Bacolod City Mendicancy Management Division-DSSD

09/09/2026

𝐂𝐋𝐄𝐀𝐑𝐈𝐍𝐆 𝐎𝐏𝐄𝐑𝐀𝐓𝐈𝐎𝐍 𝐒𝐀 𝐊𝐈𝐋𝐈𝐃 𝐊𝐅𝐂 𝐋𝐀𝐂𝐒𝐎𝐍

Ginpatigayon ang clearing operation sang nagligad nga Lunes sa Lacson Street, sa kilid sang KFC, kaupod ang City Legal Office kag Station 2.

Ini nga lugar padayon nga pagamonitor sa mga masunod nga adlaw agud masiguro nga indi na magbalik ang mga indibidwal nga gin-clear sa amo nga lugar. Base sa initial nga assessment, kadam-an sa ila may ara man sang kaugalingon nga puluy-an sa ila tagsa-tagsa ka barangay, apang ginpili nila nga magtinir sa dalan bangud mas malapit ini sa ila pangabuhian okon indi manami ang ila nga relasyon sa ila pamilya/himata.

Padayon ang koordinasyon kag monitoring sang mga nagkalain-lain nga ahensya agud matugyan sa ila ang nagakaigo nga assistance kag intervention, kag malikawan ang pagbalik sa pagtinir sa dalan.

04/09/2026

𝐏𝐀𝐌𝐈𝐋𝐘𝐀 𝐍𝐆𝐀 𝐍𝐀𝐆𝐀𝐈𝐒𝐓𝐀𝐑 𝐒𝐀 𝐃𝐀𝐋𝐀𝐍, 𝐍𝐀𝐁𝐔𝐋𝐈𝐆𝐀𝐍 𝐍𝐆𝐀 𝐌𝐀𝐊𝐀𝐏𝐀𝐔𝐋𝐈 𝐒𝐀 𝐈𝐋𝐀 𝐍𝐆𝐀 𝐋𝐔𝐆𝐀𝐑

Naging emosyonal ang pamilya ni Tatay Berto (indi ini amo ang iya matuod nga ngalan) sang natigayon na ang ila pagpauli sa ila lugar sa Antique, paagi sa pagbulig kag koordinasyon sang LGU Bacolod, DSWD Pag-Abot Program – NIR kag Region VI.

Una nga na-rescue ang menor de edad nga lalaki nga anak ni Tatay Berto matapos ini makita sa dalan kaupod ang iban nga mga kabataan nga naga-rugby kag nagapangayo sa mga nagaagi. Sa padayon nga assessment kag pagmonitor sang BCMMD, natukiban nga wala sang permanente nga puluy-an ang pamilya kag dugay na sila nga nagaistar kag nagakatulog sa dalan. Ang ila pangabuhian amo ang pang scrap kag barker agod masuportahan ang ila adlaw-adlaw nga kinahanglanon.

Paagi sa padayon nga koordinasyon kag case management sang BCMMD sang Department of Social Services and Development-Bacolod City sa suporta ni Richelle Verdeprado, RSW, PH D., DSSD Head, kag sa pagpanguna sang BCMMD, Program Head Coordinator Ms. Anjanette Servano, RSW, kaupod ang Assistant Program Head Coordinator, Sir Jenil Doronila, RSW, kag Program Facilitator on Operations Ms. Marianne Cleofe Joquiño natigayon ang pagpatuman sang mga intervention para sa pamilya.

Paagi sa DSWD Pag-Abot Program – NIR kag Region VI, nabuligan ang pamilya nga makapauli sa Antique kag makapundar sang ila kaugalingon nga balay. Gindugangan man ini sang livelihood assistance agod may oportunidad sila nga makapangabuhi sing mas estable kag indi na kinahanglan magbalik sa pagistar sa dalan.

Mainit man ang pag-abi-abi sang LGU San Jose de Buenavista, Antique, sa pagpanguna sang Municipal Mayor Atty. Paul Joseph Untaran kag MSWDO Head Maricar Seniel, nga nagpakita sang suporta sa pagbalik sang pamilya sa ila lugar.

Ang pagbulig sa mga pamilya nga nagaistar sa dalan indi lamang kutob sa pag-rescue ukon temporaryo nga assistance. Mas importante ang paghatag sang holistic kag sustainable nga intervention nga nagahatag sang kahigayunan para sa pamilya nga makabalik sa ila komunidad, makapundar liwat sang ila kabuhi, kag makahatag sang mas maayo nga palaabuton para sa ila mga kabataan.

Isa naman ini ka paglaum nga nangin madinalag-on pinaagi sa pagbuliganay sang nagkalain-lain nga ahensya, nga sa husto nga intervention kag koordinasyon, ang pamilya nga anay nagaistar sa dalan mahimo liwat makapauli, makabangon, kag makasugod sang bag-o nga kabuhi.

02/09/2026

𝐂𝐔𝐋𝐌𝐈𝐍𝐀𝐓𝐈𝐎𝐍 𝐎𝐅 𝟐𝟎𝟐𝟔 𝐀𝐍𝐓𝐈 𝐌𝐄𝐍𝐃𝐈𝐂𝐀𝐍𝐂𝐘 𝐂𝐎𝐍𝐒𝐂𝐈𝐎𝐔𝐒𝐍𝐄𝐒𝐒 𝐖𝐄𝐄𝐊

Ginselebrar sang Bacolod City Mendicancy Management Division (BCMMD) sang Department of Social Services and Development-Bacolod City ang culmination sang 2026 Anti-Mendicancy Consciousness Week sang nagligad nga Agosto 29, 2026, paagi sa isa ka programa para sa mga kabataan sa (Children in Street Situation) CISS Got Talent sa GT 888 Mall Bacolod.

Nagpaindis-indis ang mga kabataan sa nagkalain-lain nga kategorya pareho sang Slogan Making, Vocal Solo, kag Group Dance Competition, sa diin ila ginpakita ang ila mga talento.

Indi magin madinalag-on ang ini nga aktibidad kon wala ang suporta kag pagpakigbahin sang nagkalain-lain nga ahensya kag organisasyon. Daku gid ang amon pagpasalamat sa DRRMO, Bacolod City Communications Office, Bacolod City Police Office, Women and Children Protection Desk, Missionaries of Charity, Señor Sto. Niño Homes, Inc., ABE Funeral Homes, Malasakit Center sang CLMMRH, kag Virlanie Faith, Inc. sa ila padayon nga suporta sa programa kag pagtambong.

Daku gid ang pagpasalamat sang BCMMD kay Mayor Greg Gasataya, Councilor Israel “Ising” Salanga, kag Councilor Celia Matea R. Flor sa ila suporta kag pagbulig agod mahatagan sang mga premyo ang aton mga kabataan.

Amu man sa Kalipay Negrense Foundation, Inc. sa pagdonar sang mga school supplies kag sa Felix G. Yusay Foundation, Inc. sa paghatag sang food packs, indi lamang para sa mga kabataan kundi pati na man sa iban naton nga mga benepisyaryo.

Ang sini nga inisyatibo padayon nga ginapabakod agod maedukar ang publiko nga ang paghatag sang limos indi amo lamang ang husto nga paagi sang pagbulig. Mas importante ang paghatag sang insakto nga bulig, bulig nga nagaprotektar sang dignidad, nagahatag sang oportunidad, kag nagabulig sa ila nga makabangon kag mangin mas independente.

27/08/2026

𝐓𝐑𝐀𝐈𝐍𝐈𝐍𝐆 𝐎𝐍 𝐌𝐄𝐍𝐓𝐀𝐋 𝐇𝐄𝐀𝐋𝐓𝐇 𝐀𝐍𝐃 𝐏𝐒𝐘𝐂𝐇𝐎𝐋𝐎𝐆𝐈𝐂𝐀𝐋 𝐅𝐈𝐑𝐒𝐓 𝐀𝐈𝐃 | 𝐀𝐔𝐆𝐔𝐒𝐓 𝟐𝟕, 𝟐𝟎𝟐𝟔

Agud mangin mas handa kag mas epektibo sa pagresponde sa nagkalain-lain nga sitwasyon sang kalamidad, emerhensya, kag rescue operations, ang mga coordinators sang Bacolod City Mendicancy Management Division (BCMMD) sang Department of Social Services and Development-Bacolod City naghiwat sang 𝑻𝒓𝒂𝒊𝒏𝒊𝒏𝒈 𝒐𝒏 𝑴𝒆𝒏𝒕𝒂𝒍 𝑯𝒆𝒂𝒍𝒕𝒉 𝒂𝒏𝒅 𝑷𝒔𝒚𝒄𝒉𝒐𝒍𝒐𝒈𝒊𝒄𝒂𝒍 𝑭𝒊𝒓𝒔𝒕 𝑨𝒊𝒅 para sa mga katapo sini sang Agosto 27, 2026, sa Avenue Suites Hotel, Bacolod City, bilang kabahin sang pag-obserbar sang 2026 Anti Mendicancy Consciousness Week.

Ang training ginpangunahan sang aton mga eksperto nga Resource Speakers nga kanday Dr. Lene Pelarca Posadas, RPsy, RPm, Chief Psychologist sang White Coat Psychological Clinic, kag Sir Sef Samodio Garzon, RPm, sang amo man nga clinic.

Ini nga aktibidad natigayon paagi sa suporta kag paggiya ni Mayor Greg Gasataya, Hon. Israel Salanga, Hon. Celia Matea R. Flor, DSSD CGDH II, Richelle H. Verdeprado, RSW, Ph.D., kag ACGDH II Alma Gustilo, RSW.

Ini nga aktibidad nagapakita sang padayon nga paninguha sang BCMMD sang DSSD nga mapalig-on ang kapasidad sang aton mga personnel agud mangin handa, kalmado, may empatiya, kag may husto nga ihibalo sa pagresponde sa nagkalain-lain nga emerhensya, ilabi na sa pag-atipan sa mga indibidwal kag pamilya nga yara sa mas mabudlay kag delikado nga kahimtangan.

25/08/2026

Ang Bacolod City Mendicancy Management Division (BCMMD) sang Department of Social Services and Development-Bacolod City nagpatigayon sang paglibot sa nagkalain-lain nga lugar sa syudad nga may nakit-an nga mga indibidwal nga nagapangayo sang limos. Kabahin sini ang paghatag sang Information, Education, and Communication (IEC) Materials sa publiko agud mapalapnag ang husto nga paghangop nahanungod sa mendicancy kag mapataas ang paghibalo sang komunidad sa mga nagakaigo nga tikang sa sini nga isyu.

Ginapahanumdom ang publiko nga ang pagpangayo sang limos nagapadayon kon may nagahatag man sini, gani importante nga ang komunidad mangin kabahin sa paghatag sang husto nga bulig kag solusyon. Sa baylo nga maghatag sang limos, gina hangyo ang publiko nga magbulig paagi sa mga programa kag serbisyo sang gobyerno nga nagahatag sang oportunidad para sa mga street dwellers kag mendicants.

Ginpaathag man sa publiko ang City Ordinance No. 1112, nga makabulig nga makontrol ang mendicancy sa Syudad sang Bacolod, kag maprotektahan ang mga vulnerable nga indibidwal, kag mapalig-on ang mga intervention para sa ila.

25/08/2026

𝐒𝐓𝐑𝐄𝐄𝐓 𝐃𝐖𝐄𝐋𝐋𝐄𝐑𝐒 𝐄𝐍𝐇𝐀𝐍𝐂𝐄𝐌𝐄𝐍𝐓 𝐏𝐑𝐎𝐆𝐑𝐀𝐌

Kapin sa 50 ka benepisyaryo sang Street Dwellers Enhancement Program ang nagpartisipar sa aktibidad bilang kabahin sang 2026 𝑨𝒏𝒕𝒊-𝑴𝒆𝒏𝒅𝒊𝒄𝒂𝒏𝒄𝒚 𝑪𝒐𝒏𝒔𝒄𝒊𝒐𝒖𝒔𝒏𝒆𝒔𝒔 𝑾𝒆𝒆𝒌 nga ginhiwat subong nga adlaw, Agosto 25, 2026, sa Bays Center.

Sa aktibidad, ginhatagan sila sang session parte sa Responsible Parenthood, nga naghatag sang mas daku nga pagsulondan kag paghangop tuhoy sa ila mga responsibilidad bilang ginikanan, pati na ang mga kinamatarong kag kaayuhan sang ila mga kabataan.

Pagkatapos sang session, ang mga benepisyaryo nakabaton man sang food packs bilang suporta sa ila adlaw-adlaw nga panginahanglan.

Ini nga inisyatibo sang Syudad sang Bacolod nagatinguha indi lamang nga mahatagan sang temporaryo nga bulig ang mga street dwellers kag mendicants, kundi labi na gid nga ma-edukar, mahatagan sang oportunidad, kag mapalig-on ang ila kapasidad nga makabangon kag makapangabuhi sa mas dignidad nga paagi.

24/08/2026

𝐌𝐎𝐑𝐄 𝐓𝐇𝐀𝐍 𝐀 𝐖𝐀𝐋𝐊, 𝐀 𝐖𝐀𝐋𝐊 𝐖𝐈𝐓𝐇 𝐏𝐔𝐑𝐏𝐎𝐒𝐄.

Today, August 24, 2026, we officially kicked off the 𝟐𝟎𝟐𝟔 𝗔𝗻𝘁𝗶-𝗠𝗲𝗻𝗱𝗶𝗰𝗮𝗻𝗰𝘆 𝗖𝗼𝗻𝘀𝗰𝗶𝗼𝘂𝘀𝗻𝗲𝘀𝘀 𝗪𝗲𝗲𝗸 through an Advocacy Walk that started early in the morning at McDonald’s Upper East and ended at the Bacolod City Government Center (BCGC) Grounds.

The activity was made more meaningful through the presence and support of our partner agencies, offices, organizations, and beneficiaries who walked with us in support of this advocacy. The 𝐁𝐚𝐜𝐨𝐥𝐨𝐝 𝐂𝐢𝐭𝐲 𝐌𝐞𝐧𝐝𝐢𝐜𝐚𝐧𝐜𝐲 𝐌𝐚𝐧𝐚𝐠𝐞𝐦𝐞𝐧𝐭 𝐃𝐢𝐯𝐢𝐬𝐢𝐨𝐧 of Department of Social Services and Development-Bacolod City is truly grateful to the PNP/WCPD, DRRMO, Pag-asa Youth Association of the Philippines (PYAP), City Legal Office, Philippine Coast Guard, Virlanie Faith, Inc., Social Development Center, White Coat Psychological Clinic, City Health Office, City Administration Office, ABE Funeral Homes, General Services Office, POSO, BTMMD, CCLDO, Pantawid Pamilyang Pilipino Program, the Office of Councilor Israel Salanga, other partner agencies, and the beneficiaries of BCMMD for sharing their time, presence, and commitment.

We also express our sincere gratitude to 𝐌𝐚𝐲𝐨𝐫 𝐆𝐫𝐞𝐠 𝐆𝐚𝐬𝐚𝐭𝐚𝐲𝐚, Chairperson of the City Anti-Mendicancy Task Force Committee, 𝐇𝐨𝐧. 𝐈𝐬𝐫𝐚𝐞𝐥 𝐒𝐚𝐥𝐚𝐧𝐠𝐚, Co-Chairperson, and 𝐇𝐨𝐧. 𝐂𝐞𝐥𝐢𝐚 𝐌𝐚𝐭𝐞𝐚 𝐑. 𝐅𝐥𝐨𝐫, Vice Chairperson, for their continued leadership and unwavering commitment to the anti-mendicancy advocacy.

Our sincere appreciation also goes to Megaworld Bacolod for welcoming us at the starting venue, and to the Offices of Councilor Bobby Rojas and Councilor Jason Villarosa for the warm arroz caldo that gave our participants a much-needed boost after the walk.

Our theme, “𝘽𝙪𝙡𝙞𝙜 𝙨𝙖 𝙃𝙪𝙨𝙩𝙤 𝙣𝙜𝙖 𝙋𝙖𝙖𝙜𝙞: 𝙃𝙖𝙩𝙖𝙜 𝙋𝙖𝙜𝙡𝙖𝙪𝙢, 𝙄𝙣𝙙𝙞 𝙇𝙞𝙢𝙤𝙨,” reminds us of an important truth: 𝒘𝒂𝒍𝒂 𝒔𝒂𝒏𝒈 𝒎𝒂𝒚 𝒏𝒂𝒈𝒂𝒑𝒂𝒏𝒈𝒂𝒚𝒐 𝒔𝒂𝒏𝒈 𝒍𝒊𝒎𝒐𝒔 𝒌𝒖𝒏𝒈 𝒘𝒂𝒍𝒂 𝒎𝒂𝒚 𝒏𝒂𝒈𝒂𝒉𝒂𝒕𝒂𝒈 𝒔𝒂𝒏𝒈 𝒍𝒊𝒎𝒐𝒔. As a community, let us learn to help in the right way, not simply by giving alms, but by giving hope, opportunities, guidance, and long-term support to those in need.

This advocacy is not only about discouraging mendicancy; it is about understanding the needs of people, connecting them to appropriate services, and helping them find a path toward a more dignified and sustainable life.

15/08/2026

🧡

𝐁𝐔𝐋𝐈𝐆 𝐒𝐀 𝐇𝐔𝐒𝐓𝐎 𝐍𝐆𝐀 𝐏𝐀𝐀𝐆𝐈: 𝐇𝐀𝐓𝐀𝐆 𝐏𝐀𝐆𝐋𝐀𝐔𝐌, 𝐈𝐍𝐃𝐈 𝐋𝐈𝐌𝐎𝐒.

Sa pagsa-ulog sang Anti-Mendicancy Consciousness Week 2026, ginapangabay ang tagsa ka Bacolodnon nga mangin kabahin sang pagtib-ong nga mag-amlig sang kinaugalingon nga dignidad kag nagahatag sang mas maayo nga oportunidad sa mga naga eksperensya sang kubos sa kabuhi.

📅 Agosto 24 – Advocacy Walk & Flag Ceremony
📅 Agosto 25 – SDEP Distribution
📅 Agosto 27 – Mental Health & Psychological First Aid Training
📅 Agosto 29 – CISS Got Talent

Paagi sa Department of Social Services and Development–Bacolod, padayon naton nga suportahan ang mga programa nga nagahatag sang paglaum, proteksyon kag oportunidad ilabi na ang aton mga kauturan nga ginakulang sa sa ila pagpangabuhi —indi lamang limos, kundi bulig nga makabulig sa pagbangon.

09/08/2026

The BCMMD joins the observance of 𝑨𝒏𝒕𝒊-𝑴𝒆𝒏𝒅𝒊𝒄𝒂𝒏𝒄𝒚 𝑪𝒐𝒏𝒔𝒄𝒊𝒐𝒖𝒔𝒏𝒆𝒔𝒔 𝑾𝒆𝒆𝒌 on August 24–29, 2026.

This aims to promote awareness and understanding about mendicancy and encourage everyone to help build a caring and responsible community.

08/08/2026

The 𝑻𝒆𝒄𝒉𝒏𝒊𝒄𝒂𝒍 𝑾𝒐𝒓𝒌𝒊𝒏𝒈 𝑮𝒓𝒐𝒖𝒑 (𝑻𝑾𝑮) 𝒐𝒇 𝒕𝒉𝒆 𝑪𝒐𝒎𝒎𝒊𝒕𝒕𝒆𝒆 𝒐𝒏 𝒕𝒉𝒆 𝑪𝒊𝒕𝒚 𝑴𝒆𝒏𝒅𝒊𝒄𝒂𝒏𝒄𝒚 𝑻𝒂𝒔𝒌 𝑭𝒐𝒓𝒄𝒆 convened an Emergency Meeting to discuss and finalize preparations for the upcoming “Anti-Mendicancy Consciousness Week” activities. The meeting was presided over by Co-Chairperson Hon. Israel Salanga and Vice-Chairperson Hon. Celia Matea R. Flor, with the participation of partner agencies and organizations, including the City Health Office, Bacolod City Mendicancy Management Division (BCMMD), Disaster Risk Reduction and Management Office (DRRMO), Bacolod City Communications Office, Bacolod City Police Office (BCPO), Virlanie Faith, Inc., and Kalipay Negrense Foundation, Inc.

The observance aims to raise public awareness of the Anti-Mendicancy Law, strengthen coordination among the Committee and partner agencies, and promote Bacolod City’s interventions and support mechanisms for individuals engaged in mendicancy.