Baliwag Traffic Management Office

Home
Philippines
Baliuag
Baliwag Traffic Management Office

Directions Website Contact the organization

Seguridad at Serbisyo, para sa Baliwageño.

09/10/2026

Mahalagang Anunsiyo Mula sa BCTMO

Nais ipabatid ng Baliwag City Traffic Management Office sa publiko and higit na paglilinaw ukol sa isinasakatuparang traffic re-routing ng mga byahe ng tricycle sa B. Aquino Avenue na naglalayong maibsan ang bigay ng daloy ng trapiko sa nasabing lugar.

Ang lahat ng mga non-Baliwag TODA tulad ng Bahay Pare, Manga, DT, BTS, BTC, SLB, Basal, at Duyong na maghahatid ng pasahero papuntang Pamapanga na magmumula sa Año St. ay dapat lumiko sa pakaliwa sa Lopez Jaena St., tapos ay kakanan sa Access Road, lalabas pakanan sa DRT highway, kakaliwa sa Zone 4 at 5 Pagala, at muling kakanan palabas ng B. Aquino gamit ang J. Ponce St. na lagpas sa Montessori De Sagrada Familia. Ang mga byaheng ito na magmumula naman sa pampanga papuntang City Proper ay dapat ding gamitin ang nasabing ruta.

Para naman sa mga TODA ng Baliwag na ang biyahe ay patungong bukid tulad ng Pagala, Sulivan, Tangos, Paitan, Barangca, Piel, Hinukay, San Roque, at Tilapayong; ang mga maghahatid ng pasahero sa nasabing lugar ay dapat lumiko sa Lopez Jaena St. at tumungo sa Access Road. Mula dito ay maaari silang kumanan sa NIA Road at lumabas sa may likuran ng Jollibee Junction o lumabas pakanan sa DRT highway, kumaliwa sa Zone 4 at 5 Pagala, at muling kakanan palabas ng B. Aquino gamit ang J. Ponce St. na lagpas sa Montessori De Sagrada Familia. Kung sakali naman na ang mga pasahero ng mga biyaheng ito ay ihahatid lamang sa mga establisimyento na kahanay ng City Hall (na hindi lalampas ng Hi-Precision), pinapayagan ang mga nasabing TODA na magbaba ng pasahero sa lugar at pagkatapos ay maaaring dapat lumiko pakaliwa sa Mapagmahal St. pabalik ng Access Road.

At para sa mga TODA ng kabayananan, gayun din para sa mga pribadong tricycle o karmachog, lahat ng may pasahero, ihahatid, o delivery sa gawi ng City Hall o kahelerang establisimyento ay papayagang bumagtas ng B. Aquino Ave. hanggang makapagbaba ng sakay o makapagdiskarga ng gamit. Pagkatapos nito dapat kumaliwa sa Mapagmahal St. patungong Access Road.

Inaasahan po namin ang pag-unawa at kooperasyon ng lahat para sa lalong ikaaayos ng ating mahal sa lungsod.

05/10/2026

Kaninang umaga, ika-5 ng Oktubre ay pinulong ni BCTMO Chief Roberto "Tisoy" E. Santos ang mga pangulo ng TODA upang mapagkasunduan ang implementasyon ng isang revised traffic scheme upang maibsan ang bigat ng daloy ng trapiko sa B. Aquino Ave.

Sa ilalim ng iskemang ito, ang lahat ng mga tricycle na magmumula sa city proper na bumibihaye papuntang Tangos, Pagala, at iba pang lugar na lampas Baliwag Flyover ay dapat lumiko sa Mapagmahal St. sa Brgy. Bagong Nayon at lalabas ng Access Road sa gawi ng Unitop at lalabas ng McDonalds Highway. Pinahihintulutan na din ang mga tricycle na gamitin ang NIA Road sa Zone 4 and 5 sa Brgy. Pagala.

Sa mga galing naman ng Tangos na papuntang city proper, ang mga tricycle ay dapat lumiko sa Nia Road Pagala Zone 4 at Zone 5 papuntang Access Road. Mula dito ay maari na silang gumamit ng mga malapit ng Brgy. Roads patungong Plaza Naning.

Kaakibat nito ay nagsagawa ng clearing operations sa mga nabanggit na lugar ang BCTMO, upang masiguradong walang mga illegal na nakaparadang sasakyan na maaaring maging sanhi ng pagkaantala ng byahe ng mg s re-routed na sasakyan.

Kami po ay humihiling ng pakikiisa at pag-unawa ng lahat, para sa lalong ikaaayos ng daloy ng trapiko sa ating mahal na lungsod.

25/09/2026

Mahalagang Paalala Mula sa BCTMO

Ang Baliwag City Traffic Management Office ay nagbababala sa publiko ukol sa mga delikadong modipikasyon sa mga motorsiklo, tulad ng pagtanggal ng side mirror.

Ang parteng ito ng motorsiklo ay dinisenyo upang ay nagbibigay ng mabilisang kamalayan sa paligid upang ligtas na makalipat ng linya (lane) o makasabay sa daloy ng trapiko ang nagmamaneho nito. Kung ito ay tinanggal, nagkakaroon ng mga blind spots (Mga Lokasyong Hindi Kita) o agarang tanaw sa mga sasakyang dumarating mula sa likuran at sa tabi. Mapipilitan din ang nagmamaneho na magsagawa ng mapanganib na head checks (Panglingon sa balikat) kung saan na-aalis ng tingin sa trapiko o sa sasakyang biglang liliko o humihinto sa harapan ng minamanehong motor.

Marapat ding alalahanin na ayon sa Land Transportation Office,
ang pagmamaneho ng motorsiklo nang walang side mirrors ay paglabag sa Republic Act No. 4136 (Land Transportation and Traffic Code) at sa mga tuntunin ng LTO sa ilalim ng "Defective or Missing Parts" (Sira o Kulang na Bahagi ng Sasakyan).
Kung mahuhuli ng apprehending officer, maaari pagmagmultahin ng ₱1,000 o higit pa para sa kulang o walang side mirrors. Ang mga hindi pormal o binagong (modified) setup ay maaari ding magresulta sa mas mataas na multa hanggang ₱5,000 sa ilalim ng mga panuntunan sa modipikasyon. Dagdag pa rito, iniaatas ng LTO na ang mga motorsiklo ay dapat may gumaganang side mirror sa magkabilang gilid na nagbibigay ng malinaw na tanawin sa kalsada sa likuran.

Amin pong hinihikayat ang lahat na isaalang-alang ang kaligtasan at sumunod sa batas upang sa aberya ay maka-iwas.

21/09/2026

Layunin BCTMO na makapagbigay ng nararapat na serbisyo sa mga mamamayan ng Lungsod ng Baliwag, gayun din ang pantay-pantay na pagpapatupad ng mga batas upang masigurado ang organisadong daloy ng trapiko sa ating mga kalsada.

Bungsod nito ay aming hinihikayat ang sinomang nakaranas ng panlalamang o pang-aabuso ng tungkulin ng mga Traffic Enforcers na magsadya sa aming tanggapan, upang pormal na mabigyang aksyon ang inyong mga reklamo. Mangyari lamang na tandaan ang pangalan ng Enforcer at ang kaniyang puwesto upang agad na matukoy ang pagkakakilanlan at mapabilis ang proseso ng imbestigasyon.

Sama-sama po tayong magtulungan at manindigan tungo sa kapayapaan at kaayusan ng ating mahal na lungsod.

09/09/2026

Ang Baliwag City Traffic Management office ay taos-pusong nagpapasalamat kay Ate Lui Anne Patawaran, anak ni IGG. Tony Patawaran, sa kaniyang pagbibigay ng mga kapote sa ating mga traffic enforcers upang magsilbing panangga sa sunod-sunod na sungit ng panahon ngayong buwan ng Setyembre. Kami po ay lubos na nagagalak sa munting simbolo ng malasakit na ito namagsisilbing inspirasyon upang lalong magagampanan ng BCTMO ang aming tungkulin na magserbisyo at magpatupad ng batas trapiko, sa anumang oras at sa kahit anong panahon.

Muli po ay nagpapasalamat kami sa inyo, Ate Lui.

07/09/2026

Kaninang umaga ay pinulong ni BCTMO Chief Roberto "Tisoy" E. Santos sina Market Master Joerge Padre, BTech Head of Security Edward Marling, at ang mga kapatid na Muslim na sina
Abosaren Athar at Olo Racman ukol sa nappipintong clearing operations sa nasasakupan ng Baliwag Public Market. Layunin ng operasyong ito na alisin ang mga mga obstructions na nakakagipit sa mga sasakyan at mga mamimili ng ating pamilihang lungsod. Isasakatuparan ang nasabing operasyon bukas, ika-8 ng Setyembre.

Kasama na rin sa pinagpulungan ang proyektong libreng sakay para sa mga senior citizen at mga ilalagay na loading ang unloading areas para sa ating mga kababayang may kapansanan.

Inaasahan po namin ang kooperasyon ng lahat para sa lalong ikauunlad ng ating mahal na Lungsod ng Baliwag.

26/08/2026

Ang Baliwag City Traffic Management office ay taos-pusong nagpapasalamat kay IGG. Bang Imperial sa kaniyang pagbibigay ng mga kapote sa ating mga traffic enforcers ngayong tag-ulan. Sa pamamagitan ng munting tulong na ito, mas lalong magagampanan ng BCTMO ang aming tungkulin na magserbisyo at magpatupad ng batas trapiko, sa anumang oras o sa kahit anong sungit panahon.

Muli po ay nagpapasalamat kami sa inyong malasakit.

21/08/2026

MAHALAGANG ANUNSIYO

Nais ipabatid ng Baliwag City Traffic Management Office sa publiko na magkakaroon ang ang ating Parokya ng Augustinian Fun Run 2026 sa ganap na ika-5 ng umaga, araw ng Sabado, August 22. Ang mga kalahok sa nasabing aktibidad na ito ay inaasahang magtitipon sa St. Augustine Parish grounds ika-4 ng madaling araw, habang inaasahang matatapos ang Fun Run sa ganap na ika-8 ng umaga.

Kalakip ng imaheng kasama ng anunsiyong ito ang mga ruta ng 3-kilometer at 5-kilometer run.

Upang makaiwas sa inaasahang bigat ng daloy ng trapiko sa araw at oras na nabanggit ay pinapayuhan namin ang lahat ng motorista na humanap muna ng alternatibong ruta. Maraming salamat po sa inyong pag-unawa at kooperasyon. See less

26/06/2026

ANUNSIYO PUBLIKO

Nais ipabatid ng BCTMO sa publiko na sa ika-27 ng Hunyo ay pansamantalang gagawing one-way (papasok ng Public Market) ang kahabaan ng San Jose St. (mula Petron sa tapat ng RCS hanggang BESCO) mula ika-8 ng gabi hanggang ika-3 ng madaling araw. Ito ay upang bigyang daan ang paglalatag ng secondary line ng kuryente sa nasabing lugar.

Pinapayuhan po ang lahat na maghanap muna ng alternatibong ruta upang makaiwas sa abala.

13/05/2026

𝟮𝟬𝟮𝟲 𝗕𝗨𝗡𝗧𝗔𝗟 𝗙𝗘𝗦𝗧𝗜𝗩𝗔𝗟
May 25-30, 2026

“Ang Pamana ng Baliwag, Ang Ating Sama-samang Kinabukasan”

Address

Glorietta Circle
Baliuag
3006

Website

http://www.baliwag.gov.ph/

Alerts

Be the first to know and let us send you an email when Baliwag Traffic Management Office posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Baliwag Traffic Management Office:

Want your organization to be the top-listed government service in Baliuag?