UNLAD Kabataan - Brgy. Concepcion

𝟏𝐬𝐭 𝐊𝐀𝐓𝐈𝐏𝐔𝐍𝐀𝐍 𝐍𝐆 𝐊𝐀𝐁𝐀𝐓𝐀𝐀𝐍 𝐀𝐒𝐒𝐄𝐌𝐁𝐋𝐘

What's up, kabataan ng Brgy. Concepcion!
Ang lahat po ng kabataan sa ating barangay ay malugod na inaanyayahan ng Sangguniang Kabataan ng Concepcion para sa kauna-unahang 𝐊𝐊 𝐀𝐬𝐬𝐞𝐦𝐛𝐥𝐲 sa ating barangay.

Kasabay na din dito ang pagbibigay parangal para sa mga natatanging kabataan ng ating barangay na nagkamit ng tagumpay sa iba't-ibang larangan.

Registration for KK Assembly starts at 5:00 PM.

𝑺𝑲 𝒀𝑬𝑨𝑹 𝑬𝑵𝑫 𝑹𝑬𝑷𝑶𝑹𝑻

Sa loob ng halos isa at kalahating buwan nating panunungkulan sa Sangguniang Kabataan, nakapaglungsad na tayo ng iba't ibang programa at aktibidades na nagpasaya at napakinabangan ng ating mga ka-barangay.

-FREE PRINTING SERVICE (no printing limit)
-Concepcion Got Talent at Tawag ng Tanghalan
-December League 2023
-TESDA Scholarship

Nais din po naming ipaalam na hanggang sa ngayon ay hindi pa tayo nakapaglalabas ng pondo mula sa SK. Karamihan po sa ginagamit nating pondo upang matustusan ang mga programang ito ay mula sa mga sponsorships, solicitations, at sa abono ng inyong lingkod.

Asahan niyo po ang mas aktibo, mas masigla, at mas maUNLAD na Sangguniang Kabataan sa taong 2024 sa Barangay Concepcion.

Maraming salamat po!

Mga ka-UNLAD! Halina't ating suportahan ang bagong pamunuan ng Sangguniang Kabataan ng Barangay Concepcion. 💙💛

𝐔𝐍𝐋𝐀𝐃 𝐊𝐚𝐛𝐚𝐭𝐚𝐚𝐧 - 𝐓𝐞𝐚𝐦 𝐉𝐞𝐫𝐨𝐦𝐞
𝟓-𝐏𝐨𝐢𝐧𝐭 𝐀𝐠𝐞𝐧𝐝𝐚

Narito ang mga platapormang inihanda ng UNLAD Kabataan - Team Jerome na nakaayon sa tunay na pangangailangan at interest ng mga kabataang Concepcion. 💙💛

𝐔𝐍𝐋𝐀𝐃 𝐊𝐀𝐁𝐀𝐓𝐀𝐀𝐍 𝐏𝐋𝐀𝐓𝐅𝐎𝐑𝐌𝐒
𝟓-𝐏𝐨𝐢𝐧𝐭 𝐀𝐠𝐞𝐧𝐝𝐚

𝟏. 𝐄𝐃𝐔𝐊𝐀𝐒𝐘𝐎𝐍
•𝐂𝐨𝐦𝐩𝐡𝐫𝐞𝐡𝐞𝐧𝐬𝐢𝐯𝐞 𝐒𝐜𝐡𝐨𝐥𝐚𝐫𝐬𝐡𝐢𝐩 𝐏𝐫𝐨𝐠𝐫𝐚𝐦
- Pagbibigay ng scholarship opportunity at Financial Assistance Program sa mga kabataan ng Brgy. Concepcion sa pamamagitan ng pakikipagtulungan sa iba’t ibang institusyon at organisayon upang mas maraming kabataan ang mabigyan ng pagkakataon na makapag-aral at makapagtapos.

•𝐀𝐥𝐭𝐞𝐫𝐧𝐚𝐭𝐢𝐯𝐞 𝐋𝐞𝐚𝐫𝐧𝐢𝐧𝐠 𝐒𝐲𝐬𝐭𝐞𝐦 𝐎𝐩𝐩𝐨𝐫𝐭𝐮𝐧𝐢𝐭𝐲
- Pagbibigay ng Alternative Learning System Opportunity o pagkakataon na mapa-UNLAD ang kakayanan ng bawat kabataan na maging handa sa paghahanap-buhay nang matutustusan ang pangangailangan ng pamilya o sariling kinabukasan.

•𝐋𝐢𝐛𝐫𝐞𝐧𝐠 𝐒𝐜𝐡𝐨𝐨𝐥 𝐒𝐮𝐩𝐩𝐥𝐢𝐞𝐬
- Pagbibigay ng Libreng School Supplies taun-taon sa mga mag-aaral ng Concepcion Elementary School.

•𝐎𝐧𝐥𝐢𝐧𝐞 𝐋𝐞𝐚𝐫𝐧𝐢𝐧𝐠 𝐇𝐮𝐛
- Pagtatayo ng Online Learning Hub sa iba’t-ibang area ng Baranggay na may naangkop na kagamitan tulad ng computer, printer, books, at internet connection na mamagamit ng mga kabataan sa pag-aaral.

𝟐. 𝐒𝐏𝐎𝐑𝐓𝐒
• 𝐒𝐩𝐨𝐫𝐭𝐬 𝐂𝐥𝐢𝐧𝐢𝐜 & 𝐓𝐫𝐚𝐢𝐧𝐢𝐧𝐠 𝐏𝐫𝐨𝐠𝐫𝐚𝐦𝐬
- Pagsasagawa ng iba’t ibang programa tulad ng Sports Clinic at Training Programs para sa basketball, volleyball, football, badminton, at marami pang iba upang mahasa ang kakayahan ng mga kabataan sa sports.

• 𝐁𝐮𝐰𝐚𝐧 𝐧𝐠 𝐊𝐚𝐛𝐚𝐭𝐚𝐚𝐧 (𝐘𝐨𝐮𝐭𝐡 𝐌𝐨𝐧𝐭𝐡)
- Pagsasagawa ng Buwan ng Kabataan upang ganapin ang malawakang pa-liga at programa para sa mga kabataan ng baranggay sa laranggan ng iba’t ibang palakasan at patimpalak, kabilang na rin dito ang e-sports, mind games, board games, talent competition, at marami pang iba.

• 𝐒𝐩𝐨𝐫𝐭𝐬 𝐚𝐧𝐝 𝐓𝐫𝐚𝐢𝐧𝐢𝐧𝐠 𝐄𝐪𝐮𝐢𝐩𝐦𝐞𝐧𝐭𝐬
- Pagpupundar ng mga sports and training equipment na maaaring hiramin ng mga kabataan para sa pagsasanay at paglalaro.

𝟑. 𝐘𝐎𝐔𝐓𝐇 𝐖𝐄𝐋𝐋-𝐁𝐄𝐈𝐍𝐆 𝐀𝐍𝐃 𝐄𝐌𝐏𝐎𝐖𝐄𝐑𝐌𝐄𝐍𝐓
• 𝐅𝐫𝐞𝐞 𝐜𝐨𝐧𝐬𝐮𝐥𝐭𝐚𝐭𝐢𝐨𝐧𝐬, 𝐬𝐞𝐦𝐢𝐧𝐚𝐫𝐬, & 𝐩𝐫𝐨𝐠𝐫𝐚𝐦𝐬
- Pagsasagawa ng mga seminar, libreng konsultasyon, at ibang programa na magpapalawak sa kaalaman ng kabataan bilang bahagi sa pangangalaga ng ispiritwal, mental, emosyonal, at pisikal na kapakanan ng mga kabataan.

• 𝐒𝐮𝐩𝐩𝐨𝐫𝐭 𝐟𝐨𝐫 𝐘𝐨𝐮𝐭𝐡 𝐎𝐫𝐠𝐚𝐧𝐢𝐳𝐚𝐭𝐢𝐨𝐧𝐬
- Pagbibigay suporta at oportunidad sa mga Youth Organization ng iba’t ibang sektor na mayroong magkakahalintulad na interest at paniniwala sa pakikipagtulungan ng iba’t ibang samahang pansibiko at panrelihiyon.

𝟒. 𝐘𝐎𝐔𝐓𝐇 𝐋𝐈𝐕𝐄𝐋𝐈𝐇𝐎𝐎𝐃 𝐏𝐑𝐎𝐆𝐑𝐀𝐌𝐒
• 𝐋𝐢𝐯𝐞𝐥𝐢𝐡𝐨𝐨𝐝 𝐏𝐫𝐨𝐠𝐫𝐚𝐦𝐬 & 𝐓𝐫𝐚𝐢𝐧𝐢𝐧𝐠𝐬
- Pagbibigay ng oportunidad sa mga kabataan na matutong magnegosyo at maghanap buhay sa pamamagitan ng Livelihood Programs and Trainings upang makamit ang isang maUNLAD na kinabukasan.

• 𝐁𝐮𝐬𝐢𝐧𝐞𝐬𝐬 𝐚𝐧𝐝 𝐂𝐨𝐧𝐧𝐞𝐜𝐭𝐢𝐨𝐧 𝐀𝐬𝐬𝐢𝐬𝐭𝐚𝐧𝐜𝐞
- Pagtulong sa mga negosyo at hanap buhay ng mga kabataan sa atin baranggay sa pamamagitan ng pagbibigay ng Business and Connection Assistance upang mas lalong lumago ang kanilang mga negosyo.

• 𝐅𝐢𝐧𝐚𝐧𝐜𝐢𝐚𝐥 𝐋𝐢𝐭𝐞𝐫𝐚𝐜𝐲 𝐚𝐧𝐝 𝐈𝐦𝐩𝐨𝐫𝐭𝐚𝐧𝐜𝐞 𝐨𝐟 𝐒𝐚𝐯𝐢𝐧𝐠𝐬
- Pagtuturo sa mga kabataan ng Financial Literacy and Importance of Savings upang sila’y maging responsable sa pag-gamit ng salapi.

𝟓. 𝐏𝐀𝐑𝐓𝐈𝐂𝐈𝐏𝐀𝐓𝐈𝐕𝐄 𝐋𝐄𝐀𝐃𝐄𝐑𝐒𝐇𝐈𝐏
• 𝐏𝐚𝐫𝐭𝐢𝐜𝐢𝐩𝐚𝐭𝐢𝐯𝐞 𝐋𝐞𝐚𝐝𝐞𝐫𝐬𝐡𝐢𝐩: Layunin ng programang ito na buhayin ang Katipunan ng Kabataan sa barangay upang mapalakas at mapagtibay ang decision-making process ng kabataan sa ating barangay.

• 𝐘𝐨𝐮𝐭𝐡 𝐈𝐧𝐢𝐭𝐢𝐚𝐭𝐢𝐯𝐞 𝐏𝐫𝐨𝐠𝐫𝐚𝐦 𝐌𝐚𝐤𝐢𝐧𝐠
- Pagbibigay ng pagkakataon para sa mga kabataan ng Baranggay Concepcion na direktang ihain ang kanilang mga ideya at programa sa Sangguniang Kabataan (SK) upang ito ay maipatupad.

• 𝐌𝐨𝐧𝐭𝐡𝐥𝐲 𝐂𝐨𝐧𝐬𝐮𝐥𝐭𝐚𝐭𝐢𝐨𝐧
- Pagkokonsulta sa mga kabataan sa bawat area o zona patungkol sa kanilang mga pangangailangan at hinain upang agaran itong matugunan ng Sangguniang Kabataan.

• 𝐙𝐨𝐧𝐞 𝐋𝐞𝐚𝐝𝐞𝐫𝐬
- Pagtatalaga ng Youth Area Leaders sa bawat zona ng baranggay na siyang magiging kinatawan ng mga kabataan sa mga pagpupulong at pagpaplano ng Sangguniang Kabataan.

𝐒𝐄𝐑𝐁𝐈𝐒𝐘𝐎𝐍𝐆 𝐖𝐀𝐋𝐀𝐍𝐆 𝐊𝐀𝐏𝐀𝐑𝐄𝐒 𝐊𝐀𝐘 𝐉𝐄𝐑𝐎𝐌𝐄 𝐆𝐎𝐍𝐙𝐀𝐋𝐄𝐒!

Narito ang isang Kabataang maghahatid ng serbisyong walang kapares gamit ang kaniyang karanasan sa pamumuno, kahusayan sa iba't-ibang aspeto, at bukal na puso sa pagseserbisyo.

Ito na ang kabataang magsisimula at aaksyon para magkaroon tayo ng mas ma-UNLAD na pagbabago. Dito tayo sa magpapamalas ng SERBISYONG WALANG KAPARES, dito tayo kay Jerome Gonzales!

Jerome Gonzales, para SK Chairman ng Brgy. Concepcion, Baliwag City, Bulacan!

'𝐘𝐀𝐍 𝐒𝐈 𝐘𝐇𝐀𝐍𝐍𝐈𝐂𝐊 𝐍𝐀 𝐌𝐀𝐘 𝐒𝐄𝐑𝐁𝐈𝐒𝐘𝐎𝐍𝐆 𝐎𝐑𝐆𝐀𝐍𝐈𝐂!

Kahusayan sa akademiko at kagalingan sa pagseserbisyo ang handog ng Kabataang maghahatid ng serbisyong organic! 'Yan si Yhannick! Yhannick Joshua Yambao

𝐌𝐀𝐑𝐈𝐀𝐇𝐧𝐠𝐚𝐥 𝐧𝐚 𝐦𝐚𝐠𝐥𝐢𝐥𝐢𝐧𝐠𝐤𝐨𝐝 𝐩𝐚𝐫𝐚 𝐬𝐚 𝐦𝐚𝐔𝐍𝐋𝐀𝐃 𝐧𝐚 𝐛𝐮𝐤𝐚𝐬!

Kilalanin ang isang kabataang may angking kahusayan sa iba't-ibang larangan at may kakayahang magserbisyo ng MARIAHngal para sa mga Kabataan.