22/09/2026
STO. TOMAS DE VILLANUEVA FIESTA MASS | SEPT. 22, 2026
Karong adlawa, mitambong sa Pontifical Mass isip kabahin sa pagsaulog sa Kapistahan ni Sto. Tomas de Villanueva ang tibuok miyembro sa 10th City Council, uban ni City Vice Mayor Rusmar Ian D. Tijing ug City Mayor John T. Raymond Jr., kauban ang mga empleyado sa Lokal nga Pangagamhanan, mga pari, ug mga deboto nga miapil sa maong selebrasyon.
Gipangulohan ni Most Rev. Julito B. Cortes, D.D. ang balaang misa isip Mass Celebrant, diin naghiusa ang mga opisyal sa dakbayan, mga kawani sa gobyerno, ug mga katawhan sa paghatag og pasidungog kang Sto. Thomas de Villanueva.
Atol sa maong selebrasyon, gipahigayon usab ang Blessing of the 12 Apostles Statue ug sa Newly Renovated Adoration Chapel.
Padayon nga gipakita sa 10th City Council, ubos sa pagpangulo ni City Vice Mayor Rusmar Ian D. Tijing, ang ilang suporta sa mga kalihokan ug programa nga may kalabutan sa Simbahan, isip pagpalig-on sa panaghiusa, pagtuo, ug espirituwal nga kaayohan sa mga katawhan sa Dakbayan sa Bayawan.
