https://www.facebook.com/184143421445310/

Brgy. Caucab Official

Home
Philippines
Biliran
Brgy. Caucab Official

𝙏𝙤 𝙨𝙚𝙧𝙫𝙚 𝙖𝙣𝙙 𝙩𝙤 𝙥𝙧𝙤𝙩𝙚𝙘𝙩 𝘾𝘼𝙐𝘾𝘼𝘽𝙉𝙊𝙉 💚

18/09/2026

Rice Assistance Distribution 🍚

Earlier today, a Rice Assistance Distribution was conducted in Barangay Caucab, Municipality of Almeria, led by our beloved Municipal Mayor, Hon. Marie Sale, together with the Barangay Officials of Caucab, headed by Hon. Johnny Songalia.

This assistance was provided under the Local Government Support Fund–General Enhancement Fund (LGSF-GEF) FY 2026, as part of the Municipality of Almeria’s support and assistance to its constituents.

Our sincere gratitude to Mayor Marie Sale, the Municipal Government of Almeria, and everyone who made this distribution possible. May this assistance bring additional support and help to the families of Barangay Caucab. 🤝🍚🇵🇭

Together, let us continue working for the welfare and development of our community.

10/09/2026

Pagbalik sa Kinaiyahan🌿

Karong hapon, gihimo ang pag-release sa usa ka Flying Lemur (Kagwang) ngadto sa lasang sa Barangay Caucab, uban sa mga personnel sa DENR.

Usa kini ka pahinumdom sa atong responsibilidad sa pagpanalipod ug pagpreserbar sa atong wildlife ug natural nga palibot. Ang matag binuhat adunay dakong papel sa balanse sa atong ekosistema.

Atong ampingan ang atong lasang, kay sa pagpanalipod nato sa kinaiyahan, atong gipanalipdan usab ang kaugmaon sa atong komunidad. 🌳🤎

10/09/2026

🎓 Congratulations to the Bagong Pilipinas Barangay Presidential Scholars (PBBM Scholars) of Barangay Caucab!

Warm congratulations to our incoming 4th Year College Scholars on this meaningful opportunity. May this support inspire you to continue pursuing excellence and achieving your dreams.

Investing in our youth is investing in the future of our community. 🇵🇭🎓

09/09/2026

SEPTEMBER 9, 2026 | PAGTUBAG SA SITWASYON SA TUBIG SA BARANGAY CAUCAB

Samtang nagkagrabe ug nagkadugay ang problema sa suplay sa tubig sa Barangay Caucab, niadtong Septiyembre 9, 2026, alas 1:00 sa hapon, ang atong mga Barangay Officials nga gipangulohan ni Punong Barangay Hon. Johnny D. Songalia, uban sa atong District Councilor Hon. W***y B. Cabuquin, mipahigayon og courtesy call ngadto sa atong Municipal Mayor ug sa mga personnel nga nagdumala ug nag-atiman sa water system sa Almeria.

Human sa maong courtesy call, ang atong mga Barangay Officials mihimo dayon og inisyatibo sa pagpatawag og Barangay Emergency Assembly aron direkta nga mapahibalo ang atong mga katawhan kabahin sa kasamtangang sitwasyon sa atong tubig, unsa ang hinungdan sa pagkahinay ug kanunay nga pagkawala sa suplay, ug unsa ang mga posibleng lakang ug solusyon aron matubag kini nga problema.

Nagpasalamat usab kita kang Hon. Rey Sabitsana, kanhi Sangguniang Bayan Member ug usa sa mga nag-atiman sa Almeria waterworks system, sa iyang panahon ug pagtagad sa atong problema pinaagi sa pagtambong sa atong Emergency Assembly. Iyang gitubag ug gipatin-aw ang nagkalain-laing pangutana ug kabalaka nga gipadayag sa atong mga residente, aron mas masabtan sa atong katawhan ang tinuod nga sitwasyon ug mga hagit nga giatubang sa atong water system.

Ang maong panagtapok dili aron mangita og basulon, kundili aron mangita og kasabotan, klarong tubag, ug konkretong solusyon. Importante nga ang atong katawhan mismo makadungog, makapangutana, ug makasabot sa sitwasyon.

Ang tubig usa ka batakang panginahanglan sa matag pamilya, ug ang atong mga katawhan angay makadawat og igo, kasaligan, ug hapsay nga serbisyo sa tubig.

Busa, kita nagalaum ug nagasalig nga ang mga plano ug mga lakang nga gihisgutan pagapatumanon sa labing dali nga panahon, aron mahatagan og malungtarong solusyon ang problema sa tubig ug mobalik sa hustong serbisyo ang suplay sa tubig sa Barangay Caucab.

Sa katapusan, dili kini panahon sa pagtinud-anay og basulon, kundili panahon sa pagtinabangay. Dili panahon sa pagkabahin-bahin, kundili panahon sa pagpangita og solusyon.

Kay ang atong tumong usa ra:

Ang kaayuhan sa atong katawhan, ang kalig-on sa atong barangay, ug ang hustong serbisyo nga angay madawat sa matag pamilya sa Barangay Caucab. 💧🤝

Para sa Caucab. Para sa atong katawhan. Para sa kaayuhan sa tanan ❤️

08/09/2026

IMPORTANT ANNOUNCEMENT ❗️❗️❗️

🚰 EMERGENCY BARANGAY ASSEMBLY

ON THE WATER SUPPLY SITUATION
📍 Barangay Caucab, Almeria, Biliran

Atong mga minahal nga residente sa Barangay Caucab, ginahangyo ang tanan nga motambong sa atong Emergency Barangay Assembly aron atong mahibal-an ug masabtan ang kasamtangang sitwasyon sa atong water supply ug ang mga problema nga atong nasinati karon.

Importante kaayo ang inyong presensya ug partisipasyon, tungod kay atong hisgutan ang:

🔹 Kasamtangang kahimtang ug problema sa atong suplay sa tubig;
🔹 Mga concerns ug hinungdan nga nakaapekto sa atong water supply;
🔹 Mga lakang nga nahimo na; ug
🔹 Mga plano ug posibleng solusyon alang niini nga problema.

🤝 Kini nga problema nagkinahanglan sa atong hiniusang pagsabot ug partisipasyon isip usa ka komunidad.

Busa, gihangyo namo ang tanang residente sa Barangay Caucab nga motambong. Importante ang inyong presensya aron personal natong mahibal-an ang tinuod nga sitwasyon, mapangutana ang mga concerns, ug masabtan kung unsa ang mga plano ug lakang nga atong pagahimoon alang sa solusyon niini nga problema.

📅 Petsa: September 9, 2026 (Miyerkules)
⏰ Oras: 4:00 PM
📍 Lugar: Caucab Gymnasium

Importante ang matag tingog. Importante ang matag presensya.

💧 Atong sabton ang problema. Atong hisgutan ang solusyon. Atong paningkamotan ang mas maayong suplay sa tubig alang sa Barangay Caucab.

Kita-kita ta ug maghiusa kita alang sa solusyon.

08/09/2026

PRESS RELEASE

8 September 2026

RELEASE TO:
BLGU-CAUCAB
Caucab, Almeria

SUBJECT:
DISTRICT ELECTION SA ALMERIA DISTRICT

GIPASABOT SA BILECO ANG MGA MIYEMBRO-KONSUMER NIN SA ALMERIA NGA ADUNAY IPATIGAYON NGA DISTRICT ELECTION O PINILI-AY ALANG SA PAGKA-BOARD DIRECTOR KARONG SEPTEMBER 12, 2026, SABADO NGA ADLAW, PAGAHIMUON KINI DIDTO SA ALMERIA CENTRAL SCHOOL. MAGSUGOD SA ALAS OTSO SA BUNTAG HANGTOD ALAS TRES SA HAPON ANG BOTHOAN.

ADUNAY DUHA KA-KANDIDATO ANG NAGFILE SA CERTIFICATE OF CANDIDACY OG NINGKWALIPIKAR SA PAGKA BOARD DIRECTOR SA NGALAN NILA: CHARMAINE MAE M. HOLANDA UG REYNALDO C. BOLOTANO. ANG MAPILING BOARD OF DIRECTOR MOLINGKOD SA KATUNGDANAN SULOD SA TULO (3) KA TUIG, SUGOD SA SEPTEMBER 2026 HANGTOD SA AGOSTO 29, 2029.

HINUMDUMI NGA ANG MGA MIYEMBRO LAMANG SA BILECO NGA NAREHISTRO HANGTOD ABRIL 12, 2026 ANG ADUNAY KATUNGOD SA PAGBOTAR. ANG PAGPARTISIPAR SA ELECTION USA USAB SA MGA REQUISITOS SA PAGDAGAN ISIP BOARD OF DIRECTOR.

BUSA GI-AWHAG ANG MGA MIYEMBRO-KONSUMER SA PAGPARTISIPAR PAGPILI SA MGA LIDER NGA MOPADAYON SA PAG-UMOL, PAGDUMALA UG PAGPALAMBO SA ATONG KOOPERATIBA. ANG INYONG BOTO, IMPORTANTE SA KAUGMAON SA ATONG KOOPERATIBA. AYAW KALIMOT SA PAGDALA OG VALID ID UG PINAKABAG-O NGA BILL O RESIBO SA KURYENTE. DAGHANG SALAMAT!

Prepared by:
REALYN COBRE
SMCS

Recommending Approval:
MICHAEL M. GABING
RCO

Approved for release:
ENGR. GERARDO N. OLEDAN
General Manager

OFFICIAL ISSUANCE
Office of the General Manager
Issuance No.: GM-PR-26-049
Date Issued: 8 Sept. 2026

29/08/2026

🏆 LIGA NIGHT CUM PAGKILALA 2026 | 78th CHARTER DAY CELEBRATION

“Ang pangahusà atong ipadayon aron sa kauswaban sa lungsod mag malungtaron.” 💙✨

Usa ka makapasigarbo nga gabii alang kanamo nga taga-Barangay Caucab! 💐🏆

Dako among kalipay ug pasalamat nga ang atong barangay nahatagan og mga pagkilala ug awards tungod sa paningkamot, kooperasyon ug dedikasyon sa atong mga opisyal, volunteers, ug labaw sa tanan, sa atong mga katawhan nga kanunay nagtinabangay para sa kauswaban sa Caucab. 🤝❤️

Lakip niini ang atong Municipal Second Runner-Up recognition sa HAPAG-BCG (Halina’t Magtanim ng Prutas at Gulay sa Barangay)—usa ka pagkilala nga nagpakita nga pinaagi sa panaghiusa, disiplina ug pag-atiman sa atong komunidad, daghan kitag mahimo. 🌱🥬🍆🏆

Congratulations, Barangay Caucab! 🎉
Kining mga awards dili lamang para sa pipila ka tawo, kundili kalampusan sa tibuok Caucab. Kini resulta sa atong panaghiusa ug serbisyo alang sa atong barangay. 💚

🙏 Pasalamat sa atong mga 3-Termers

Usa usab ka dakong pagpasalamat ug paghatag og respeto sa atong mga three-term Barangay Councilors, Hon. Luz Bernal ug Hon. Romeo Congcong.

Daghang salamat sa inyong mga tuig sa matinud-anong serbisyo, inyong mga kontribusyon, tambag ug mga proyekto nga inyong natampo alang sa atong barangay. Ang inyong dugay nga pagserbisyo usa ka maayong ehemplo nga ang tinuod nga pagpangulo nasukod dili lamang sa posisyon, kundili sa serbisyo, sakripisyo ug dedikasyon sa katawhan. 🙌

Sa tanang Barangay Caucab officials, volunteers, organizations, ug mga residente, daghang salamat sa inyong paningkamot ug suporta. Ang atong mga awards usa ka pahinumdom nga kung magtinabangay ang tanan, mas daghan pa kitang maabot.

Padayon, Barangay Caucab! 💪💙
Padayon sa serbisyo. Padayon sa panaghiusa. Padayon sa kauswagan! 🌱🏆

Congratulations to all the awardees and to the Municipality of Almeria on its 78th Charter Day Celebration! 🎉

06/08/2026

Maayong adlaw kaninyong tanan!

Kini usa ka pahibalo gikan sa Barangay Caucab og Rural Health Unit sa Almeria.

Magpahigayon kita sa LIGTAS TIGDAS – Measles Rubella Supplemental Immunization Activity (MR SIA) ug Vitamin A Supplementation alang sa tanang kabataan nga 6 ka bulan hangtod 59 ka bulan ang panuigon karong AUGUST 11, 2026 - MARTES,

✅ 8 A.M. sa COVERED COURT
✅ 1 P.M. sa SITIO PALAYAN

Ginahangyo namo ang tanang ginikanan ug mga tigbantay nga dalhon ang ilang mga anak aron mabakunahan batok sa tigdas ug mapainom og Vitamin A. Palihug ayaw kalimti ang pagdala sa Mother and Child Book (MC Book) aron marekord ang bakuna sa inyong anak.

Bisan pa og kompleto na ang bakuna sa inyong anak sa dihang bata pa siya, importante gihapon nga makadawat siya niining dugang nga bakuna. Kini nga kampanya nagpalig-on sa proteksyon sa bata batok sa tigdas ug rubella aron malikayan ang grabeng sakit ug mga komplikasyon.

Mga ginikanan, hinumdumi nga nagkunhod ang bakuna nga nadawat sa ubang lugar, maong adunay risgo sa outbreak sa tigdas. Ang usa lamang ka kaso sa tigdas dali kaayo makatakod ug mahimong mokatag sa daghang bata nga walay igong proteksyon. Ang labing epektibong paagi sa pagpugong niini mao ang pagpabakuna sa tanang kwalipikadong kabataan.

Ang bakuna ug Vitamin A libre, luwas, ug epektibo!

Atong paningkamotan nga mapanalipdan ang atong mga anak ug ang tibuok komunidad.

Alang sa dugang impormasyon ug mga pangutana, palihug duola ang inyong Barangay Health Worker (BHW) o bisitaha ang inyong Barangay Health Center. Andam kami sa pagtabang ug pagtubag sa inyong mga pangutana bahin sa bakuna.

LIGTAS TIGDAS! Magpabakuna. Magpabitamina A. Alang sa himsog ug luwas nga kaugmaon sa atong kabataan!

Daghang salamat ug maayong adlaw kaninyong tanan!

27/07/2026

Success is not always measured by bringing home the championship trophy.

This time, Barangay Caucab did not take home the Champion title, but earning 2nd Place is still an achievement we are truly proud of—especially considering the circumstances we faced. The preparation was done on very short notice, and honestly, our focus has been divided because of the challenges our barangay is currently experiencing, particularly the ongoing water situation.

Despite these difficulties, we refused to let the opportunity pass. Through unity, cooperation, and the willingness of everyone to help, we were still able to participate in the Nutrition Day 2026 celebration in the Municipality of Almeria and represent our barangay with pride.

This experience reminds us that no matter how many problems a community faces, teamwork remains the key to overcoming them. When people work together with one purpose, challenges become easier to face, and progress becomes possible.

To everyone who dedicated their time, effort, and support—our participants, Brgy officials headed by Hon. Johnny D. Songalia ,BHWs and mga intoy Rojas og sa dalikyat hehe—thank you. Your commitment made this possible.

Congratulations to all the winners, and congratulations as well to Barangay Caucab.

Together, we rise. Together, we serve. Together, Barangay Caucab moves forward. 🇵🇭💚

21/07/2026

OPISYAL NGA PAHIBALO ❗️

Mahitungod sa Kasamtangang Problema sa Suplay sa Tubig sa Barangay Caucab

Mga pinalanggang ka-barangay,

Ang Barangay Government sa Caucab nakaila ug nakasabut sa inyong kabalaka tungod sa padayon nga problema sa suplay sa tubig nga nakaapekto sa daghang panimalay sa atong barangay.

Nasabtan namo nga ang tubig usa ka importante kaayo nga panginahanglan sa matag pamilya. Busa, nasabtan usab namo ang kalisod ug kasubo nga inyong nasinati tungod sa kakulang sa suplay sa tubig.

Alang sa husto nga kasayuran sa tanan, gusto namong ipahibalo nga ang pagdumala, pagmintinar, ug pag-apod-apod sa atong water system karon ubos na sa Municipal Government sa Almeria. Tungod niini, ang Barangay Government sa Caucab wala nay direktang gahom sa pagdumala o pag-ayo sa water system.

Apan bisan pa niini, dili kami mohunong sa pagbuhat sa among responsibilidad isip inyong mga opisyal. Padayon namong gipadangat sa Municipal Government ang inyong mga reklamo ug kabalaka, ug sige usab kami ug follow-up aron mangayo ug dayong aksyon ug dugayng solusyon sa problema sa tubig.

Naghangyo usab kami sa tanan nga mga konsumidor sa tubig nga magtinabangay pinaagi sa:

* Paglikay sa pag-usik sa tubig.
* Pagreport dayon sa mga leak o guba nga linya sa tubig.
* Paghatag ug husto nga impormasyon aron makatabang sa pagsulbad sa problema.

Sa umaabot, ang Barangay Government sa Caucab magpadayon sa pagtrabaho ug pagpakig-coordinate sa Municipal Government ug sa ubang mga ahensya aron mapalambo ang serbisyo sa tubig. Atong tinguha nga adunay mas lig-on, mas kasaligan, ug patas nga serbisyo sa tubig alang sa tanang residente sa Barangay Caucab.

Nagtuo kami nga ang kalamboan sa atong barangay dili mahimo pinaagi lamang sa usa ka opisyal o usa ka opisina. Kini mahimo pinaagi sa panaghiusa, pagsinabtanay, ug pagtinabangay sa tanan.

Nagpasalamat kami sa inyong pagpailub, pagsabot, ug padayon nga suporta. Pasalig namo nga magpadayon kami sa pagbarug alang sa inyong kaayohan ug sa interes sa tibuok Barangay Caucab.

Magtinabangay kita aron makab-ot ang usa ka Barangay Caucab nga adunay patas, kasaligan, ug mas maayong serbisyo para sa tanan.

Address

Brgy. Caucab, Almeria
Biliran
6544

Website

facebook.com

Alerts

Be the first to know and let us send you an email when Brgy. Caucab Official posts news and promotions. Your email address will not be used for any other purpose, and you can unsubscribe at any time.