08/10/2026
Isa si Joyceree Ramos sa mga nakapag-avail ng iba't-ibang serbisyo ng Philippine Statistics Authority (PSA) sa isinagawang PSA Open House Day ngayon sa PSA Headquarters sa East Avenue, Diliman, Quezon City.
Aniya, sa isahang pagpunta sa PSA, nagawa niyang makakuha ng Certificate of Birth ng kanyang lola at makapag-request ng printing ng kanyang National ID in paper format.
Ang PSA Open House Day ngayong araw ay bahagi ng selebrasyon ng 37th National Statistics Month. Tampok din dito ang iba pang mga serbisyo ng PSA tulad ng free legal advice, statistical products, at job opportunities sa ahensya. Mayroon ding booth ang mga partner e-wallet services ng PSA.
