Palakat Batangas City

10/10/2026

10/10/2026

MAYOR’S CUP 2026, MULING UMARANGKADA

Tinatayang 1,000 atleta sa lungsod ang lumahok sa ikalawang yugto ng Mayor’s Cup 2026, October 10.

Bilang bahagi ng bagong format nito, nagdaos ang Batangas City Sports Council ng isang araw na paligsahan sa 10 larangan ng palakasan, kabilang ang boxing, billiards, darts, sepak takraw, lawn tennis, chess, swimming, karate, table tennis, at pickleball.

Ayon kay Sports Council Head Oliver Macatangay, layunin ng paligsahan na maipagpatuloy ang mga sports events kahit tag-ulan at makatuklas ng mga atletang maaaring sanayin para sa mga pambansa at pandaigdigang kompetisyon.

Sa kanyang mensahe, binigyang-diin ni Mayor Marvey Marino ang kahalagahan ng sports sa paghubog ng disiplina, pagtutulungan, at sportsmanship ng mga kabataan.

Aniya ito ay magiging annual sports activity na dahil matagal na niyang pangarap ang pagkakaroon ng ganitong mga events sa lungsod. Inilahad din ni Mayor ang planong mas lalong palakasin ang sports tourism at dagdagan ang mga sports facilities na magagamit ng mga manlalaro ng libre at walang bayad.

Pagkatapos ng opening ceremony, agad na nagsimula ang mga kompetisyon sa iba’t ibang venue. (PIO Batangas City)

09/10/2026

Mayor Marvey, inatasan ang El Niño Taskforce na i-update ang mga action plan

Nagpatawag ng pagpupulong si Mayor Marvey Mariño noong Oktubre 8 upang talakayin ang mga hakbang sa paghahanda at pagtugon sa posibleng epekto ng Super El Niño sa lungsod.

Inatasan niya ang mga miyembro ng Local El Niño Taskforce na i-update ang kani-kanilang action plan upang matiyak ang kahandaan at maayos na pagtutulungan ng mga kinauukulang tanggapan at ahensya, lalo na sa mga posibleng epekto nito sa suplay ng tubig, agrikultura,paghahayupan kapaligiran at kalusugan ng mga mamamayan.

09/10/2026

Patient Transport Vehicle, Hatid ay Ginhawa sa mga Pasyente

09/10/2026

SCHEDULED WATER INTERRUPTION

We would like to inform our valued consumers that low pressure to no water may be experienced in the following areas due to the replacement of defective transformers and electrical pole at Well No. 10 in Alangilan Pumping Center. Pumping stations will operate using generator sets.

Saturday, October 10, 2026
03:00pm to 9:00pm
Affected Areas: Poblacion 1-24, Cuta, Malitam, Wawa, Sta. Clara, Recto Road Calicanto, Kumintang Ilaya, Kumintang Ibaba and Part of Alangilan

Please make necessary preparations and store water for essential use.

We apologize for the inconvenience and appreciate your understanding as we continue to find ways to serve you better. Stay safe!

08/10/2026

TINGNI: Inilunsad ng pamahalaang lungsod ang Trash, Recycling, Initiative Program to School o TRIP, isang school-based recycling incentive program na nag lalayong hikayatin ang mga mag-aaral na makiisa sa pangangalaga ng kapaligiran, October 8.

Pinangunahan ng Office of the City Environment and Natural Resources Officer (OCENRO) ang naturang programa sa Paharang Integrated School, katuwang ang Boy Scouts of the Philippines (BSP) Batangas City Council.

Sa ilalim ng programa, maaaring ipalit ng mga estudyante sa iba'tibang insentibo ang kanilang mga nakolektang recyclable materials tulad ng plastic bottles, papel at karton.

Kabilang sa mga reward ang bigas, vouchers, school supplies at iba pang kapaki-pakinabang na insentibo, depende sa dami at uri ng recyclable materials na naipon.

Sa pamamagitan ng TRIP, inaasahang mas mapapalakas ang pakikiisa ng mga mag-aaral, g**o at komunidad sa pagsusulong ng mas malinis at makakalikasang paaralan.

Nagpakita rin ng suporta at nakiisa sa naturang launching si Mayor Marvey Mariño. (PIO Batangas City)

08/10/2026

TINGNI: Isinagawa noong Oktubre 8 ang pagsasanay sa paggawa ng kandila para sa mga miyembro ng Rural Improvement Club o RIC at KALIPI sa Barangay Poblacion 21.

Kasabay nito ang muling pagbuo ng Barangay RIC, kung saan nahalal bilang bagong pangulo si Marie Lourd Falcuñit.

Layon ng pagsasanay, na pinangasiwaan ng Home Extension Division ng Office of the City Agriculturist, na magbigay ng dagdag na kaalaman at kasanayan na maaaring magamit ng mga kalahok bilang pagkakakitaan.

08/10/2026

TINGNI: Nagsagawa ang Home Extension Division ng Office of the City Agriculturist ng livelihood training sa hair cutting, hair treatment at make-up sa barangay Maapas noong Oktubre 7.

Lumahok dito ang mga miyembro ng Rural Improvement Club o RIC at iba pang residente ng barangay.

Sa pamamagitan ng demonstration at hands-on training, natutunan ng mga kalahok ang tamang paggupit at pag-aalaga ng buhok, hair treatment, make-up, at iba pa.

Layunin ng programa na mapaunlad ang kanilang kasanayan at mabigyan sila ng oportunidad na magkaroon ng dagdag na pagkakakitaan sa pamamagitan ng beauty-related services.

08/10/2026

Pangarap na Kasal, Natupad sa Baysanang