08/08/2026
Heads up baryohanon❗❗❗
🔊 PAHIBALO SA TANANG KATAWHAN SA ATONG BARANGAY ALANG SA UMAABOT NGA ENUMERATION PARA SA BARANGAY INFORMATION SYSTEM (BIS) 🔊
Maayong adlaw sa atong tanan!
Ubos sa mando ug giya sa atung maabtik nga Punong Barangay ROSITA C. SALIDO ug sa kooperasyon sa atong mga Sangguniang Barangay Members, Ang atong Barangay magpahigayon ug BARANGAY INFORMATION SYSTEM (BIS) house to house survey sa atong matag panimalay sulod sa buwan sa AGOSTO.
Aduna kitay mga trained enumerators nga mga residente usab sa atong barangay, ang magconduct niini ug adunay pag guide sa atong mga BHWS/ Brgy. Officials.
Ang tanan nga impormasyon nga inyong ihatag kanamo labi na ang inyong personal nga detalye, mga rekord, ug uban pang sensitibong datos among gigarantiyahan nga pagatipigan sa hingpit nga pagkakumpidensyal, subay sa mga probisyon sa Republic Act No. 10173, o ang Data Privacy Act of 2012. Dili kini ipaambit, ibaligya, o gamiton alang sa bisan unsang katuyoan gawas sa opisyal nga serbisyo sa barangay.
UNSA MAN ANG BIS?
Ang BIS usa ka sistema sa pagkuha ug pagtipig sa kompleto nga impormasyon sa matag pamilya ug lumulupyo sa atong barangay. Apil niini ang datos kung pila kamo sa balay, panginabuhian, kahimtang sa panimalay, ug uban pa.
NGANONG IMPORTANTE KAAYO KINI?
Importante kaayo kini kay:
1. Aron makabalo ang barangay kung kinsa gayud ang nanginahanglan ug tabang ug programa sa gobyerno (4Ps, Senior Citizen, PWD, Solo Parent, scholarship, livelihood).
2. Aron dali ug hapsay ang paghatag ug ayuda ilabi na panahon sa kalamidad.
3. Aron sakto ug klaro ang pagplano sa mga proyekto para sa atong barangay.
4. Aron naa kitay tinuod ug updated nga datos sa atong barangay.
Busa, NAGAHANGYO KAMI SA INYONG KINASING-KASING NGA KOOPERASYON.
Kung muabot na ang atong mga enumerators / BHWs / Barangay Officials sa inyong panimalay, palihog atubanga sila ug ihatag ang tinuod ug sakto nga impormasyon.
Magtinabangay kita para sa mas maayo ug mas hapsay nga serbisyo para sa atong barangay!
Daghang salamat sa inyong pagsabot ug kooperasyon!
-A
