11/09/2026
๐๐๐๐๐๐๐๐๐๐๐๐๐ ๐๐๐๐๐๐๐๐๐๐๐๐: ๐๐๐๐๐๐๐ ๐๐๐๐ ๐๐๐๐ ๐๐๐๐๐๐๐๐, ๐๐๐๐๐๐๐๐๐ ๐๐ ๐๐๐๐๐๐๐
BALAYAN, BATANGAS | Setyembre 10โ11, 2026 โ Sa patuloy na suporta ng Pamahalaang Bayan ng Balayan sa pangunguna ni Mayor Lisa Ermita, isinagawa ang Entomological Surveillance: Carabao Bait Trap Activity sa Barangay Sambat Balayan, Batangas.
Pinangunahan ito ni Ginang Rosanna Macaraig mula sa Provincial Health Office, katuwang si Ginang Zenaida Ocampo ng Environmental Health and Sanitation โ Balayan, kasama ang mga entomologist mula sa ibaโt ibang LGU ng lalawigan.
Layunin ng aktibidad na patuloy na matukoy at masubaybayan ang presensya ng mga lamok na maaaring magdulot ng dengue at iba pang vector-borne diseases. Bahagi rin nito ang pagpapalakas ng kaalaman ng komunidad tungkol sa mga paraan ng pag-iwas at pagkontrol sa pagdami ng lamok.
Bilang bahagi ng aktibidad, nagsagawa rin ng community assembly at dengue awareness lecture para sa mga residente ng Barangay Sambat. Tinalakay dito ang kahalagahan ng pagpapanatili ng malinis na kapaligiran, pag-iwas sa mga lugar na maaaring pamugaran ng lamok, at agarang pagkonsulta kapag nakararanas ng mga sintomas ng dengue.
Namahagi rin ng Information, Education, and Communication (IEC) materials at long-lasting insecticide-treated bed nets bilang dagdag na proteksiyon sa mga pamilya laban sa kagat ng lamok.
Taos-pusong pasasalamat sa Sangguniang Barangay ng Sambat, sa pangunguna ni Ginoong John Paul H. Alday, sa kanilang aktibong pagtanggap, pakikiisa, at pakikilahok sa isinagawang aktibidad. Ang kanilang suporta at pakikipagtulungan ay mahalagang bahagi sa pagpapatibay ng mga hakbang para sa dengue prevention at pagkontrol sa mga vector-borne diseases sa komunidad.
Sa pamamagitan ng surveillance, edukasyon, at sama-samang pagkilos, patuloy nating pinapalakas ang kakayahan ng komunidad na makaiwas at makapaghanda laban sa dengue at iba pang vector-borne diseases.
Sama-sama para sa mas ligtas at mas malusog na Balayan!
#๐๐๐๐ข๐ก๐๐๐๐๐๐ฌ๐๐ก
