Kakasa Ka Negros Occidental

andum nga mahatagan sila kag ila pamilya sang mas maayo nga kabuhi lakip man ang komunidad nga ila ginapuy-an. ISTRATEHIYA

Hugot nga nagapati ang KAKASA KA nga ang paghatag sang barato kag disenti nga puluy-an sa tagsa ka mangunguma ang nagapanguna nga kinahanglanon agud nga mangin mapag-on ang ila pamilya kag mapasanyog ang kalidad sang bug-os nga komunidad. Ang nahinambitan nga programa mangin isa ka liyabi agud nga mapungan kag mapahagan-hagan ang padayon nga pagsaylo sang mga taga-uma nga magkadto sa ciudad sa diin nagaresulta sang paglala kag pagdamo sang mga Informal Settlers ukon Iskwater kun tawgon. Angut sini, posibli nga mapungan ang padayon nga pagdamo sang tawo sa ciudad kag ma-angkon ang pag-asesnso sang isa ka komunidad nga dala sang pagsaylo sang mga pumuluyo gikan sa uma padulong sa ciudad. Timutuyo man sang KAKASA KA nga mahatagan sang nagakaigo nga solusyon ang mga nahinambitan nga problema, ilabi na pagdamo sang ISFs sa diin sarang sila mahatagan sang maayo, de-kalidad, disenti, matawhay, kag may dignidad nga sahi sang puluy-an kag palangabuhi-an. Subongman, nagapati ang KAKASA KA nga kung maka-angkon sang kaugalingon nga puluy-an ang aton kauturan sa ka-umhan, wala na sa ila magahandum nga magsaylo ukon bayaan ang ila palangabuhi-an sa uma agud gid lang magpasimpalad sa ciudad para mangita sang disenti nga obrahan kag magabaton sang nagakaangay kag mataas nga sweldo. Ang iban pa nga mga programa sang KAKASA KA nagahandum nga ligwaton ang sistema sa pagpanghatag sang duta para puluy-an agud maka-patindog sang kaugalingon
nga balay ilistaran, lakip man paghatag sang iban pa gid nga serbisyo kag programa palangabuy-an agud matigayon nga masabat kag mahatagan kasanag ang nagalala nga problema sang kapigaduhon sa pungsod. Ginalauman sang KAKASA KA nga makatuga sang isa ka komunidad sa diin ang tagsa ka grupo ukon katapo sini may yara sang kapasidad nga mapag-on kag may kapasidad nga makatindog sang ila kaugalingon nga mga tiil agud makabulig sa ginahandum nga pungsodnon nga pag-asenso sang aton nga nasyon. Ini sarang gid lang nga ma-angkon paagi sa pagbinuligay sang nagkalain-lain nga sektor kag ahensya sang gobiyerno, lokal man ukon nasyunal, kag lakip man bulig gikan sa pribado nga kompanya kag sektor sang aton nga pungsod. PAGPABAKOD SANG MGA PUMULUYO PAAGI SA MAKASARANGAN NGA BALAY PULUY-AN PARA SA MGA KATAWHAN SA KABANWAHANAN KAG MGA PROGRMA PALANGABUHI-AN

DE-KALIDAD NGA BALAY PULUY-AN

Ang KAKASA KA nagahandum nga makatuga sang panimalay nga may maayo nga desinyo, suno sa kultura kag mangin preparado sa hinali nga pagkambyo sang klima kag palibot, kag labaw sa tanan may makasarangan nga presyo. Ang mga nahinambitan nga puluy-an may yara sang kaugalingon nga enerhiya, matinlo nga palibot, kag maga-gamit sang masaligan nga materyales

NAGAKADAPAT NGA PALANGABUHI-AN

Priyuridad sang KAKASA KA nga maka-tigayon sang programa palangabuhi-an kun sa diin may yara sang malapit kag permanenti nga lugar agud nga igatukod ang narisari nga proyekto. Ang mga programa palangabuhi-an magahatag sang kasulhayan gikan sa kapigaduhon nga pagpangabuhi pinaagi sa pagpataas sang produksyon, gagmay nga negosyo kag paghatag sang bili sa abilidad ukon talento, kag oprtunidad sang tagsa ka tawo. PAMAAGI

Ang aton nga pamaagi amu pagpaghugpong sang pwersa sang gobiyerno, pribado nga sektor kag programa palangabuhi-an agud nga mapabaskog ang ila nga komunidad paagi sa insakto nga paggamit sang teknolohiya, pagtuga sang pamaagi agud nga makatipon sang pundo, suporta sa palangabuhi-an kag iban pa nga bulig nga mga programa pang-ekonomiya nga ginalakipan sang mga masunod:

1. Magpasar sang layi nga makahatag sang nagakaigo nga pondo para sa pigado nga pamilya agud nga makapatukod sang kaugalingo nga puluy-an;

3. Mapabugal kag madasig nga pagpasaylo sang mga ISFs ukon Informal Settlers ukon iskwater nga mga pumuluyo sa maayo kag nagakangay nga pasilidad puluy-an;
4. Paghatag sang libre nga suhestiyon agud sa pagpatindog sang pumuly-an para sa mga kubos nga katawhan;
5. Inganyuhon ang mga pridado nga kompanya konstruksyon, mga baligyaan kag kontratista ukon negosyante nga makahimo sang lihok agud nga mabuligan pila sa mga kauturan naton nga nagakinahanglan sang daku nga bulig pinansyal;
6. Makig-angut sa lokal nga gobiyerbo, kumbuyuhan kag pila ka mga organisasyon agud mapasanyog ang pangabuhi sang aton kauturan sa kaumhan. PLANO PANG LEHISLATURA

Ang mga masunod pila sa mga plataporma pang lehislatura nga igaduso sang KAKASA KA sa Kongreso:

1. Layi agud makatuga sang National Housing Trust Fund

Ang National Housing Trust Fund isa ka programa agud nga maka-angkon sang desenti, matinlo, kag matawhay nga balay puluy-an ang tagsa ka kubos naton nga kauturan kun sa diin ila nga masarangan nga ma-angkon bangud sang makasarangan ukon barato nga presyo sang duta kag ilistaran.

2. Layi agud mahatagan sang kasiguruhan nga maka-angkon sang kaugalingon nga duta ang kubos nga mangunguma

Ang nahinambitan nga layi nagalaum nga mahalugan ang mga mekanismo kag regulasyon nga basihan sang gobiyerno kag mga bangko agud nga makapanag-iya sang duta ang isa ka kubos ukon pigado nga miyembro sang sosyudad.

3. National Land Act (NLUA)

Ang layi nga magasulbar sang nagkalaian-lain nga sistema sa pag-angkon sang duta. Ang isa ka komprehensibo nga pamaagi agud gamiton sang insakto ang duta kag tubig. Bangud sang nagkalain-lain nga layi sa duta kasubong sang Urban Development Housing Act (UDHA), Indigenous People’s Rights Act, Comprehensive Agrarian Reform Law, Agriculture and Fisheries Modernization Act, kag ang Fisheries Code. Bangud sang nagkalain-lain nga ginapatikang nga layi ginapatihan nga wala sang insakto ukon nagakaangay nga implementasyon ang paggamit sang duta. Angut sini, kinahanglan nga idsuo sa Kongreso ang NLUA agud nga masulbar ang problema kag pila sa mga kakulangan kag magpagwa sang isa ka Executive Order may kaangtanan sini.

4. Layi nga maghatag sang proteksyon sa mga Informal Sector

Ini nga layi nagalaum nga makahatag sang listahan sa pila ka mga programa nga para gid sa kubos naton nga kauturan sa diin ginalakipan ini sang paghatag proteksyo, seguridad, bulig sa ikaayong lawas, kag makahanas agud nga mabuligan kag solusyunan ang madugay na nga nagalala nga problema sang pigado nga kauturan nga wala sang kaugalingon nga puluy-an ukon iskwater naton nga kauturan. Ginapatihan nga ini nga layi, isa ka daku nga bulig agud mapabakod kag mahatgan sang tyansa nga mag-asenso pangkabuhi sang mangunguma, manug-isda,trabahador, magagmay nga negosyante, trisikad driver, kag iban pa nga mga palangitaan sang pila naton ka mga kubos nga miyembro sang aton komunidad.

5. Pagpatindog sang Lokal nga Housing Board

Ang ini nga layi nagalaum nga makapatindog sang Housing Board sa kada komunidad nga sya magasiguro sa pagtuga kag pag implementar sang programa sa balay puluy-an. Ipasiguru man ang palarehas kag nagakaangay nga partisipasyon sang tanan nga kumbuyuhan kag tanan nga apektado nga sektor nga may kaangatanan sa programa sang balay ilistaran sang lokal nga gobiyerno.

6. De Kalidad nga Paghanas kag Edukasyon sang mga Taga-Banwa

Timutuyo sang sini nga lihok nga bag-uhon ang Alternative Learning System nga nakabase sa tagsa ka komunidad, ang programa sa diin ang Department of Education upod sa pribado nga sektor nga makadesinyo sang lihok nga mahatagan sang tyansa mga kabataan nga wala naga eskwela sa diin makatapos nga wala sang gastuhon ang ila mga ginikanan.