𝗢𝗳𝗳𝗶𝗰𝗲 𝗼𝗳 𝘁𝗵𝗲 𝗔𝗴𝗿𝗶𝗰𝘂𝗹𝘁𝘂𝗿𝗮𝗹 𝗦𝗲𝗿𝘃𝗶𝗰𝗲𝘀-𝗕𝗮𝗰𝗼𝗼𝗿

Masigasig na nagpartisipa ang Office of the Agricultural Services - Bacoor (OAS-Bacoor) sa katatapos lamang na Capability Building for City Peace and Order Council (CPOC) and City Drug Abuse Council/Secretariat. Ginanap ang aktibidad sa Fynn Boutique Hotel, Brgy. Panapaan 4, City of Bacoor, nitong Hunyo 1 at 2, 2026.

Ang nasabing pagsasanay ay pinangunahan ng Department of the Interior and Local Government (DILG) at ng City Local Government Operations Officer ng lungsod.

Inirepresenta ang OAS ni Mr. Joshua Villaluz, na bihasang Fishery Law Enforcer at Fish Examiner ng lungsod. Malaki ang misyong ginagampanan ng OAS-Bacoor sa paglutas ng problema laban sa Illegal, Unreported, and Unregulated Fishing (IUUF) at iba pang krimen na may kaugnayan sa Fishery resources at fisherfolk.

Masigasig itong nilalabanan ng tanggapan habang nasa loob pa lamang ng municipal waters ng Bacoor upang hindi na maging problema sa iba pang karatig-bayan at lungsod.

Bukod dito, kabilang din sa mga tinututukan ng OAS ang pagsugpo sa banta ng mga makakaliwang grupo at ang paglaganap ng ilegal na droga sa sektor ng mga mangingisdang Bacooreño.

Sa pamamagitan ng isinagawang pagsasanay, maayos na napag-usapan at naaprubahan ang mga Plans, Programs, and Activities (PPAs) na binalangkas at pinag-aralan ng OAS upang tugunan ang mga nabanggit na suliranin.Inaasahan na kagaya ng ilegal na pagdidinamita sa dagat, ang IUUF ay tuluyan na ring mabubura at masusugpo sa Bacoor Bay.

ICYMI Matagumpay at makabuluhan ang naging kaganapan sa isang lecture workshop sa pagtitipon ng CBAP Cavite District 1 Bacoor Women. Ito ay binubuo ng labing-isang iba't-ibang churches.

Naging bahagi ang Office of the Agricultural Services sa nasabihing lecture workshop. Ang isa sa naging talakayin ay ang 'Vegetable Gardening at Hydroponics'. Ang layunin nito ay upang mapalawig pa ang kaalaman, kasanayan at maging daan ng pagkakakitaan at masustansyang pagkain ng pamilya.

Namahagi rin ang City Government of Bacoor - Office of the Agricultural Services ng agricultural inputs tulad ng organikong pataba (vermicast), mga gulay na pananim (seeds), at ilang hydroponics boxes, nutrient solutions, at seedling trays.

Sa natapos na kasanayan, malugod nilang tinanggap ang hamon na magsimula ng sariling vegetable garden at hydroponics.

Isang Maligayang National Fisherfolk Day sa mga natatanging mangingisda ng Bacoor! 🌊

​Mula sa panghuli ng isda, tahong, talaba, at iba pang yamang-dagat na ipinagmamalaki ng ating lungsod, ramdam namin ang inyong bawat patak ng pawis para sa inyong pamilya at para sa buong komunidad. 🦪🐟
​Patuloy nating itaguyod, suportahan, at kilalanin ang kontribusyon ng ating mga bayani ng katubigan. Likas-kayang pangingisda para sa mas masaganang Bacoor!
​

Isang makasaysayang araw para sa sektor ng pangisdaan ng Bacoor City! 🎣✨

Matagumpay na isinagawa ang Blessing and Inauguration ng Fisherfolk Dormitory, Distribution of Fishing Paraphernalia, at Groundbreaking Ceremony ng kauna-unahang Catfish Grow-out Facility na pinangangasiwaan ng gobyerno at fisherfolk sa Cavite at buong Rehiyon ng CALABARZON.

Pinangunahan ito ng Ama ng Lungsod, Hon. Strike B. Revilla, kasama ang buong suporta ng Sangguniang Panlungsod Members ng Bacoor City, katuwang ang napakasipag na kinatawan ng 2nd District of Cavite na si Hon. Lani Mercado-Revilla at 2nd District of Cavite Board Member, Hon. Alde F. Pagulayan.

Dumalo rin ang mga pangunahing partner- stakeholders at main supporters ng Lungsod para sa mga programang ito. Ito ay pagpapahayag ng mas malalim pang pagsuporta at kooperasyon ng LGU Bacoor upang maging tuloy- tuloy ang pag-unlad ng sektor ng pangisdaan kasama sina Regional Director Sammy Malvas ng Department of Agriculture – Bureau of Fisheries and Aquatic Resources Region IV-A, Atty. Paul Sanggalang, Vice President ng Frabelle Fishing Corporation, at Atty. Joseph Literal Assistant General Manager ng Philippine Reclamation Authority.

Ang Fisherfolk Dormitory ay inaasahang magsisilbing malaking tulong at pahingahan para sa ating mga mangingisdang mula pa sa malalayong bayan upang mas maipagpatuloy nila ang kanilang hanapbuhay sa dagat. Isa itong natatanging proyekto bilang kauna-unahang konsepto na naisakatuparan sa buong CALABARZON.

Kasabay nito, malaking biyaya rin ang pamamahagi ng mga fishing paraphernalia na makatutulong upang mabawasan ang gastusin ng ating mga fisherfolk at mas mapalakas ang kanilang kabuhayan.

At higit sa lahat, buong pagmamalaking ipinapaabot ng OAS Bacoor ang nalalapit na pagsisimula ng Catfish Grow-out Facility — isang makabagong proyekto na kauna-unahan sa Cavite at Rehiyon, tungo sa mas progresibo at mas matatag na sektor ng aquaculture at pangisdaan. 🎖️🎖️🎖️

Lubos din ang aming pasasalamat sa mainit na pagtanggap ng Barangay Sinbanali sa pangunguna ni Caridad Sanchez para sa matagumpay na pagsasagawa ng nasabing aktibidad. Maraming salamat po sa inyong suporta at pakikiisa para sa kapakanan ng ating mga fisherfolk at mamamayan.