sa pagkaon, limpyo nga tubig, tambal, sinina, ug importanteng dokumento, ug magpabiling kalmado ug alerto sa tanang panahon.
Ang MDRRMC uban sa mga concerned response agencies magpadayon sa kanunay nga pagmonitor sa kahimtangan sa panahon ug maghatag ug dugang nga pahibalo kung gikinahanglan.
Alang sa emerhensya ug importanteng impormasyon, palihug kontaka ang MDRRMO Hotline Number: 0981-344-2860.
Mag-amping ug magpabiling alerto, Alegria!