14/01/2026
Buong puso po naming inaanyayahan ang mga mamamayan ng Amadeo na makiisa sa Banal na Misa bukas, ka-15 ng Enero 2026, ganap na ika-7:00 ng umaga sa St. Mary Magdalene Parish Church bilang pasasalamat sa pagdiriwang ng Araw ng Amadeo, sa paggunita ng ika-111 Taong Anibersaryo ng Pagkakatatag ng ating bayan.
Sa temang Triple One: “One People, One Goal, One Government,” binibigyang-diin natin ang panawagan ng pagkakaisa, malinaw na direksiyon, at nagkakaisang pamahalaan para sa patuloy na kaunlaran ng Amadeo.
One People – Ipinahihiwatig nito ang pagkakaisa ng mga mamamayan ng Amadeo, anuman ang barangay, sektor, o antas sa buhay. Binibigyang-diin na ang lakas ng bayan ay nagmumula sa mamamayang may malasakit, respeto sa isa’t isa, at pagmamahal sa sariling bayan.
One Goal – Kumakatawan ito sa iisang adhikain ng pamahalaan at mamamayan: isang maunlad, ligtas, at maayos na Amadeo. Ipinapakita nito na ang tunay na pag-unlad ay nakakamit kapag malinaw ang direksiyon at sabay-sabay na kumikilos ang buong komunidad tungo sa pangmatagalang kaunlaran.
One Government – Sumasagisag ito sa isang nagkakaisang lokal na pamahalaan na tapat, transparent, at may pananagutan. Ipinapakita nito ang pamahalaang magkakatuwang ang mga tanggapan, bukas sa pakikilahok ng mamamayan, at nakatuon sa episyenteng paghahatid ng serbisyo para sa kapakanan ng lahat.
Nawa’y magsilbi ang pagtitipong ito bilang paalala na ang kaunlaran ng Amadeo ay makakamit lamang sa pagkakaisa ng mamamayan, iisang layunin, at pamumunong naglilingkod bilang iisang pamahalaan—tungo sa mas matatag, maka-Diyos, makatao, at maunlad na kinabukasan ng ating bayan.
Lubos kong ikagagalak ang inyong pakikiisa.
Sama-sama, iisang Amadeo. 🙏
22/12/2025
As part of gift-giving activities of Bukluran Multi-Purpose Cooperative in coordination with Cooperative Section, they extend their help to selected indigent families residing in Amadeo. Gift packs were received by Municipal Social Worker Development Office.
15/01/2026
14/01/2026
22/12/2025