What are the opening hours?

Monday 8am - 7pm Tuesday 8am - 7pm Wednesday 8am - 7pm Thursday 8am - 7pm

https://www.facebook.com/106108412592109/

Angeles City Information Office

Home
Philippines
Angeles City
Angeles City Information Office

Directions

Official Page of the City Information Office of the Angeles City LGU

10/11/2026

𝐒𝐨𝐢𝐥 𝐓𝐞𝐬𝐭𝐢𝐧𝐠 𝐊𝐢𝐭 𝐓𝐫𝐚𝐢𝐧𝐢𝐧𝐠, 𝐈𝐬𝐢𝐧𝐚𝐠𝐚𝐰𝐚 𝐬𝐚 𝐀𝐧𝐠𝐞𝐥𝐞𝐬 𝐂𝐢𝐭𝐲 𝐬𝐚 𝐈𝐥𝐚𝐥𝐢𝐦 𝐧𝐠 𝐍𝐚𝐭𝐢𝐨𝐧𝐚𝐥 𝐒𝐨𝐢𝐥 𝐇𝐞𝐚𝐥𝐭𝐡 𝐏𝐫𝐨𝐠𝐫𝐚𝐦

Pinalawak ang kaalaman ng mga Angeleño tungkol sa wastong pangangalaga at pagsusuri ng lupa sa pamamagitan ng Training on Soil Sampling and Soil Analysis via Soil Testing Kit (STK), na isinagawa sa Angeles City noong Nobyembre 10, 2026.

Isinagawa ang pagsasanay sa ilalim ng National Soil Health Program at Mobile Soil Laboratory ng Department of Agriculture – Bureau of Soils and Water Management (BSWM), sa pakikipagtulungan ng City Agriculture Office at sa suporta ni Mayor Carmelo “Jon” B. Lazatin II.

Tinalakay sa programa ang mga wastong pamamaraan ng pagkuha ng soil samples at paggamit ng Soil Testing Kit upang matukoy ang mahahalagang katangian at kondisyon ng lupa. Sa pamamagitan ng soil analysis, nagkakaroon ang mga magsasaka ng mas maaasahang batayan sa pagpili ng angkop na hakbang sa pangangalaga at pagpapabuti ng kanilang lupang sinasaka.

Mahalaga ang ganitong kaalaman upang maisulong ang mas wasto at episyenteng paggamit ng mga pataba at iba pang agricultural inputs, mapabuti ang kondisyon ng lupa, at masuportahan ang mas produktibong pagsasaka.

Sa pamamagitan ng mga pagsasanay na tulad nito, patuloy na pinalalakas ang kakayahan ng mga magsasaka at Angeleño na makibahagi sa pagsusulong ng makabago, responsable, at sustenableng agrikultura sa lungsod.

10/11/2026

𝐇𝐢𝐧𝐝𝐢 𝐋𝐚𝐧𝐠 𝐒𝐞𝐫𝐭𝐢𝐩𝐢𝐤𝐨, 𝐊𝐮𝐧𝐝𝐢 𝐓𝐢𝐭𝐮𝐥𝐨: 𝐈𝐤𝐚𝐥𝐚𝐰𝐚𝐧𝐠 𝐁𝐚𝐭𝐜𝐡 𝐧𝐠 𝐏𝐚𝐦𝐚𝐦𝐚𝐡𝐚𝐠𝐢 𝐧𝐠 𝐋𝐚𝐧𝐝 𝐓𝐢𝐭𝐥𝐞𝐬, 𝐍𝐚𝐠𝐡𝐚𝐭𝐢𝐝 𝐧𝐠 𝐏𝐚𝐧𝐠𝐦𝐚𝐭𝐚𝐠𝐚𝐥𝐚𝐧𝐠 𝐒𝐞𝐠𝐮𝐫𝐢𝐝𝐚𝐝 𝐬𝐚 𝐦𝐠𝐚 𝐏𝐚𝐦𝐢𝐥𝐲𝐚𝐧𝐠 𝐀𝐧𝐠𝐞𝐥𝐞ñ𝐨

Ipinagpatuloy ng Pamahalaang Lungsod ng Angeles sa pangunguna ni Mayor Carmelo “Jon” B. Lazatin II ang pamamahagi ng land titles para sa mga benepisyaryo ng Informal Settler Families (ISF)-Awarded Lots sa pamamagitan ng ikalawang batch ng Distribution of Land Titles na isinagawa noong Nobyembre 10, 2026, sa Session Hall ng Legislative Building, City Hall Compound.

Sa ikalawang batch, kabuuang 154 na benepisyaryo ang tumanggap ng kanilang mga titulo, kasunod ng unang batch na kinabibilangan ng 112 benepisyaryo. Sa kabuuan, 266 na pamilya na ang nakatanggap ng land titles mula sa kabuuang 660 na nakatakdang ipamahagi ng lungsod.

Sa kanyang mensahe, binigyang-diin ni Mayor Jon ang kahalagahan ng pagkakaroon ng legal na titulo bilang higit pa sa isang dokumento. Simbolo ito ng katiyakan, kapanatagan, at karapatang magkaroon ng sariling lupang maaaring maging pundasyon ng kinabukasan ng bawat pamilya at maipamana sa mga susunod na henerasyon.

Pinangunahan ng Angeles City Human Settlements and Urban Development Office (ACHSUD) ang programa sa ilalim ng B.A.L.E. Program, na naglalayong isulong ang pagkakaroon ng ligtas at abot-kayang pabahay, tenurial security, oportunidad sa kabuhayan, at maayos at sustenableng pamayanan.

Naging bahagi rin ng programa ang pagbibigay ng impormasyon tungkol sa mga kinakailangang hakbang sa paglilipat ng titulo sa pangalan ng mga benepisyaryo, sa tulong ng mga Law Student Practitioners mula sa Angeles University Foundation – School of Law.

Sa patuloy na pagpapatupad ng programang ito, ipinapakita ng administrasyon ni Mayor Jon ang kahalagahan ng pagbibigay ng konkretong solusyon sa pangangailangan ng mga pamilyang Angeleño, lalo na sa usapin ng pabahay at seguridad sa paninirahan.

Dahil ang pagkakaroon ng sariling lupa ay hindi lamang tungkol sa pagmamay-ari, kundi tungkol din sa dignidad, kapanatagan, at mas matatag na kinabukasan para sa bawat pamilya.

May Malasakit na Angeleño.

10/11/2026

JOiN TANA, ANGELEÑOS (November 10, 2026)

Narito na ang programa kung saan mapapakinggan ang mahahalagahang balita, anunsyo at usaping mahalaga sa bawat Angeleños. Samahan si Gio sa JOiN TANA, ANGELEÑOS, dito sa RW 95.1 FM 📻

10/11/2026

𝐀𝐧𝐠𝐞𝐥𝐞𝐬 𝐂𝐢𝐭𝐲 𝐕𝐞𝐭𝐞𝐫𝐢𝐧𝐚𝐫𝐲 𝐎𝐟𝐟𝐢𝐜𝐞, 𝐊𝐚𝐛𝐢𝐥𝐚𝐧𝐠 𝐬𝐚 𝐁𝐞𝐬𝐭 𝐋𝐆𝐔 𝐑𝐚𝐛𝐢𝐞𝐬 𝐏𝐫𝐨𝐠𝐫𝐚𝐦 𝐈𝐦𝐩𝐥𝐞𝐦𝐞𝐧𝐭𝐞𝐫𝐬

Muling nagkamit ng pagkilala ang Angeles City Veterinary Office matapos mapabilang sa Best LGU Rabies Program Implementers, bilang pagkilala sa patuloy nitong pagsisikap na palakasin ang mga programa para sa pag-iwas at pagkontrol sa rabies.

Kasunod ito ng pagkakakilala sa Angeles City bilang Most Innovative LGU in Rabies Prevention and Control, na nagpapakita ng patuloy na pagpapaunlad ng mga inisyatiba ng lungsod para sa kalusugan at kaligtasan ng mga mamamayan at kanilang mga alagang hayop.

Kabilang sa mahahalagang layunin ng mga programang ito ang pagpapalawak ng pagbabakuna laban sa rabies, pagsusulong ng responsableng pag-aalaga ng mga hayop, at pagpapalakas ng kamalayan ng publiko tungkol sa pag-iwas sa sakit na ito.

Sa ilalim ng pamumuno ni Mayor Jon, patuloy na binibigyang-halaga ang mga programang nagtataguyod ng kalusugan at kaligtasan ng mga Angeleño, kabilang ang pagbibigay ng serbisyong beterinaryo at pagpapalawak ng mga hakbang upang maprotektahan ang mga alagang hayop laban sa mga sakit.

Binigyang-pagkilala rin ang dedikasyon ng mga kawani ng Angeles City Veterinary Office na patuloy na naglilingkod upang maisakatuparan ang mga programang may malasakit sa kapakanan ng mga hayop at mamamayan.

Ang ikalawang pagkilalang ito ay nagsisilbing inspirasyon upang higit pang paigtingin ang mga hakbang tungo sa isang rabies-free at mas ligtas na Angeles City.

Congratulations, Angeles City Veterinary Office! Patuloy ang mahusay at may malasakit na paglilingkod para sa bawat Angeleño.

10/11/2026

𝗕𝗼𝘀𝗲𝘀 𝗻𝗴 𝗞𝗮𝗯𝗮𝘁𝗮𝗮𝗻𝗴 𝗔𝗻𝗴𝗲𝗹𝗲ñ𝗼, 𝗧𝗮𝗺𝗽𝗼𝗸 𝘀𝗮 𝗝𝗢𝗶𝗡 𝗧𝗮𝗻𝗮! 🎙️

Kilalanin ang mga natatanging kabataang lider ng Angeles City na kinilala bilang Angeleño Youth Leadership Awardees!

Makakasama sina Jairen Lee Lopez, Aron Timbol, Ella Francheska Evangelista, at Mary Joy Tuazon upang ibahagi ang kanilang mga karanasan, adbokasiya, at pananaw tungkol sa pamumuno at paglilingkod sa kapwa kabataan.

Mamaya na, 10:00 AM
RW 95.1 FM, CLTV36
pages ng Angeles City Information Office, RW 95.1 FM, at CLTV36

Tumutok, makinig, at makiisa sa usapang kabataan sa JOiN Tana!

09/11/2026

𝐌𝐠𝐚 𝐌𝐚𝐠𝐬𝐚𝐬𝐚𝐤𝐚 𝐚𝐭 𝐀𝐧𝐠𝐞𝐥𝐞ñ𝐨, 𝐏𝐢𝐧𝐚𝐥𝐚𝐰𝐚𝐤 𝐚𝐧𝐠 𝐊𝐚𝐚𝐥𝐚𝐦𝐚𝐧 𝐬𝐚 𝐏𝐚𝐠-𝐚𝐚𝐥𝐚𝐠𝐚 𝐧𝐠 𝐒𝐭𝐢𝐧𝐠𝐥𝐞𝐬𝐬 𝐁𝐞𝐞𝐬.

Bilang bahagi ng pagsusulong ng makabago at sustenableng agrikultura, nagsagawa ang City Agriculture Office sa ilalim ng suporta ni Mayor Carmelo “Jon” Lazatin II ng Seminar on Beekeeping and Distribution of Stingless Bee Modules sa pamamagitan ng Bureau of Animal Industry – National Urban and Peri-Urban Agriculture Program (BAI-NUPAP).

Sa seminar, nakilala ng mga kalahok ang iba’t ibang uri ng bubuyog na matatagpuan sa Pilipinas, partikular ang katutubong stingless bees o lukot. Tinalakay rin ang wastong pag-aalaga nito, mga gawain sa loob ng kolonya, pagkuha ng mga produktong tulad ng honey, pollen at propolis, at ang mahalagang papel ng mga bubuyog sa polinasyon ng mga halaman.

Tampok din sa talakayan ang Backyard Meliponary: Native Stingless Bee in Urban and Peri-Urban Project, kasama ang kaalaman mula sa Bee Research, Innovation, Extension and Trade (BRITE) Center ng Cavite State University.

Ipinamahagi rin ang mga stingless bee modules upang magsilbing gabay ng mga kalahok sa kanilang pag-aaral at pagsisimula ng pag-aalaga ng katutubong bubuyog.

Bukod sa potensiyal nitong maging karagdagang pagkakakitaan, nakatutulong ang pag-aalaga ng stingless bees sa polinasyon, pangangalaga sa biodiversity, at pagpapanatili ng balanse ng ating kapaligiran.

Sa pamamagitan ng mga programang tulad nito, mas napapalawak ang kaalaman at oportunidad ng mga magsasaka at Angeleño tungo sa mas produktibo at sustenableng agrikultura.

09/11/2026

𝐋𝐢𝐠𝐭𝐚𝐬 𝐧𝐚 𝐀𝐧𝐠𝐞𝐥𝐞ñ𝐨:𝐊𝐚𝐚𝐥𝐚𝐦𝐚𝐧 𝐬𝐚 𝐊𝐚𝐡𝐚𝐧𝐝𝐚𝐚𝐧 𝐬𝐚 𝐒𝐚𝐤𝐮𝐧𝐚, 𝐈𝐛𝐢𝐧𝐚𝐡𝐚𝐠𝐢 𝐬𝐚 𝐦𝐠𝐚 𝐏𝐚𝐦𝐢𝐥𝐲𝐚𝐧𝐠 𝐀𝐞𝐭𝐚 𝐬𝐚 𝐒𝐚𝐩𝐚𝐧𝐠𝐛𝐚𝐭𝐨

Pinalawak ang kaalaman ng mga pamilyang Aeta sa Barangay Sapangbato tungkol sa kahandaan at kaligtasan sa panahon ng sakuna sa pamamagitan ng Culturally Appropriate Disaster Preparedness Training na isinagawa ng City Social Welfare Development Office (CSWDO) at Angeles City Disaster Risk Reduction and Management Office (ACDRRMO).

Isinasaalang-alang sa pagsasanay ang kultura at kalagayan ng pamayanang Aeta upang higit na mailapit sa kanila ang mahahalagang kaalaman tungkol sa paghahanda at pagtugon sa mga posibleng sakuna.

Nakiisa si Mayor Carmelo “Jon” B. Lazatin II bilang Guest of Honor and Message Speaker, kung saan binigyang-diin ang kahalagahan ng pagbibigay ng sapat na kaalaman at paghahanda sa bawat sektor ng komunidad.

Mahalagang matiyak na walang naiiwang pamayanan sa pagsusulong ng kaligtasan. Sa pamamagitan ng mga programang tulad nito, mas napapalakas ang kakayahan ng mga pamilya na maging handa, kumilos, at magtulungan sa panahon ng sakuna.

Ligtas na Angeleño, handa at may sapat na kaalaman!

09/11/2026

𝐆𝐎𝐎𝐃 𝐍𝐄𝐖𝐒: 𝑴𝒊𝒔𝒔𝒊𝒏𝒈 𝑮𝒊𝒓𝒍 𝑭𝒐𝒖𝒏𝒅 𝑺𝒂𝒇𝒆

ANGELES CITY — A 17-year-old girl from Barangay Cuayan, Angeles City, who was reported missing last Friday, November 6, 2026, has been found safe and is now reunited with her family.

The good news was shared through a social media post by the girl's parent, who expressed their heartfelt gratitude to everyone who helped in locating their daughter.

In an earlier post, the girl's mother appealed for assistance after her daughter failed to return home following her school dismissal at around 4 p.m. last Friday.

According to the mother's account, the teenager was last seen outside her school wearing her Physical Education (P.E.) uniform. She was supposed to board her school bus but reportedly did not get on, prompting her family to seek help in finding her.

In a subsequent social media post believed to have been shared by a family member, he confirmed that the girl is safe and unharmed.

The family has since expressed appreciation to all those who shared the missing-person appeal, extended assistance, and helped bring the teenager back home.

(Please be sensitive when writing a comment about this incident).

09/11/2026

𝗝𝗢𝗜𝗡 𝘁𝗮𝗻𝗮, 𝗔𝗡𝗚𝗘𝗟𝗘Ñ𝗢𝗦 | 𝗥𝗘𝗖𝗢𝗚𝗡𝗜𝗭𝗜𝗡𝗚 𝗟𝗘𝗔𝗗𝗘𝗥𝗦 𝗕𝗘𝗬𝗢𝗡𝗗 𝗔𝗪𝗔𝗥𝗗𝗦 𝗔𝗡𝗗 𝗖𝗘𝗥𝗧𝗜𝗙𝗜𝗖𝗔𝗧𝗘𝗦

“Ang ganda ng platform na binigay ng ACYDO because it provides an initiative to recognize and showcase the efforts and contributions of student leaders and youth leaders across Angeles City. Maraming maipagmamalaki ang mga kabataang Angeleño. Kaya kapag pumupunta ako sa Region 3, lagi kong ipinagmamalaki na from Angeles City ako.”

— 𝗔𝗥𝗘𝗗 𝗧𝗔𝗠𝗔𝗬𝗢
𝗔𝗬𝗟𝗔 𝗔𝗪𝗔𝗥𝗗𝗘𝗘
𝗕𝗩𝗥𝗛𝗦 𝗦𝗦𝗟𝗚 𝗣𝗥𝗘𝗦𝗜𝗗𝗘𝗡𝗧

Ang pagkilala sa mga kabataang lider ay hindi lamang tungkol sa pagtanggap ng parangal o sertipiko. Mahalaga ring mabigyang-pansin ang kanilang oras, pagsisikap, mga proyektong isinusulong, at serbisyong ibinibigay sa kapwa.
Sa pamamagitan ng AYLA, nabibigyang-daan na maipakita ang talento, kakayahan, at mga positibong ambag ng mga student leader at youth leader mula sa iba’t ibang bahagi ng Angeles City. Patunay ito na maraming kabataang Angeleño ang may kakayahang manguna at magbigay ng makabuluhang kontribusyon sa komunidad.

09/11/2026

𝗝𝗢𝗜𝗡 𝘁𝗮𝗻𝗮, 𝗔𝗡𝗚𝗘𝗟𝗘Ñ𝗢𝗦 | 𝗧𝗛𝗘 𝗬𝗢𝗨𝗧𝗛’𝗦 𝗖𝗢𝗠𝗠𝗜𝗧𝗠𝗘𝗡𝗧 𝗧𝗢 𝗧𝗥𝗔𝗡𝗦𝗣𝗔𝗥𝗘𝗡𝗖𝗬 𝗔𝗡𝗗 𝗚𝗢𝗢𝗗 𝗚𝗢𝗩𝗘𝗥𝗡𝗔𝗡𝗖𝗘

𝙋𝙖𝙜𝙠𝙞𝙠𝙞𝙨𝙖 𝙖𝙩 𝙥𝙖𝙜𝙩𝙪𝙩𝙪𝙡𝙪𝙣𝙜𝙖𝙣 𝙣𝙜 𝙢𝙜𝙖 𝙠𝙖𝙗𝙖𝙩𝙖𝙖𝙣, 𝙥𝙖𝙩𝙪𝙣𝙜𝙤 𝙨𝙖 𝙢𝙖𝙮 𝙢𝙖𝙡𝙖𝙨𝙖𝙠𝙞𝙩 𝙖𝙩 𝙢𝙖𝙩𝙖𝙥𝙖𝙩 𝙣𝙖 𝙥𝙖𝙢𝙖𝙢𝙖𝙝𝙖𝙡𝙖.

“The Angeleño Youth Leadership Awards is a great platform of Angeles City to showcase what leaders can offer Angeles City. As youth leaders, kailangan naming magsama-sama at magtulungan para mapatunayan namin na kami talaga ang pag-asa ng bayan.”
— 𝗗𝗘𝗡𝗡𝗜𝗦 𝗗𝗨𝗬𝗔
𝗦𝗞, 𝗕𝗔𝗥𝗔𝗡𝗚𝗔𝗬 𝗖𝗨𝗧𝗖𝗨𝗧
𝗔𝗡𝗚𝗘𝗟𝗘𝗦 𝗖𝗜𝗧𝗬

Ang mabuting pamumuno ay nagsisimula sa pagkakaisa, pakikipagtulungan, at pananagutan. Sa pamamagitan ng mga platapormang tulad ng Angeleño Youth Leadership Awards (AYLA), naipakikita ang kakayahan at mga ambag ng kabataang lider sa kanilang mga paaralan at komunidad.

Mahalaga ang aktibong pakikilahok ng kabataan sa pagsusulong ng transparency at good governance. Sa sama-samang pagkilos, mas nagiging makabuluhan ang kanilang papel sa pag-unlad ng lungsod.

Address

Angeles City
2009

Opening Hours

Monday	8am - 7pm
Tuesday	8am - 7pm
Wednesday	8am - 7pm
Thursday	8am - 7pm

Website

facebook.com

Alerts

Be the first to know and let us send you an email when Angeles City Information Office posts news and promotions. Your email address will not be used for any other purpose, and you can unsubscribe at any time.