DAR Bulacan

Sa paggunita ng Philippine National Flag Day, muling pinagtitibay ng DAR ang pagmamahal sa bayan at pagkakaisa bilang mga Pilipino.

Ginugunita ang araw na ito bilang pag-alala sa unang pagwagayway ng watawat ng Pilipinas matapos ang tagumpay sa Labanan sa Alapan noong 1898. Bahagi ito ng “National Flag Days” mula Mayo 28 hanggang Hunyo 12, kasabay ng pagdiriwang ng Araw ng Kalayaan.

Nawa’y magsilbing simbolo ang ating pambansang watawat ng katatagan, sakripisyo, at kabayanihang Pilipino tungo sa mas maunlad at makatarungang lipunan para sa lahat.



Follow us: https://twitter.com/dargovph http://instagram.com/dargovph https://www.tiktok.com/ https://www.youtube.com/c/dargovph1

Malugod na nakikiisa ang DAR sa ating mga kapatid na Muslim sa pagdiriwang ng Eid al-Adha o Feast of Sacrifice.

Nawa’y magsilbing inspirasyon ang diwa ng pananampalataya, sakripisyo, at malasakit sa kapwa upang lalo pang mapagtibay ang pagkakaisa, kapayapaan, at pag-unlad ng ating mga komunidad.

Eid Mubarak sa inyong lahat!



Follow us: https://twitter.com/dargovph http://instagram.com/dargovph https://www.tiktok.com/ https://www.youtube.com/c/dargov

𝗣𝗔𝗚𝗟𝗔𝗬𝗔 𝗦𝗔 𝗣𝗔𝗦𝗔𝗡𝗜𝗡𝗚 𝗨𝗧𝗔𝗡𝗚: 𝗕𝗔𝗚𝗢𝗡𝗚 𝗨𝗠𝗔𝗚𝗔 𝗣𝗔𝗥𝗔 𝗦𝗔 𝗠𝗚𝗔 𝗠𝗔𝗚𝗦𝗔𝗦𝗔𝗞𝗔 𝗡𝗚 𝗕𝗨𝗟𝗔𝗖𝗔𝗡

𝗦𝗮𝗻 𝗠𝗶𝗴𝘂𝗲𝗹, 𝗕𝘂𝗹𝗮𝗰𝗮𝗻—Sa bawat lupang matagal na binungkal ng pawis at pag-asa, may kwento ng sakripisyo ang bawat magsasaka—mga panahong ang pangarap na tuluyang maangkin ang lupang sinasaka ay tila nananatiling malayo dahil sa pasaning utang. Ngunit ngayong ika-14 ng Mayo 2026, isang bagong yugto ng kalayaan at pag-asa ang opisyal na binuksan para sa walumpung (80) Agrarian Reform Beneficiaries ng Bulacan.

Sa isang makabuluhang seremonya sa Brgy. Sibul, San Miguel, Bulacan, ipinamahagi ng Department of Agrarian Reform (DAR) Bulacan ang 𝗖𝗲𝗿𝘁𝗶𝗳𝗶𝗰𝗮𝘁𝗲𝘀 𝗼𝗳 𝗖𝗼𝗻𝗱𝗼𝗻𝗮𝘁𝗶𝗼𝗻 𝘄𝗶𝘁𝗵 𝗥𝗲𝗹𝗲𝗮𝘀𝗲 𝗼𝗳 𝗠𝗼𝗿𝘁𝗴𝗮𝗴𝗲 (𝗖𝗢𝗖𝗥𝗢𝗠)—mga dokumentong hindi lamang sumisimbolo sa pagbura ng utang, kundi nagsisilbing susi tungo sa tunay na pagmamay-ari ng lupa at mas matiwasay na kinabukasan para sa mga magsasaka.

Sa ilalim ng pamumuno ni 𝗣𝗔𝗥𝗣𝗢 𝗜𝗜 𝗔𝗻𝘁𝗼𝗻𝗶𝗼 𝗕. 𝗦𝗮𝗻𝗰𝗵𝗲𝘇, matagumpay na naipagkaloob ang kabuuang 𝘄𝗮𝗹𝘂𝗺𝗽𝘂’𝘁 𝗽𝗶𝘁𝗼𝗻𝗴 (𝟴𝟳) 𝗖𝗢𝗖𝗥𝗢𝗠 𝗻𝗮 𝘀𝘂𝗺𝗮𝘀𝗮𝗸𝗹𝗮𝘆 𝘀𝗮 𝟮𝟰𝟱.𝟲𝟬𝟭𝟵 𝗲𝗸𝘁𝗮𝗿𝘆𝗮 ng lupang agrikultural. Higit pa rito, ₱𝟮𝟴,𝟱𝟵𝟮,𝟴𝟳𝟲.𝟳𝟰 𝗮𝗻𝗴 𝗸𝗮𝗯𝘂𝘂𝗮𝗻𝗴 𝗵𝗮𝗹𝗮𝗴𝗮𝗻𝗴 𝗻𝗮-𝗰𝗼𝗻𝗱𝗼𝗻𝗲 𝘀𝗮 𝗶𝗹𝗮𝗹𝗶𝗺 𝗻𝗴 𝗽𝗿𝗼𝗴𝗿𝗮𝗺𝗮—isang napakalaking ginhawa para sa mga benepisyaryong matagal ding nagdala ng obligasyong pinansyal habang patuloy na nagsisikap na buhayin ang kanilang mga pamilya.

Kabilang sa mga nakinabang ay 𝗮𝗻𝗶𝗺𝗻𝗮𝗽𝘂’𝘁 𝘁𝗮𝘁𝗹𝗼𝗻𝗴 (𝟲𝟯) 𝗸𝗮𝗹𝗮𝗹𝗮𝗸𝗶𝗵𝗮𝗻 𝗮𝘁 𝗹𝗮𝗯𝗶𝗺𝗽𝗶𝘁𝗼𝗻𝗴 (𝟭𝟳) 𝗸𝗮𝗯𝗮𝗯𝗮𝗶𝗵𝗮𝗻𝗴 𝗺𝗮𝗴𝘀𝗮𝘀𝗮𝗸𝗮 𝗺𝘂𝗹𝗮 𝘀𝗮 𝗶𝗯𝗮’𝘁 𝗶𝗯𝗮𝗻𝗴 𝗯𝗮𝘆𝗮𝗻 𝗻𝗴 𝗕𝘂𝗹𝗮𝗰𝗮𝗻. Pinakamarami sa mga tumanggap ay mula sa bayan ng San Miguel, na may 63 COCROM para sa 56 ARBs. Sinundan ito ng San Jose Del Monte na may 14 na benepisyaryo, habang nakatanggap din ang mga magsasaka mula sa San Ildefonso, Doña Remedios Trinidad (DRT), Balagtas, at Calumpit.

Para sa maraming ARBs, ang pagtanggap ng COCROM ay higit pa sa simpleng documento. Isa itong pagkilala sa kanilang mahabang pakikibaka—mga panahong ang kanilang kabuhayan ay nakaangkla sa lupang kanilang inaararo ngunit hindi pa ganap na maituturing na kanila. Ngayon, sa ilalim ng 𝗥𝗲𝗽𝘂𝗯𝗹𝗶𝗰 𝗔𝗰𝘁 𝟭𝟭𝟵𝟱𝟯 𝗼 𝗡𝗲𝘄 𝗔𝗴𝗿𝗮𝗿𝗶𝗮𝗻 𝗘𝗺𝗮𝗻𝗰𝗶𝗽𝗮𝘁𝗶𝗼𝗻 𝗔𝗰𝘁, mas napalakas ang pangako ng pamahalaan na tuluyang palayain ang mga benepisyaryo mula sa pagkakautang at tiyaking ang lupang kanilang pinagyayaman ay magiging ganap nilang pag-aari, may “zero balance” at may kasamang dignidad at seguridad.

“Hindi na po namin poproblemahin yung pagkakautang kasi puhunan nalang ang kailangan naming igayak para makapagsaka nang maayos, mas lumuwag na ang aming pangkabuhayan. Maraming maraming salamat po,” ani Rolando Francisco, isang magsasaka na nakatanggap ng COCROM.

Hinikayat naman ni 𝗣𝗔𝗥𝗣𝗢 𝗜 𝗠𝗮𝗿𝗶𝗲 𝗟𝗼𝘂𝗶𝗲 𝗣. 𝗖𝗮𝗯𝗮𝗻𝘁𝗮𝗰 ang mga benepisyaryo na umanib sa mga 𝗔𝗴𝗿𝗮𝗿𝗶𝗮𝗻 𝗥𝗲𝗳𝗼𝗿𝗺 𝗕𝗲𝗻𝗲𝗳𝗶𝗰𝗶𝗮𝗿𝗶𝗲𝘀 𝗢𝗿𝗴𝗮𝗻𝗶𝘇𝗮𝘁𝗶𝗼𝗻 (𝗔𝗥𝗕𝗢) bilang pagdidiin na hindi lamang sa pamamahagi ng COCROM natatapos ang pagtulong ng DAR. “Mayroon pa kaming mga support services na maitutulong sa inyo, kagaya ng pagbibigay ng mga farm machineries at tulong pinansyal sa mga ARBs,” aniya.

Dinaluhan din ang nasabing programa ng mga opisyal ng DAR Bulacan kabilang sina CARPO Isabel S. Azurin, CARPO Artemio S. Tomacruz Jr., PCAO Ma. Theresa R. Rodriguez, MARPO Rodel V. Eguia, SARPT Maria Antonette C. Flores, ARPO I Eunice Ara Fatima Dela Cruz, ARPT Nikko Louis A. Gandeza, ARPT Daniel M. Pasubillo, at PARCCOM Presiding Chair Noel D. Miranda.

Sa pagtatapos ng programa, hindi lamang mga dokumento ang tangan ng mga benepisyaryo kundi panibagong pag-asa—pag-asang ang mga susunod na ani ay hindi na nakatali sa utang, kundi bunga na ng tunay na kalayaan at pag-unlad.

𝗦𝗮 𝗕𝘂𝗹𝗮𝗰𝗮𝗻, 𝗸𝗮𝗺𝗶 𝗮𝘆 𝘀𝗮𝗺𝗮-𝘀𝗮𝗺𝗮, 𝗮𝗻𝗴 𝗺𝗮𝗴𝘀𝗮𝘀𝗮𝗸𝗮 𝗮𝗻𝗴 𝗹𝗮𝗴𝗶𝗻𝗴 𝗯𝗶𝗱𝗮!

Maligayang Araw ng mga Ina!

Saludo ang DAR sa lahat ng ilaw ng tahanan na patuloy na nagsisilbing inspirasyon ng pagmamahal, sakripisyo, at katatagan para sa pamilya at komunidad.

Maraming salamat sa inyong walang sawang pag-aaruga at pagmamahal.



Follow us: https://twitter.com/dargovph http://instagram.com/dargovph https://www.tiktok.com/ https://www.youtube.com/c/dargovph1