03/09/2026
OCULAR INSPECTION ISINAGAWA KAUGNAY NG APAT NA ARAW NA POWER INTERRUPTION SA AMBAYAT 1ST AT AMBAYAT 2ND
Bilang tugon sa sitwasyon at upang mapabilis ang pagpapanumbalik ng suplay ng kuryente, nagkaroon muna ng pagpupulong sa umaga ang Central Pangasinan Electric Cooperative, Inc. (CENPELCO), LGU Bayambang sa pamamagitan ng Municipal Disaster Risk Reduction and Management Office (MDRRMO), at mga kinauukulang Barangay Officials na sina Barangay Captain Herminio Manangan ng Ambayat 1st, Barangay Captain Maximiano Basilio Jr. ng Ambayat 2nd, at Barangay Captain Oscar Agacite ng Cabayaoasan, Mangatarem, kasama ang mga kinatawan ng CENPELCO.
Dahil sa patuloy na pagtaas ng tubig sa ilog, naputol ang electric cable na nakakabit sa Barangay Malioer, Bayambang, Pangasinan na tumatawid patungo sa Barangay Cabayaoasan, Mangatarem, Pangasinan, na nagresulta sa pagkawala ng suplay ng kuryente sa tatlong barangay β Barangay Ambayat 1st at Barangay Ambayat 2nd sa Bayambang, Pangasinan, at Barangay Cabayaoasan sa Mangatarem.
Sa hapon naman ay isinagawa ang ocular inspection sa Barangay Cabayaoasan, Mangatarem, sa pangunguna ng CENPELCO, kasama ang mga kinatawan ng LGU Bayambang, MDRRMO, at mga Barangay Officials ng tatlong barangay.
Layunin ng ocular inspection na mas maunawaan ang kasalukuyang sitwasyon sa lugar at mapagdesisyunan ang pinakaangkop at ligtas na proseso kung paano muling maitatawid ang electric cable sa malawak at rumaragasang Agno River.
Ang hakbang na ito ay bahagi ng proactive response ng LGU Bayambang at MDRRMO upang agad na maaksyunan ang mga pangangailangan ng mga barangay na nawalan ng kuryente kasabay ng ensuring that the workers ay safe.
Patuloy ang koordinasyon ng LGU Bayambang, MDRRMO, mga barangay officials, at CENPELCO upang mapabilis ang pagkukumpuni at maibalik sa lalong madaling panahon ang suplay ng kuryente sa Ambayat 1st at Ambayat 2nd.
