LARGA Mahabang Parang

25/09/2026

ISANG MALAKING SALAMAT, MGA KA-LARGA! 👁️

Matagumpay nating naisagawa ang LARGA Agila Sagip Mata Program nitong September 4, 9, at 21. Sa likod ng bawat libreng eye check-up, salamin, anti-tetanus at merienda ay ang sama-samang effort ng maraming taong naglaan ng oras, lakas at malasakit.

Mula sa organizers Team Larga, Eagles Rizal United NCR VI and ERR 2 Limbas Region, Ate Konsi Jhoana Duran, maraming maraming salamat sa ating mga volunteers PM Squad, partners, sponsors, medical team from Cornel Hospital, coordinators at sa mag amang walang sawang sumusuporta sa ating mga adhikain Mayor Gerry Calderon Jeri Mae Calderon lahat ng tumulong mula paghahanda hanggang sa huling benepisyaryo. 🙏

Salamat sa inyong tiyaga sa registration, pag-aasikaso ng mga tao, pag-aayos ng lugar, pag-guide sa mga beneficiaries at sa lahat ng maliliit na bagay na naging malaking bahagi ng tagumpay ng programa.

Ang ganitong programa ay patunay na kapag ang mga tao ay nagtutulungan, mas marami tayong naaabot at natutulungan.

Hindi lamang ito tungkol sa serbisyo—ito ay tungkol sa malasakit, pagkakaisa at pusong handang tumulong. ❤️

MARAMING SALAMAT SA LAHAT!
Tuloy ang Serbisyo. Tuloy ang Pagmamahal. 💙❤️

LARGA AGILA SAGIP MATA PROGRAM
Keep Moving — Serbisyong May Puso. 👁️❤️

19/09/2026

🎨🏆 TAAS NOO, AAMP! ISANG KARANGALAN NA IPAGDIWANG!❤️

Taos-pusong pagbati sa Angono Rizal Artisan Mahabang Parang (AAMP) sa pagkilala bilang Active Youth Organization Awardee sa Taas Noo Rizaleño Gawad Parangal 2026! 👏🎉

Ang parangal na ito ay pagkilala sa inyong patuloy na pagsusulong ng sining, talento, kabataan, at serbisyo sa komunidad. Ang inyong mga likhang-sining ay hindi lamang nagpapakita ng husay at talento—nagsisilbi rin itong inspirasyon at boses ng kabataan.

Ang AAMP ay kinatawan ng kanilang President, Julian Andrei Garme, na tumanggap ng pagkilalang ito para sa organisasyon. ❤️🎨

Bawat pinta ay tinig.
Bawat kulay ay pagkilos.
Bawat talento ay ambag sa komunidad.

Congratulations, AAMP! Patuloy ninyong ipakita na ang sining ay may kakayahang magbuklod, magbigay-inspirasyon, at gumawa ng positibong pagbabago.

Taas-noo kayong ipinagmamalaki ng Mahabang Parang! 👏🇵🇭

19/09/2026

📢 IMPORTANT UPDATE | LARGA AGILA SAGIP MATA PROGRAM 👁️💙❤️

Para po sa lahat ng naitala para sa operasyon, may mahalagang update tungkol sa Final Screening sa Cornel Hospital.

📱 MAGHINTAY PO NG TEXT SIMULA SEPTEMBER 21 ONWARDS.
Kasama po sa makakatanggap ng text ang mga naitala noong:
📍 September 4 – Pag-Asa Botong Covered Court
📍 September 9 – LARGA HQ, Purok 8
Kapag nakatanggap na po ng text, MAG-REPLY LAMANG SA TEXT MESSAGE at sabihin kung alin sa dalawang available na araw ang inyong pipiliin:
📅 SEPTEMBER 25, 2026 – FRIDAY
📅 SEPTEMBER 28, 2026 – MONDAY
👉 Pili lamang po ng ISANG araw: September 25 OR September 28.

🏥 FINAL SCREENING
📍 Cornel Hospital
🕖 7:00 AM – Pick-up sa LARGA HQ, Purok 8

🔎 ANO ANG GAGAWIN SA FINAL SCREENING?

Ang screening na ito ay hindi pa mismo ang operasyon.
Dito po muling susuriin ang mga nakalista gamit ang mga kinakailangang medical equipment/apparatus para malaman kung maaari na silang isalang sa operasyon at kung anong schedule ang angkop.
Ibig sabihin, pagkatapos ng screening, saka pa lamang malalaman at maibibigay ang final schedule ng operasyon para sa mga kwalipikadong pasyente.

📌 ANO ANG DAPAT DALHIN:

🪪 PhilHealth ID – kung mayroon
🪪 Any Valid ID – kung walang PhilHealth ID

⚠️ PAALALA:
Para lamang ito sa mga NAITALA/NASCHEDULE para sa operasyon pagkatapos ng September 4 (Botong Court) September 9 (Larga HQ) at September 21 (Larga HQ). Final screening muna bago ibigay ang actual operation schedule. Muli po huwag muna pong pumunta sa Cornel Hospital nang walang confirmation. Hintayin muna ang text mula September 21 onwards at doon lamang mag-reply para piliin ang inyong schedule.

Maraming salamat po sa inyong pag-unawa at pakikipagtulungan. ❤️

19/09/2026

👁️ HULING ARAW NG LARGA AGILA SAGIP MATA PROGRAM! 💙❤️

Mga ka-LARGA, para sa huling araw ng LARGA Agila Sagip Mata Program, narito po ang importanteng update tungkol sa Service Pick-Up Stations:

📍 SERVICE PICK-UP STATIONS:
1. SITIO KULOT
2. AREA-2 Yupangco Court

Ang pick-up arrangement na ito ay para sa mga benepisyaryo sa Yupangco Area, na siyang orihinal na designated area para sa paglalapagan/pamamahagi ng serbisyo.

📌 VENUE FOR THE PROGRAM:
LARGA’s HQ, Purok 8 beside Ezor barbershop
(May signage na po para mas madaling mahanap.)

📝 REGISTRATION: 8:00 AM – 9:00 AM
🕘 PROGRAM / SERVICES: 9:00 AM – 12:00 NN

LIBRENG SERBISYO:

👁️ Free Eye Check-up / Consultation
👓 Free Eye Glasses
💉 Free Anti-Tetanus
🍪 Free Merienda

⚠️ PAALALA:
Wala pong stub. FIRST COME, FIRST SERVE BASIS po ang registration at serbisyo. Maagang pumunta at magparehistro upang mas maayos at mabilis ang proseso.

Maraming salamat sa lahat ng nakibahagi at patuloy na sumusuporta sa LARGA Agila Sagip Mata Program. 💙❤️

Serbisyo para sa ating mga kabarangay. Serbisyong may puso. 🙏

16/09/2026

📍 SEPTEMBER 16, 2026 | PUROK 8 at EAST BOROUGH

🚛 Boom Truck ng Munisipyo, umaksyon para sa clearing!

Sa kahilingan ni Kag. Paul Q Manlangit agad na nakipagtulungan ang Team LARGA sa isinagawang clearing activity sa Purok 8 at East Borough.

🤝 Sama-sama nating inaayos ang ating paligid upang maging mas malinis, maayos at ligtas para sa mga residente.

Maraming salamat sa Municipal Government Mayor Gerry Calderon at sa lahat ng tumulong at nakibahagi sa aktibidad.

Serbisyo muna. Sama-sama muna. Kayang-kaya! 💙

15/09/2026

Humahabol na pagbati para sa iyong kaarawan Engr Mark Anthony Capus 🫰🫰

10/09/2026

Minsan, isang maliit na halaga lang para sa atin… pero maaaring malaking bagay na para sa isang taong nangangailangan. ❤️

Mayroon po tayong kabarangay na truck driver ng basura—isang taong araw-araw pumapasok at nagtatrabaho para kumita at maiuwi ang pangangailangan ng kanyang pamilya. Habang ginagawa lamang niya ang kanyang trabaho, nangyari ang isang hindi inaasahang insidente na ngayon ay naglagay sa kanya sa isang napakahirap na sitwasyon.

Kaya po kami ay kumakatok sa inyong mabubuting puso. 🙏

Kung may kaunting sobra po kayo, kahit ₱20, ₱50, ₱100, o kung ano man ang kaya ninyo—malaking bagay na po iyon.

Hindi natin kailangang maging mayaman para makatulong. Sa isang simpleng pag-share ninyo, makarating ito sa taong may kakayahang tumulong.

Sa panahon na hindi natin alam kung kailan tayo mismo mangangailangan ng tulong, sana po ay huwag nating ipagkait ang pagkakataong makatulong sa iba.

Maliit man ang ambag, kapag maraming pusong nagkaisa, hindi na ito maliit.❤️

Maraming maraming salamat po sa bawat magbibigay, magsha-share, at kahit sa bawat taong magdarasal para sa kanyang kalagayan. 🙏

Kahit kaunti. Kahit paano. Basta bukal sa puso.❤️

TULONG PARA KAY KUYA ITO

Sa loob ng 8 taon, naging bahagi na ng Barangay Mahabang Parang si Kuya Ito bilang driver ng truck ng basura, araw-araw na tumutulong para mapanatiling malinis ang ating komunidad.

Ngunit habang ginagampanan ang kanyang trabaho, naaksidente siya matapos mawalan ng preno ang truck sa matarik na bahagi ng Eastborough Subdivision, Mahabang Parang.

Sa ngayon, kailangan niyang sumailalim sa operasyon na mabakalan ang kanyang binti at nangangailangan ng dugo. Kami po ay kumakatok sa inyong mga puso para sa anumang halaga ng tulong. Maaari ring makatulong sa pamamagitan ng blood donation.

Details: 0967-519-5355 MA***** F.

Bukas po ang fundraising na ito sa transparency. Ang lahat ng matatanggap na donasyon at ang paggamit ng pondo ay maayos na idodokumento at iuulat sa publiko bilang bahagi ng aming pananagutan sa bawat taong nagpaabot ng tulong.

Sa 8 taon niyang paglilingkod sa ating barangay, ngayon naman ay tayo ang tumulong sa kanya.

Photo by: MPAR-Fire and Rescue Team and respondents
Ate Jenny / Kuya Randy (Ambulance), Kag. Jayr Hadap, Kag. Pong Feliciano, EB HOA.

08/09/2026

Ang Serbisyong LARGA Mahabang Parang ay bunga ng sama-samang effort.

Pinagsasama-sama namin ang tulong at suporta mula sa mga incumbent, aspirant, at private individuals na may iisang hangarin—ang makatulong sa kapwa, sa maliit man o malaking bagay na kaya ng aming grupo.

Humihingi po kami ng inyong pang-unawa kung minsan ay may mga kahilingan na hindi namin agad napagbibigyan. May mga pagkakataong natulungan na namin kamakailan ang isang concern, o kaya naman ay may mga bagay na kailangan muna naming i-prioritize dahil limitado rin ang aming resources.

Hindi man po ganoon kalalim ang aming mga resources, naniniwala kami na kapag pinagsama-sama ang kaunting ambag ng bawat isa, may nabubuo at may naitutulong pa rin.

Hindi naman kailangang malaki agad ang aming magawa. Para sa amin, sapat nang makita namin kayong may kahit kaunting ginhawa, nabawasan ang inyong problema, at may ngiti sa inyong mga labi.❤️🫰🏼🫰🏼

Iyan po ang tunay na dahilan kung bakit patuloy kaming nagsisikap.

Maliit man o malaki, basta sama-sama—may nagagawa tayo.
Dahil ang serbisyo ay hindi tungkol sa kung sino ang gumawa, kundi kung sino ang natulungan. Hindi tungkol sa kung gaano kaliit or kalaki, ang importante bukal ito sa loob para sa Mahabang Parang

LARGA Mahabang Parang🫶🏼🫶🏼
Serbisyo, malasakit, at sama-samang pagkilos para sa ating kapwa.

07/09/2026

📢📢 VENUE UPDATE – LARGA AGILA SAGIP MATA PROGRAM

Mga ka-LARGA, reminder po sa ating September 9, 2026 (Wednesday) activity!

📍 VENUE:
LARGA’s HQ, Purok 8
📌 Near New Barangay Hall

📝 REGISTRATION: 8:00 AM – 9:00 AM
🕘 PROGRAM / SERVICES: 9:00 AM – 12:00 NN may be extended until 1:00 PM depende sa dami ng tao

⚠️ PAALALA:
👉 WALA pong STUB.
👉 FIRST COME, FIRST SERVE BASIS po ang registration at pagbibigay ng serbisyo.
👉 Para masigurong mapasama, maagang pumunta at magparehistro.

👁️ Free Eye Check-up / Consultation
👓 Free Eye Glasses (reading glasses for ages 40 above only)
💉 Free Anti-Tetanus
🍪 Free Merienda

Libre para sa ating mga kabarangay—serbisyo para sa lahat! 💙❤️

See you there, mga ka-LARGA! 🙌