31/05/2026
Sa ating mga minamahal na magulang at tagapag-alaga,
Malugod namin kayong inaanyayahan na makilahok at makiisa sa darating na Brigada Eskwela at samahan kami sa pagpapatala ng inyong mga anak para sa paparating na pasukan.
Ang inyong pakikibahagi sa Brigada Eskwela ay higit pa sa paglilinis at pag-aayos ng ating paaralan. Ito ay nagbibigay ng ligtas, maayos, at kaaya-ayang kapaligiran na nakatutulong nang malaki upang mas ganahan at matuto nang mabuti ang ating mga mag-aaral. Kapag nakita ng mga bata na sama-sama tayong nagtutulungan, natututo sila ng halaga ng pagkakaisa, pagmamahal sa bayan, at pananagutan sa ating komunidad. Ang gawaing ito ay nagpapatibay din ng ugnayan at pagtutulungan ng bawat pamilya at mamamayan para sa ikabubuti ng lahat.
Ang inyong presensya at tulong ay napakahalaga. Halina’t magsama-sama tayo para sa kinabukasan ng ating mga anak at sa pag-unlad ng ating komunidad.
Maraming salamat po at mabuhay tayong lahat!
