18/09/2026
𝗣𝗮𝗿𝗮𝗹𝗲𝗴𝗮𝗹 𝗧𝗿𝗮𝗶𝗻𝗶𝗻𝗴, 𝗜𝗴𝗶𝗻𝗵𝗮𝘁𝗮𝗴 𝗵𝗮 𝗕𝗼𝗿𝗼𝗻𝗴𝗮𝗻 𝗖𝗶𝘁𝘆 𝗘𝗻𝘃𝗶𝗿𝗼𝗻𝗺𝗲𝗻𝘁𝗮𝗹 𝗘𝗻𝗳𝗼𝗿𝗰𝗲𝗿𝘀
Nagkamay-ada hin duha ka-adlaw nga Paralegal Training an personnel han City Environment and Natural Resources Office (Enforcement Unit), Former Rebels nga volunteers ha Environmental Protection, Maritime Police, Coast Guard ngan Borongan City Police.
Nagpa-angbit hin mga hibabruan parte han mga balaudnon han Presidential Act 705, DENR Admin. Order No. 97-32, Philippine Chainsaw Act of 2001 ngan Wildlife Resources Conservation & Protection Act of 2001, Duties and Responsibilities of DENROs, WEOs and Reportorial Requirements an team ni Atty. Johan Heinn Arpon, Assistant Division Chief, Enforcement Division han DENR Region 8.
Iginpahamtang naman liwat han mga resource speakers tikang ha Mines and Geosciences Bureau (MGB) Regional Office an mahiunong han “Philippine Mines Act 1995 and its Revised Implementing Rules and Regulations” ngan MGB-related Enforcement Operations.
Tinambong ngan naghatag hin mensahe hin pagsuporta hi For. Benjamin Gonzales han Community Environment Natural and Resources Office.
Siring niya, “Kinahanglan namon an iyo bulig, an DENR, diri kami mga superman; maaram kamo how big the timberland of Borongan is. This initiative han syudad han Borongan is very much recognizable—imagine kay diri namon kaya nga an DENR lang ang magprotect han aton kalibungan; that’s why, one of the reasons why we are here today is for you to learn, to collaborate and to [become] protectors of our environment”.
Tinambong han akitibidad hi Atty. Celestino Cabato, Legal Officer ngan representante ni Mayor Jose Ivan Dayan Agda, diin iya iginsumat nga yana nga tu-ig, in waray pa nahirereport nga illegal logging ha syudad.
Nagkamay-ada liwat hin ‘open forum’ kun diin natagan hin oportunidad an mga partisipantes nga makapagpakiana.
An nasabi nga aktibidad in pinangunahan ni For. Jojito Acla, head han City-ENRO ngan kaparte liwat an ginbuhat nga paghag-id ha rekisitos para an mga partisipantes in magin Deputized Environment and Natural Resources Officer o DENRO, Wildlife Enforcement Officer (WEO) ngan Metropolitan Environmental Officer (MEO). Ini liwat in ikinatu-ig nga aktibidad han City-ENRO, nga kinahanglan para han usa ka tu-ig nga ‘validity period’ han ira ‘deputatation’.