Jerick "Kropeck" Mercado

𝗔𝗡𝗚 𝗟𝗔𝗕𝗔𝗡 𝗣𝗔𝗥𝗔 𝗦𝗔 𝗕𝗔𝗬𝗔𝗡, 𝗛𝗜𝗡𝗗𝗜 𝗡𝗔𝗧𝗔𝗧𝗔𝗣𝗢𝗦 𝗦𝗔 𝗛𝗔𝗟𝗔𝗟𝗔𝗡. 💙🩷
Hindi man kami ang pinalad na manalo sa halalang ito, taas-noo pa rin kaming humaharap sa inyo—dahil lumaban kami nang patas, malinis ang hangarin, at buo ang prinsipyo.

Wala kaming ibinayad para sa boto. Ang tanging sandata namin ay ang tunay na serbisyo publikro, malasakit na walang kapalit, at ang pusong handang tumulong sa kapwa at sa buong nasasakupan. Lumaban kami. Hindi dahil alam naming mananalo, kundi dahil alam naming tama, kundi dahil alam naming kailangan ng bayan.

Sa bawat taong naniwala, nagtiwala, at walang sawang sumuporta—maraming, maraming salamat po. Hindi matutumbasan ng kahit anong resulta ang tiwalang ibinigay ninyo. Kayo ang lakas namin sa bawat araw ng kampanya, sa bawat hakbang ng laban.

Ang pagkatalo ay hindi katapusan. Isa lang itong pahinga sa mas mahabang paglalakad tungo sa tunay na pagbabago. At kahit hindi kami nanalo ngayon, mananatili kaming nasa tabi ninyo—handang makinig, tumulong, at magsilbi sa abot ng makakaya.

Muli, taos-pusong pasasalamat. Sa ngalan ng tapat na paglilingkod at wagas na pagmamahal sa bayan— WALANG TALO SA ISANG MALINIS AT PATAS NA PAGLABAN. Maraming salamat sa bawat pusong naging tahanan ng aming adhikain. Magkikita-kita tayong muli—mas buo, mas matatag. Muling titindig, muling maglilingkod. Lagi’t lagi, para sa bayan. 🤝

𝗠𝗲𝗲𝘁𝗶𝗻𝗴 𝗱𝗲 𝗔𝘃𝗮𝗻𝗰𝗲 𝘄𝗶𝘁𝗵 𝗧𝗘𝗔𝗠 𝗔𝗟𝗩𝗔𝗥𝗘𝗭 𝟮𝟬𝟮𝟱 𝗮𝘁 𝗥𝗼𝘀𝗮𝗿𝗶𝗼, 𝗕𝗮𝘁𝗮𝗻𝗴𝗮𝘀. 💙🩷

Taos-puso akong nagpapasalamat sa TEAM ALVAREZ 2025 sa pagbibigay sa akin ng napakaraming pagkakataon na makasama sa inyong mga sortie at meeting de avance sa Bayan ng Rosario. Ang bawat imbitasyon at pagtanggap ninyo sa akin ay isang mahalagang hakbang para maiparating ko sa ating mga mamamayan ang aking mga plataporma at layunin bilang isang independiyenteng kandidato sa pagka-bokal ng ikaapat na distrito ng Batangas.

Isang malaking karangalan ang maging bahagi at ampon ng inyong grupo. Sa inyong walang sawang suporta, lalo kong pinagtibay ang aking paninindigan para sa isang gobyernong tapat, malinis, at may malasakit sa tao.

Maraming salamat po sa inyong tiwala at pagtangkilik. Nawa’y patuloy tayong gabayan ng Poong Maykapal sa ating iisang adhikain—ang tunay na pagbabago para sa mas makatao at makabuluhang serbisyo sa ating distrito.

𝗕𝗼𝗸𝗮𝗹 𝗻𝗮 𝗦𝗲𝗿𝗯𝗶𝘀𝘆𝗼 𝗣𝘂𝗯𝗹𝗶𝗞𝗥𝗢 𝘀𝗮 𝗜𝗯𝗮𝗮𝗻 𝗕𝗮𝘁𝗮𝗻𝗴𝗮𝘀. 💙🩷

Maraming salamat po sa TEAM I LOVE IBAAN sa pagbibigay sa akin ng pagkakataong maipakilala ang aking sarili sa mga minamahal nating mamamayan ng bayan ng Ibaan. Sa kabila ng aking pagiging isang independenteng kandidato na naghahangad na maging Bokal ng Ikaapat na Distrito, napakahalaga para sa akin ng ganitong pagkakataon upang maipadama ang aking hangarin na magsilbi nang tapat at buong puso. Isang malaking karangalan po ito, at tunay kong pinahahalagahan ang inyong tiwala at suporta.

𝙅𝙚𝙧𝙞𝙘𝙠 “𝙆𝙧𝙤𝙥𝙚𝙘𝙠” 𝙋𝙖𝙣𝙜𝙞𝙡𝙞𝙣𝙖𝙣 𝙈𝙚𝙧𝙘𝙖𝙙𝙤 po, ang 𝗕oses 𝗠o at ang magbibigay ng 𝗕𝗼𝗸𝗮𝗹 𝗻𝗮 𝗦𝗲𝗿𝗯𝗶𝘀𝘆𝗼 𝗣𝘂𝗯𝗹𝗶𝗞𝗥𝗢 sa lka-Apat na Distrito. Nawa'y patuloy tayong magtulungan para sa ikauunlad ng ika-apat na Distrito. 🤝

Maraming salamat po.

𝗠𝗲𝗲𝘁𝗶𝗻𝗴 𝗱𝗲 𝗔𝘃𝗮𝗻𝗰𝗲 𝘄𝗶𝘁𝗵 𝗧𝗘𝗔𝗠 𝗥𝗜𝗩𝗘𝗥𝗔 𝟮𝟬𝟮𝟱 𝗮𝘁 𝗣𝗮𝗱𝗿𝗲 𝗚𝗮𝗿𝗰𝗶𝗮, 𝗕𝗮𝘁𝗮𝗻𝗴𝗮𝘀. 💙🩷
Taos-puso akong nagpapasalamat sa TEAM RIVERA 2025 sa pagbibigay sa akin ng maraming pagkakataon na makadalo sa inyong mga sortie at meeting de avance sa Bayan ng Padre Garcia. Ang mga pagkakataong ito ay nagsilbing mahalagang daan upang maipahayag ko ang aking mga plataporma de gobyerno at adhikain bilang isang independiyenteng kandidato na nagnanais magsilbi bilang bokal ng ikaapat na distrito.

Isang malaking karangalan para sa akin na maging bahagi at ampon ng inyong grupo. Sa inyong pagtanggap at suporta, mas tumibay ang aking paniniwala na sama-sama nating maisusulong ang isang malinis, tapat, at makataong pamahalaan.

Muli, maraming salamat sa tiwala at pagkakataon. Nawa’y pagpalain tayo ng Poong Maykapal sa ating laban para sa tunay na pagbabago at serbisyong may malasakit.