Domingo Teñoso Abliter

23/10/2026

Bago matapos ang araw na ito na sinimulan ko sa pakikibahagi sa ating mga senior citizen. Ako naman ay dali-daling dumalo sa espesyal na araw na ito upang tanggaping ang parangal ng LGU Balatan.

Ngayon, ang mga pagsisikap ng LGU Balatan ay kinikilala ng DILG Region V sa pamamagitan ng mga sumusunod na parangal:

MAJOR AWARD: Outstanding LGU in Reinforcing Resilient Communities
MINOR AWARD: Exemplary LGU in Child-Friendly Governance

Lalong makabuluhan ang pagkilalang ito dahil sariwa pa rin sa ating alaala ang mga hamong pinagdaanan ng Balatan noong Bagyong Kristine. Ang major award ay hindi lamang isang tropeo o sertipiko isa itong paalala na sa kabila ng mga unos na ating hinarap, patuloy tayong nagsisikap na maging mas handa, mas matatag, at mas ligtas para sa bawat pamilyang Balatenyo.

Taos-pusong pasasalamat sa mga sumusunod:
Sa DILG Balatan sa pangunguna ni
-LGOO VI -Ma. Maila Q. Nierva
-Municipal Disaster Risk Reduction and Management Office (MDRRMO)
-Lahat ng Barangay
-frontliners, staffs, at lahat ng kawani ng LGU na naging bahagi ng ating pagsisikap. Ang pagkilalang ito ay hindi tagumpay ng iisang tanggapan o tao lamang, kundi bunga ng sama-samang pagkilos at malasakit para sa ating bayan.

23/10/2026

Sa pag diriwang ng Elderly Filipino Week 2026, nagkaloob ang LGU Balatan ng mga regalo at wheelchairs bilang pagpapakita ng pagmamahal, malasakit, at suporta sa ating mga nakatatanda.

Taos-puso akong nagpapasalamat sa DSWD Field Office V, sa pangunguna ni Ms. Charmaine B. Biron, Sa SB members lalo na sa Committee on Senior Citizens, sa ating Guest Speaker na si Atty. Domingo R. Saldo Jr., kay Ms. Maricor DS. Baluis, RSW, MSWDO Head, kay Mr. Bernardo G. Mediado, OSCA Head, at sa buong MSWDO staff sa kanilang tulong at dedikasyon upang maging matagumpay ang programang ito.

Sa ating mga Lolo at Lola, patuloy po nating isusulong ang serbisyong para sainyo. Mabuhay ang ating mga Senior Citizens!

📸 MSWDO Balatan

22/10/2026

Isa sa mga pinakamasayang bahagi ng ating pagseserbisyo ay ang mga pagkakataong hindi lang tayo nakakapaglingkod, kundi nakakasama rin natin ang ating mga kababayan sa mga simpleng sandali ng kasiyahan.

Masayang-masaya akong nakasama ang mga estudyante, g**o, at mga magulang ng Coguit Elementary School sa kanilang Induction Ceremony! At siyempre, hindi rin nagpahuli ang ating mga game na game na Municipal Councilors ng Balatan na buong-buong nakisabay sa sayawan!

Minsan, hindi kailangan ng mahabang programa o pormal na talumpati para makabuo ng magagandang alaala. Sapat na ang sama-samang tawanan, sayawan, at oras na inilalaan natin sa isa't isa.

Dahil para sa akin, ang tunay na diwa ng pamumuno ay hindi lang nakikita sa mga proyektong ating ginagawa, kundi pati sa pakikipagkapwa, pakikiisa, at pagiging malapit sa ating mga kababayan.

Maraming salamat, Coguit Elementary School, sa mainit na pagtanggap! Patuloy tayong magkaisa para sa isang Balatan na hindi lang patuloy na umuunlad, kundi mas masaya at mas nagkakaisa rin. ♥️

17/10/2026

May mga tagumpay na higit pa sa mga parangal—mga pagkilalang nagpapatunay na ang bawat pagsisikap, tamang pagpaplano, at tapat na paglilingkod ay may tunay na kabuluhan para sa ating mga kababayan.

Buong puso at pagpapakumbaba nating ipinagdiriwang, mga minamahal na Balateños, ang panibagong karangalan ng ating bayan! Kinilala ang Municipality of Balatan sa tatlong mahahalagang larangan ng lokal na pamamahala:

🏆 OUTSTANDING LGU IN REINFORCING RESILIENT COMMUNITIES

🥇 EXEMPLARY LGU IN CHILD-FRIENDLY GOVERNANCE

🥇 EXEMPLARY LGU IN LOCAL DEVELOPMENT PLANNING

Ang mga pagkilalang ito ay sumasalamin sa ating patuloy na pagsisikap na bumuo ng isang pamayanang matatag sa harap ng mga hamon, nagbibigay-halaga sa kapakanan at kinabukasan ng ating mga kabataan, at may malinaw na direksyon tungo sa mas maayos at pangmatagalang pag-unlad.

Ngunit higit sa mga parangal, ang tunay na tagumpay ay nasusukat sa pagkakaisa ng ating mga mamamayan at sa mga pagbabagong sama-sama nating naisasakatuparan. Ang isang matatag na komunidad ay nagsisimula sa mga taong handang magtulungan, makinig sa isa't isa, at kumilos para sa kabutihang panlahat.

Taos-puso ang ating pasasalamat sa mga kawani ng ating lokal na pamahalaan, mga opisyal ng barangay, mga katuwang na ahensya, at sa bawat Balateñong naging bahagi ng mga pagsisikap na ito. Ang karangalang ito ay hindi lamang para sa iilan—ito ay para sa buong Balatan, para sa bawat mamamayang nagmamalasakit at patuloy na naniniwala sa kakayahan ng ating bayan na umunlad.

Ngayon, higit kailanman, panahon na upang lalo nating patatagin ang ating pagkakaisa! Isantabi natin ang anumang pagkakaiba na humahadlang sa ating pag-unlad at ituon ang ating lakas sa iisang layunin: ang makabuo ng isang Balatan na mas matatag, mas ligtas, mas maunlad, at may pantay na oportunidad para sa lahat.

Nasa ating sama-samang pagkilos ang tunay na lakas ng ating bayan. Kapag ang pamahalaan at mamamayan ay nagkakaisa, walang hamon na hindi kayang harapin at walang pangarap para sa Balatan na hindi kayang pagsikapan. Ang bawat isa sa atin ay may mahalagang papel sa paghubog ng kinabukasan ng ating komunidad.

Magkaisa tayo. Magtulungan tayo.
Sama-sama nating itaguyod ang isang Balatan na maipagmamalaki ng kasalukuyan at ng mga susunod na henerasyon! Huwag nating hayaang ang mga parangal na ito ang maging katapusan ng ating pagsisikap—gawin natin itong panibagong simula ng mas matibay na pagkakaisa at mas makabuluhang paglilingkod.

Dios Mabalos saindo gabos! Padagos kita sa pag asenso, Balatan!
ISANG BALATAN, ISANG LAYUNIN, ISANG KINABUKASAN!

15/10/2026

Hindi pala talaga madali ang maging Mayor. May mga araw na nakakapagod, may mga pagkakataong mabigat ang mga desisyon, at may mga responsibilidad na hindi basta-basta. Pero sa mga sandaling tulad nito, kapag nakikita ko ang mga ngiti ng mga bata at ang saya sa kanilang mga mata, parang napapalitan ng gaan ang lahat ng pagod.

Mga simpleng sandali lang, pero napakalaki ng epekto sa akin. Sila ang nagpapaalala kung bakit ko pinipiling magpatuloy, kung bakit kailangan kong maging matatag, at kung bakit hindi ako dapat mapagod na gawin ang mga bagay na makakabuti sa ating bayan.

Kaya grabe ang pagsisikap ko na magawa ang mga dapat gawin para sa Balatan. Dahil sa tuwing naiisip ko ang kinabukasan ng mga batang ito, mas lalo kong nararamdaman ang responsibilidad na ibigay sa kanila ang isang bayang mas maunlad, mas maayos, at mas maraming oportunidad.

Maaaring hindi nila lubos na nauunawaan ngayon ang lahat ng ginagawa natin, pero darating ang araw na sila ang makikinabang sa mga pagsisikap na sinisimulan natin ngayon.

Para sa akin, hindi lang ito tungkol sa pagiging Mayor. Tungkol ito sa kinabukasan ng mga batang ito, sa pangarap ng bawat pamilyang Balateño, at sa Balatan na nais nating iwan para sa susunod na henerasyon.

Kaya kahit mahirap, kahit nakakapagod, tuloy lang. Dahil sa mga sandaling tulad nito, mas lalo kong naaalala kung bakit ko piniling maglingkod. ❤️

12/10/2026

🛒✨ MALAPIT NA, BALATAN! ANG LCC SUPERMARKET AY PAPARATING NA! 💚🎉

Unti-unti nang nahuhubog ang panibagong establishment sa ating bayan! Abangan ang pagbubukas ng LCC Supermarket Balatan, na inaasahang magbibigay ng mas maginhawang pamimili at dagdag na oportunidad para sa ating mga kababayan.

Taos-pusong pasasalamat sa Liberty Commercial Center, Inc. (LCC) sa tiwala at sa pagpiling itayo ang kanilang supermarket dito sa ating minamahal na bayan ng Balatan.

Ang pagdating ng LCC Supermarket ay isa na namang hakbang tungo sa mas masiglang komersiyo at mas maunlad na Balatan. Sama-sama nating suportahan ang mga negosyong nagbibigay ng bagong oportunidad para sa ating bayan!

11/10/2026

ISANG KARANGALAN NA MULING NAGPAPATIBAY SA ATING PANININDIGAN PARA SA SERBISYONG MAY PUSO AT PANANAGUTAN!

Lubos po ang aking pasasalamat sa Gawad Pilipino at EUROTV News sa pagkakapili sa akin bilang opisyal na nominado para sa "Media People's Choice Awards 2026" sa kategoryang Top Performing, Most Trusted Municipal Mayor.

Ang pagkilalang ito ay hindi lamang tungkol sa isang tao, kundi tungkol sa bawat Balataneong patuloy na nagtitiwala, nakikiisa, at nagiging katuwang natin sa pagsusulong ng pagbabago at kaunlaran ng ating bayan.

Mula sa simula ng ating panunungkulan, nananatiling malinaw ang aking paninindigan: ang pamumuno ay hindi nasusukat sa dami ng pangako, kundi sa tapat na paglilingkod, konkretong pagkilos, malasakit sa kapwa, at kahandaang managot sa bawat tungkuling ipinagkatiwala sa atin.

Alam kong marami pa tayong kailangang gawin. Marami pang hamon ang dapat harapin at maraming pangarap ang dapat sabay-sabay nating abutin. Kaya ang nominasyong ito ay hindi dahilan upang tayo ay makuntento, kundi isang paalala na lalo pa nating pagbutihin ang ating paglilingkod.

Ang tunay na tiwala ng mamamayan ay hindi hinihingi... ito ay pinatutunayan araw-araw sa pamamagitan ng gawa, integridad, at malasakit.

Sa aking mga kababayan, sa mga kawani ng ating Pamahalaang Bayan, sa mga katuwang nating lider at organisasyon, at sa lahat ng patuloy na sumusuporta sa ating mga programa, maraming-maraming salamat po.

Ang anumang pagkilala ay mas nagiging makabuluhan kapag ito ay bunga ng sama-samang pagkilos para sa ikabubuti ng nakararami.

Patuloy po tayong magtulungan, magkaisa, at maglingkod nang buong puso para sa isang mas maunlad, mas maayos, at mas mapagkalingang Bayan ng Balatan.

Dios mabalos!

07/10/2026

Happy Birthday Dr. Mario C. Villanueva from LGU Balatan 🎉🎂

𝐇𝐀𝐏𝐏𝐘 𝐁𝐈𝐑𝐓𝐇𝐃𝐀𝐘 𝐓𝐎 𝐓𝐇𝐄 𝐍𝐂𝐅 𝐊𝐈𝐍𝐆 𝐓𝐈𝐆𝐄𝐑 𝐀𝐍𝐃 𝐆𝐍𝐍 𝐓𝐕𝟒𝟖 𝐍𝐀𝐆𝐀 𝐌𝐀𝐍𝐀𝐆𝐈𝐍𝐆 𝐃𝐈𝐑𝐄𝐂𝐓𝐎𝐑, 𝐃𝐑. 𝐌𝐀𝐑𝐈𝐎 𝐂. 𝐕𝐈𝐋𝐋𝐀𝐍𝐔𝐄𝐕𝐀! 🎉🐯

From all of us at GNN TV48 Naga and Oragon Sports TV, we wish you good health and more blessings.

Thank you for your unwavering dedication and service, Sir Mario! Enjoy your special day!

05/10/2026

Bago matapos ang araw na ito, nais ko pong ipaabot ang aking taos-pusong pasasalamat sa mga miyembro ng Sangguniang Bayan, sa pangunguna ni Vice Mayor Leonardo “Jhun” Narito Jr. at sa Office of the Secretary to the Sangguniang Bayan, sa inyong pagbisita at pakikiramay sa aming pamilya sa pagpanaw ng aking mother-in-law.

Sa gitna ng aming lungkot at pangungulila, malaking bagay po sa amin ang inyong paglalaan ng oras upang dalawin at damayan kami. Tunay pong nakagaan sa aming puso ang inyong presensya at malasakit.

Maraming salamat po, Vice Mayor Jhun, sa buong Sangguniang Bayan at sa OSSB. Lubos naming pinahahalagahan ang inyong pagdamay at kabutihan sa aming pamilya.

05/10/2026

Happiest Birthday Sir Julio Victor Marlo D. Ceguera 🎉🎂
Greetings from LGU Balatan

Today, we greet with the warmest of felicitations, a key figure in our institution. This person does more than simply keep things running smoothly; to continuously improve things and make the CTC community better.

Happy Birthday to our School President,
𝗠𝗥. 𝗝𝗨𝗟𝗜𝗢 𝗩𝗜𝗖𝗧𝗢𝗥 𝗠𝗔𝗥𝗟𝗢 𝗗. 𝗖𝗘𝗚𝗨𝗘𝗥𝗔!

Sir Marlo, you are a beacon of light in this institution, and we are beyond grateful to have you. Your exceptional leadership and genuine kindness continue to inspire both your employees and students. You have a remarkable way of bringing warmth and positivity to everyone around you.

May your birthday be filled with joy and unforgettable moments and may every day that follows begin and end with love, peace, and fulfillment.

Happy Birthday, Sir Marlo! Wishing you many more years of happiness, success, and meaningful milestones ahead.