RHU Alegria Cebu

03/09/2026

🦟🚫 𝐀𝐋𝐀𝐒-𝐊𝐖𝐀𝐓𝐑𝐎 𝐍𝐀! 𝐌𝐀𝐆-𝐓𝐀𝐎𝐁, 𝐓𝐀𝐊𝐓𝐀𝐊, 𝐓𝐔𝐘𝐎 𝐎𝐆 𝐓𝐀𝐊𝐈𝐏 𝐍𝐀 𝐀𝐑𝐎𝐍 𝐋𝐈𝐊𝐀𝐘𝐀𝐍 𝐀𝐍𝐆 𝐃𝐄𝐍𝐆𝐔𝐄! 🕓💪

Mga Alegriahanon, atong pagahimoon ang 𝟰 𝗢’𝗖𝗟𝗢𝗖𝗞 𝗛𝗔𝗕𝗜𝗧! Kada alas-4 sa hapon, atong batasanon ang pagpangita ug paglimpyo sa mga lugar ug sudlanan nga mahimong pundohanan sa tubig ug breeding site sa lamok. 🪣🧹

Ayaw hulata nga modaghan ang lamok sa atong palibot. **Ang pagpugong sa Dengue magsugod sa atong kaugalingong panimalay!** 🏠

🛡️ 𝗛𝗜𝗡𝗨𝗠𝗗𝗢𝗠𝗜 𝗔𝗡𝗚 𝟰𝗦 𝗞𝗢𝗡𝗧𝗥𝗔 𝗗𝗘𝗡𝗚𝗨𝗘!

🔎 1. 𝙎𝙀𝘼𝙍𝘾𝙃 𝘼𝙉𝘿 𝘿𝙀𝙎𝙏𝙍𝙊𝙔 𝙈𝙊𝙎𝙌𝙐𝙄𝙏𝙊 𝘽𝙍𝙀𝙀𝘿𝙄𝙉𝙂 𝙎𝙄𝙏𝙀𝙎
Pangitaa ug wagtanga ang mga lugar nga mahimong pugaran sa lamok.
✅ Taoba ang mga balde, planggana, botelya, lata, ligid ug ubang sudlanan nga mahimong pundohanan sa tubig.
✅ Taktaka ug ilabay ang tubig nga nagpundo.
✅ Tuyoa ug limpyoha kanunay ang mga sudlanan.
✅ Takipi pag-ayo ang mga sudlanan nga gitipiganan og tubig.
✅ Ilisi kanunay ang tubig sa flower vase ug uban pang sudlanan.
👉 **TAOB • TAKTAK • TUYO • TAKIP!**

👕 2. 𝙎𝙀𝙇𝙁-𝙋𝙍𝙊𝙏𝙀𝘾𝙏𝙄𝙊𝙉 𝙈𝙀𝘼𝙎𝙐𝙍𝙀𝙎
Protektahi ang kaugalingon ug pamilya gikan sa paak sa lamok. Pagsul-ob og long sleeves ug long pants kon gikinahanglan, paggamit og mosquito repellent, screen sa bintana/pultahan ug mosquito net, ilabi na sa mga bata.

🏥 3. 𝙎𝙀𝙀𝙆 𝙀𝘼𝙍𝙇𝙔 𝘾𝙊𝙉𝙎𝙐𝙇𝙏𝘼𝙏𝙄𝙊𝙉
Ayaw hulata nga mograbe ang kahimtang. 𝗞𝘂𝗻𝗴 𝗮𝗱𝘂𝗻𝗮𝘆 𝗵𝗶𝗹𝗮𝗻𝗮𝘁 𝘀𝘂𝗹𝗼𝗱 𝗻𝗮 𝘀𝗮 𝟮 𝗸𝗮 𝗮𝗱𝗹𝗮𝘄, 𝗽𝗼𝘀𝗶𝗯𝗹𝗲 𝗻𝗴𝗮 𝗗𝗲𝗻𝗴𝘂𝗲 𝗸𝗶𝗻𝗶. 𝗠𝗮𝗴𝗽𝗮𝗸𝗼𝗻𝘀𝘂𝗹𝘁𝗮 𝗱𝗮𝘆𝗼𝗻 𝘀𝗮 𝗵𝗲𝗮𝗹𝘁𝗵 𝗰𝗲𝗻𝘁𝗲𝗿 𝗼 𝗱𝗼𝗸𝘁𝗼𝗿. Ang sayong pagkonsulta makatabang aron mamonitor ug mahatagan og hustong pag-atiman ang pasyente.

🚫 4. 𝙎𝙐𝙋𝙋𝙊𝙍𝙏 𝙁𝙊𝙂𝙂𝙄𝙉𝙂/𝙎𝙋𝙍𝘼𝙔𝙄𝙉𝙂 𝙊𝙉𝙇𝙔 𝙄𝙉 𝙃𝙊𝙏𝙎𝙋𝙊𝙏 𝘼𝙍𝙀𝘼𝙎
Ang fogging dili mao ang unang solusyon batok Dengue. Kini ginahimo lamang kung gikinahanglan, sama sa mga lugar nga adunay clustering o outbreak sa Dengue, subay sa rekomendasyon sa health authorities. Ang labing importante gihapon mao ang **pagwagtang sa breeding sites sa lamok.**

🩺 𝗔𝗡𝗚 𝗠𝗚𝗔 𝗦𝗜𝗡𝗧𝗢𝗠𝗔𝗦 𝗦𝗔 𝗗𝗘𝗡𝗚𝗨𝗘
Bantayi kung adunay:
🌡️ Taas o kalit nga hilanat
🤕 Sakit sa ulo
👁️ Sakit luyo sa mga mata
💪 Sakit sa kaunoran ug lutahan
🤢 Kasukaon o pagsuka
🔴 Pantal o rashes sa panit
😴 Pangluya ug kakapoy

⚠️ 𝐁𝐀𝐍𝐓𝐀𝐘𝐈 𝐀𝐍𝐆 𝐃𝐄𝐍𝐆𝐔𝐄 𝐖𝐀𝐑𝐍𝐈𝐍𝐆 𝐒𝐈𝐆𝐍𝐒!

Kung ang pasyente adunay Dengue o gisuspetsahan nga adunay Dengue, **magpakonsulta o adto dayon sa health facility** kung adunay:
🚨 Grabe o padayon nga sakit sa tiyan
🚨 Sige o balik-balik nga pagsuka
🚨 Pagdugo sa ilong o lagos
🚨 Pagsuka og dugo o adunay dugo/itom nga tae
🚨 Grabe nga kaluya, pagkaluya o dili mahimutang
🚨 Lisod o paspas nga pagginhawa
🚨 Bugnaw, luspad o basa nga panit

⚠️ 𝙄𝙢𝙥𝙤𝙧𝙩𝙖𝙣𝙩𝙚: Ang warning signs mahimong mugawas𝘪𝘯𝘪𝘨 𝘱𝘢𝘶𝘣𝘰𝘴 𝘰 𝘱𝘢𝘨𝘬𝘢𝘸𝘢𝘭𝘢 𝘴𝘢 𝘩𝘪𝘭𝘢𝘯𝘢𝘵. Busa ayaw hunahunaa nga okay na dayon tungod kay nawala na ang hilanat.

📌 𝘿𝙀𝙉𝙂𝙐𝙀 𝙁𝘼𝘾𝙏𝙎

● Walang sapat na ebidensya na epektibo ang mga halamang-gamot tulad ng Tawa-tawa, Dahon ng Papaya at Sili kontra Dengue.

● Wala pang gamot kontra Dengue; Ang gamutan sa Dengue ay nakabase sa sintomas na nararanasan ng may sakit.

● Kalinisan, Pagsuot ng proteksyon, at agarang konsultasyon pa rin ang rekomendasyon ng DOH.

❗ Ayaw pagsalig sa herbal remedies isip tambal sa Dengue ug ayaw paglangan sa pagkonsulta tungod niini. Kung adunay sintomas, labi na kung 𝟮 𝗸𝗮 𝗮𝗱𝗹𝗮𝘄 𝗻𝗮 𝗮𝗻𝗴 𝗵𝗶𝗹𝗮𝗻𝗮𝘁, pakonsulta dayon sa inyong healthcare provider.

🕓 𝐊𝐀𝐃𝐀 𝐀𝐋𝐀𝐒-𝟒, 𝐌𝐀𝐆-𝟒 𝐎’𝐂𝐋𝐎𝐂𝐊 𝐇𝐀𝐁𝐈𝐓 𝐓𝐀!

🪣 TAOB!
💦 TAKTAK!
☀️ TUYO!
🛡️ TAKIP!

Ang gamay nga lihok sa matag panimalay mahimong dakong tabang aron mapugngan ang Dengue sa atong komunidad. Walay pundong tubig, walay pugaran sa lamok!

💚 Protektahi ang kaugalingon. Protektahi ang pamilya. Protektahi ang komunidad.

26/08/2026

💉 𝙑𝘼𝘾𝘾𝙄𝙉𝘼𝙏𝙄𝙊𝙉 𝙎𝘾𝙃𝙀𝘿𝙐𝙇𝙀 | 𝘼𝙐𝙂𝙐𝙎𝙏 27–28, 2026

Mga ginikanan, palihug ayaw kamo paglangan,sa pagpabakuna sa inyong mga anak. ❤️ Ang pagbakuna usa sa labing importante nga paagi aron mapanalipdan sila batok sa mga sakit sama sa measles ug rubella.

📍: 𝘼𝙪𝙜𝙪𝙨𝙩 27 : Compostela – BHS & Samoyao |
📍Legaspi – BHS
📍 𝘼𝙪𝙜𝙪𝙨𝙩 28: Montpellier – BHS & Cawasan |
📍 Lepanto – BHS & Libo

Dalha ang inyong mga anak sa vaccination site ug pahimusli ang schedule. Ang inyong desisyon karon makatabang sa paghatag kanila og mas luwas ug himsog nga kaugmaon. 💙

25/08/2026

Mga minahal kong ginikanan sa atong lungsod sa Alegria,

Isip inyong Municipal Mayor ug usa usab ka doktor, akong gidasig ang tanang ginikanan nga ipabakuna ang atong mga anak nga edad 6–59 months alang sa MR SIA 2026 ug ipahatag ang Vitamin A supplementation.

Ayaw kabalaka, mga ginikanan. Luwas ang MR SIA vaccine ug importante kini aron mapalig-on pag-usab angproteksyon sa atong mga anak batok sa measles ug rubella. Bisan pa og nakadawat na sila og bakuna sa wala pa sila mag-usa ka tuig, kinahanglan gihapon kini nga booster dose aron mas mapalig-on ang ilang immunity ug maprotektahan sila batok niining mga sakit.

Ang Vitamin A importante usab alang sa maayong panglawas, sa mata, resistensya, ug normal nga pagtubo ug paglambo sa atong mga anak.

Mga ginikanan, palihog ayaw tuo dayon sa mga impormasyon nga inyong makita o madungog sa social media kung wala kini gikan sa kasaligan nga health authorities. Ayaw usab pagpakaylap og fake news o mga impormasyon nga walay klarong basihan, kay mahimo kining makapahadlok ug makapugong sa uban nga ginikanan sa paghatag sa hustong proteksyon sa ilang mga anak.

Kung adunay mga pangutana o kabalaka bahin sa bakuna, duol ug pangutana sa atong Rural Health Unit, mga midwife, nurses, o doktor. Mas maayo nga makadawat ta og sakto ug siyentipikong impormasyon kaysa mosalig sa mga istorya nga walay ebidensya.

Mga ginikanan, atong panalipdan ang atong mga anak. Ipa-MR SIA sila, hatagi og Vitamin A, ug ayaw palabi sa fake news.

Ang bakuna proteksyon. Ang hustong impormasyon responsabilidad.
Alang sa mas himsog ug mas luwas nga mga anak sa Alegria, atong suportahan ang MR SIA 2026!

Magbakuna kita. Magtinabangay kita. Para sa atong mga anak, para sa Alegria!

19/08/2026

Gituki ni Dr. Faith R. Curaraton, Medical Officer III sa DOH Central Visayas CHD kung nganong kinahanglan ang bakuna batok measles ug rubella sa mga bata nga nag-edad og 6-59 ka bulan.

Ang Measles-Rubella vaccine kay naghatag og dugang proteksyon sa mga bata gawas sa routine immunization nga regular nilang nadawat. Pinaagi sa pagpabakuna, mas mapanalipdan pa ang mga bata sa hulga nga dala sa measles ug rubella.

Busa, dugang pahimangno nga magbinantayon kita sa mga impormasyon nga makita online!
✅ Susiha ang tinubdan ug tan-awa kung makasaligan ba ang impormasyon.
✅ Pangutana sa inyong health worker aron makakuha og husto ug kasaligan nga impormasyon.
✅ Pila na ka dekada nagpanalipod ang Meales-Rubella Vaccine sa mga bata.
✅ Luwas ug epektibo ang mga bakuna. Niagi na kini sa hingpit nga mga pagtuon ug pipila ka clinical testing.

Magtinabangay kita alang sa mas himsog nga Central Visayas!

19/08/2026

𝙏𝙝𝙖𝙣𝙠 𝙔𝙤𝙪, 𝙏𝙬𝙞𝙣𝙨! 💙💗

The RHU Alegria would like to extend our heartfelt thanks to the adorable twins from 𝘽𝘼𝙍𝘼𝙉𝙂𝘼𝙔 𝙇𝙚𝙥𝙖𝙣𝙩𝙤 and their supportive parents for choosing vaccination and helping protect our children against measles and rubella. 💉🛡️

Your support is truly inspiring! Together, let us continue to keep our children healthy, happy, and protected. 👨‍👩‍👧‍👦❤️
Thank you, Twins, and thank you to your supportive parents!
Bakuna. Ligtas. Para sa lahat. 💙💗

📌 Disclaimer: This post is intended for health promotion and information purposes. The children’s photo and vaccination-related information are shared with the permission and consent of their parents/guardians. No personal or confidential information is intended to be disclosed.

18/08/2026

👫 𝗠𝗮𝗴-𝗶𝗴𝘀𝗼𝗼𝗻, 𝗱𝘂𝗻𝗴𝗮𝗻 𝗻𝗴𝗮 𝗻𝗮𝗴𝗽𝗮𝗯𝗮𝗸𝘂𝗻𝗮 𝗮𝘁𝗼𝗹 𝘀𝗮 𝗠𝗲𝗮𝘀𝗹𝗲𝘀-𝗥𝘂𝗯𝗲𝗹𝗹𝗮 𝗦𝘂𝗽𝗽𝗹𝗲𝗺𝗲𝗻𝘁𝗮𝗹 𝗜𝗺𝗺𝘂𝗻𝗶𝘇𝗮𝘁𝗶𝗼𝗻 𝗔𝗰𝘁𝗶𝘃𝗶𝘁𝘆 (𝗠𝗥-𝗦𝗜𝗔)!

Daghang salamat sa mga ginikanan nga mipili nga ipabakuna ang ilang mga anak! Ang inyong pagdala sa inyong mga anak alang sa bakuna usa ka importante nga lakang aron mapanalipdan sila batok sa measles (tipdas) ug sa mga komplikasyon nga mahimong dala niini.

Sa MR-SIA, ang mga bata nga 6–59 months old ang kwalipikado nga makadawat sa:

💉 Measles-Rubella (MR) Vaccine – aron mapanalipdan batok sa measles ug rubella
💊 Vitamin A supplementation – importante usab alang sa maayong nutrisyon ug immune protection sa mga bata.

Bisan pa man og nakadawat na og routine vaccination ang bata, importante gihapon ang pagpabakuna atol sa MR-SIA sumala sa programa sa Department of Health.

🚫 AYAW PAGTUO DAYON SA FAKE NEWS!

Mga ginikanan, kung adunay inyong madungog o makita sa Facebook, TikTok, Messenger, o uban pang social media mahitungod sa bakuna nga makapabalaka kaninyo, ayaw dayon tuo ug ayaw dayon pagpakalat.

❗ Pangutana diretso sa atong healthcare workers.
👩‍⚕️👨‍⚕️ Ang atong mga health personnel andam motubag sa inyong mga pangutana ug maghatag sa husto ug kasaligan nga impormasyon mahitungod sa bakuna.

Mas maayo ang pagpangutana sa healthcare worker kaysa mosalig sa impormasyon nga walay klarong tinubdan.

👏 Daghang salamat, mga ginikanan, sa inyong pagsalig ug kooperasyon!
Pinaagi sa inyong desisyon nga ipabakuna ang inyong mga anak, gihatagan ninyo sila og husto nga proteksyon batok sa measles ug rubella.

Pabakunahi ang inyong mga anak. Apil sa MR-SIA!
Kay ang "𝐁𝐚𝐤𝐮𝐧𝐚 𝐮𝐠 𝐏𝐫𝐨𝐭𝐞𝐤𝐬𝐲𝐨𝐧 𝐧𝐢 𝐁𝐚𝐛𝐲, 𝐀𝐭𝐨𝐧𝐠 𝐑𝐞𝐬𝐩𝐨𝐧𝐬𝐢𝐛𝐢𝐥𝐢𝐭𝐲!"

17/08/2026

14/08/2026