09/11/2026
๐๐๐๐๐๐๐๐๐๐ ๐๐๐๐๐๐๐ ๐๐ ๐๐๐ ๐๐๐๐๐๐๐๐๐ ๐๐ ๐๐๐๐๐ ๐๐๐๐๐๐๐๐๐ ๐๐๐ ๐๐๐๐๐๐๐๐ ๐๐๐๐๐๐๐๐ ๐๐๐๐๐๐ ๐๐๐๐๐๐๐๐๐๐ ๐๐๐๐!
Malipayon nga gidawat sa Local Government Unit of Balingoan, kauban ang DepEd Balingoan District, ang mga miyembro sa National Literacy Awards (NLA) Evaluators and Secretariat, lakip ang DepEd Regional Office X (DepEd R10) alang sa pagpahigayon sa onsite evaluation sa Munisipyo sa Balingoan isip usa sa mga National Finalists sa 2026 National Literacy Awards ubos sa 4thโ5th Class Municipality Category.
Kini nga kalihokan usa ka importante nga higayon aron mapakita ang nagkadaiyang programa ug inisyatibo sa atong lungsod nga nagtumong sa pagpalambo sa kahibalo, kahanas, ug kapasidad sa matag Balingoanong lumulupyo.
Ang atong mga programa naglangkob dili lamang sa pagbasa ug pagsulat, kondili usab sa nagkadaiyang aspeto sa kinabuhi sama sa Education Literacy, Livelihood Literacy, Health Literacy, Financial Literacy, Leadership Literacy, Family Literacy, Environmental Literacy, ug uban pang mga programa nga naghatag og kahibalo ug praktikal nga kahanas aron mas maandam ang komunidad sa pag-atubang sa ilang adlaw-adlaw nga panginahanglan.
Atol sa onsite evaluation, susihon ug i-validate sa evaluation team ang atong Means of Verification (MOVs), mga programa, kalihokan, nahimong mga kalampusan, maayong pamaagi sa pagpatuman, ug uban pang dokumento nga nagpakita sa aktuwal nga pagpatuman ug epekto sa atong mga programa sa nagkadaiyang sektor sa komunidad.
Ang maong kalampusan resulta sa panaghiusa ug panagtinabangay sa LGU Balingoan, DepEd, mga national government agencies, barangays, eskwelahan, pribadong sektor, ug mga partner organizations nga padayon nga nagpalig-on sa kultura sa pagkat-on sa atong lungsod.
Kay sa Balingoan, ang literacy dili lamang kutob sa pagbasa ug pagsulatโkini mao ang paghatag og kahibalo, kahanas, ug oportunidad aron mapalambo ang kinabuhi sa matag usa.
Usa ka Munisipyo. Usa ka Panaghiusa. Alang sa Mas Maalamon ug Mauswagong Balingoan!