28/10/2026
Be Your Own BREASTfriend 🎀: Ugaliing magpatingin at magpa-breast cancer screening!
Ayon sa datos ng Global Cancer Observatory (GLOBOCAN), Breast Cancer ang nangungunang kanser sa mga kababaihan sa Pilipinas, pero tumataas nang hanggang 90% ang chance na gumaling ito kapag naagapan at natuklasan agad.
Kaya naman, sundin ang simpleng gabay na ito:
- Buwan-buwan na Breast Self-Exam (BSE): Simula edad 20 pataas, kapain at suriin ang sariling suso sa bahay 3–5 araw pagkatapos ng regla para agad mapansin kung may pagbabago.
- Screening (Walang Sintomas): Kung aged 50–69, magpa-check up sa doktor o magpa-Mammogram tuwing 2 taon. Pero kung high-risk ka (may nanay o kapatid na nagka-breast cancer bago mag-edad 50), magpa-check at Mammogram/Ultrasound taon-taon simula edad 30.
- Early Diagnosis (Kapag May Bukol o Sintomas): Kung edad 30 pababa, buntis, o nagpapadede, diretso agad sa doktor para sa Breast Ultrasound. Kung edad 30 pataas naman, Mammogram (may o walang Ultrasound) ang inirerekomenda.
Paalala: Huwag matakot magpatingin dahil may PhilHealth YAKAP na tutulong sa 'yo!
Bisitahin ang pinakamalapit na Health Center o ang inyong rehistradong PhilHealth YAKAP Clinic para sa libreng konsultasyon at suporta sa mga serbisyong tulad ng Clinical Breast Examination (CBE), Breast Ultrasound, at Mammography.
Para sa karagdagang impormasyon ukol sa suporta at serbisyo sa pangangalaga ng may Cancer, dalawin ang linktr.ee/DOHCancerSupport.