07/10/2026
ULAT SA MGA BATANG BANSUD! 📢📣
Ngayong araw ay pormal nating nilagdaan ang Municipal Ordinance No. 004 S. 2026 na may titulong:
“Bansud Local Investment and Incentives Code (LIIC) of 2026”
Ang ordinansang ito na may dalawamput-pitong pahina ay inaprubahan ng Sangguniang Bayan noong ika-28 ng Setyembre 2026. Ito ay naglalayon na makahikayat ng maraming negosyo dito sa ating bayan upang makalikha ng mas maraming oportunidad at trabaho para sa mga Batang Bansud. Umaasa tayo na ito ang magbubukas ng mas maraming pinto ng oportunidad para sa mas ikakaunlad ng Bayan ng Bansud sa hinaharap.
Kapag nakapirma na ang mga miyembro ng Sangguniang Bayan, ito ay ipapadala sa opisina ng ating butihing Mayor, Hon. Ronaldo M. Morada para sa kanyang lagda. Ito ay magiging ganap na Ordinansa/Batas makalipas ang labing limang araw (15) na pagpapaskil ng kopya nito.
Nagpapasalamat din tayo sa ating mga co-authors/co-sponsors na sina SB Hon. Bienvenido Magadia at SB Hon. Tito Catubay sa kanilang pagpupursigi na maisabatas ang napakagandang ordinansang ito na magbebenepisyo ang bayan at ang mga mamamayan. Marapat ding pasalamatan ang iba pang miyembro ng Sangguniang Bayan ng Bansud, Department Heads at mga kawani ng ating Legislative Department sa kanilang kasipagan at mga tulong na mabuo ang ordinansang ito.
Note: Ipapaskil po natin ang buong kopya ng ordinansang ito kapag kumpleto na po ang mga kinakailang pirma.
“Batang Bansud, Abutin Natin Ang Iyong Pangarap”
